Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Привитусс
Халықаралық патенттелмеген атауы
Клоперастин
Дәрілік түрі, дозалануы
Ішуге арналған суспензия 708 мг/100 мл, 100 мл және 200 мл
Фармакотерапиялық тобы
Респираторлық жүйе. Жөтел және суық тию аурулары кезінде қолданылатын препараттар. Жөтелге қарсы препараттар, қақырық түсіретін препараттармен біріктірілімді қоспағанда. Жөтелге қарсы басқа препараттар. Клоперастин.
АТХ коды R05DB21.
Қолданылуы
- жөтелді симптоматикалық емдеу
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттерінің кез келгеніне жоғары сезімталдық
- 2 жасқа дейінгі балаларға
- жүктілік және лактация кезеңі
Басқа дәрілік препараттармен өзара әрекеттесуі
L-клоперастиннің орталық жүйке жүйесіне болар-болмас салдарлы әсері бар және орталық жүйке жүйесін бәсеңдететін немесе стимуляциялайтын препараттармен өзара әрекеттесуі мүмкін.
Бір мезгілде қолданған жағдайда, алкогольдің, антигистаминдік препараттар мен серотонин антагонистерінің, және азғантай дәрежеде, миорелаксанттардың, мысалы, папавериннің әсері күшеюі мүмкіндігін ескеру керек.
Арнайы ескертулер
Привитусс препаратын бауыр мен бүйректің ауыр жеткіліксіздігі бар пациенттерге абайлап тағайындау керек.
Құрамында метилпарагидроксибензоат (E 218), пропилпара-гидроксибензоат (E 216) болғандықтан, баяу типті аллергиялық реакцияларды туғызуы мүмкін.
Педиатрияда қолдану
Препарат 2 жасқа дейінгі балаларда қолдануға арналмаған.
Жүктілік немесе лактация кезінде
Фармакологиялық қауіпсіздігіне зерттеу (соның ішінде – ұрпақ өрбітуге қатысты уыттылығын, гендік уыттылығын, канцерогенділігі мен созылмалы уыттылығын зерттеулер) жүргізілетін клиникаға дейінгі зерттеулер барысында, зерттеліп отырған заттың адам үшін болжамды қаупі анықталған жоқ.
Сонымен қатар, жүкті әйелдердің қатысуымен кең ауқымды клиникалық зерттеулер жүргізілмегендіктен, Привитусс препаратын жүктілік және лактация кезеңінде қолданбаған дұрыс. Препаратты лактация кезеңінде тағайындау қажет болған жағдайда, бала емізуді тоқтату керек.
Препараттың көлік құралы немесе қауіптілігі зор механизмдерді басқару қабілетіне әсер ету ерекшеліктері
Емдік дозаларында қолданған кезде препарат тыныштандыратын әсер бермейді және пациенттің автомобиль басқару немесе механизмдермен жұмыс жасау қабілетіне әсер етпейді.
Қолдану жөніндегі нұсқаулар
Дозалау режимі
Ересектерге: күніне 3 рет 5 мл-ден
Балаларға: 2 жастан 4 жасқа дейінгілерге: күніне екі рет 2 мл-ден;
4 жастан 7 жасқа дейінгілерге: күніне екі рет 3 мл-ден;
7 жастан 15 жасқа дейінгілерге: күніне екі рет 5 мл-ден.
Қаптамасында 2-3-5 мл бөліктері белгіленген өлшеуіш қасықтың болуы қарастырылған.
Емдеу ұзақтығы
Емдеу ұзақтығы 7-10 күнді құрайды.
Қолданар алдында ішінде суспензиясы бар құтыны әбден шайқау керек.
Артық дозаланған жағдайда қабылдануы тиіс шаралар
Симптомдары: ОЖЖ қозғыштығының жоғарылауы.
Емі: артық дозаланған жағдайда асқазанды шаю, белсендірілген көмірді қабылдау және симптоматикалық ем ұсынылады.
Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар
Кез келген пайдаланылмаған дәрілік заттар немесе қалдықтар жергілікті талаптарға сәйкес утилизациялануы тиіс.
ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар
Препараттың клиникалық зерттеулерінде асқазан-ішек жолы тарапынан бірен-саран ғана бұзылулар байқалған, олар жеңіл түрде жүреді, олардың препаратты қолданумен байланыстылығы күмәнді деп бағаланған.
Емдік дозаларында қолданғанда, препараттың орталық жүйке жүйесін тыныштандыратын немесе стимуляциялайтын әсерлерімен байланысты белгілер мен симптомдар байқалмаған.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
100 мл препараттың құрамында
белсенді зат - L-клоперастин фендизоаты - 708.0 мг (400.0 мг клоперастин гидрохлоридіне баламалы),
қосымша заттар: ксантан шайыры, макрогол стеараты, ксилитол, метилпарагидроксибензоат (Е 218), пропилпарагидроксибензоат (Е 216), натрий гидроксиді, банан эссенциясы, тазартылған су.
Сыртқы түрінің, иісінің, дәмінің сипаттамасы
Қою сүтті суспензия.
Шығарылу түрі және қаптамасы
100 мл немесе 200 мл препараттан III типті (ЕФ*) сары түсті, балалардың ашуынан қорғайтын бұралатын капсула қақпақшасы, пластик пломбасы мен сақинасы бар құтыға құйылған. Әр құтыға жабысқақ заттаңба жапсырылады.
Өлшеуіш қасығымен 1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі
5 жыл
Жарамдылық мерзімі өткеннен кейін қолдануға болмайды!
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
Marco Viti Farmaceutici S.p.A.
Via Tarantelli 13/15, Моцатте, Италия
Тіркеу куәлігінің ұстаушысы
Aesculapius Farmaceutici S.r.l.
Via Cefalonia 70-25124 Бершиа, Италия
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«AVITA(АВИТА)» ЖШС,
Алматы қ., Сейфуллин көшесі 458-460/95
телефон/факс 8/727/2794732
