Кандификс 150 мг, №1, капс.

Сипаттама

Дәрілік затты медициналық қолдану жөніндегі нұсқаулық

КАНДИФИКС

Саудалық атауы

Кандификс

Халықаралық патенттелмеген атауы

Флуконазол

Дәрілік түрі

150 мг капсулалар

Құрамы

Бір капсула құрамында

белсенді зат - 150 мг флуконазол,

қосымша заттар: лактоза моногидраты, жүгері крахмалы, магний стеараты, сусыз коллоидты кремнийдің қостотығы, натрий лаурилсульфаты,

қабықтың құрамы: титанның қостотығы (Е171), желатин.

Сипаттамасы

Ақ түсті мөлдір емес қақпағы және ақ түсті мөлдір емес корпусы бар, № 0, қатты желатинді капсулалар. Капсуланың ішіндегісі ақ түсті гомогенді ұнтақ.

Фармакотерапиялық тобы

Жүйелі қолдануға арналған инфекцияға қарсы препараттар.

Жүйелі қолдануға арналған зеңге қарсы препараттар. Триазолтуындылары. Флуконазол.

АТХ коды J02AC01

Фармакологиялық қасиеттері

Фармакокинетикасы

Сіңуі

Флуконазолды вена ішіне және пероральді түрде қолданғанда фармакокинетикалық қасиеттері ұқсас болады.

Ішке қабылдағаннан кейін Кандификс жақсы сіңеді, жалпы биожетімділігі – 90%. Препарат қабылдағанда онымен бір мезгілде тамақ ішу препараттың сіңуіне ықпалын тигізбейді. Флуконазолды қабылдағаннан кейін 0,5-1,5 сағаттан соң плазмадағы концентрациясы ең жоғары шегіне жетеді. Плазмадағы концентрациясы дозаға пропорционал. Тепе-тең 90% концентрацияға емдеуді бастағаннан кейін 4-5-ші күні жетеді (препаратты тәулігіне бір рет көп реттік қабылдағанда). Әдеттегіден 2 есе артық болатын қаныққан дозаны (1-ші күні) енгізу 2-ші күні қан плазмасындағы тепе-тең 90% деңгейдегі концентрацияға жетуді қамтамасыз етеді.

Таралуы

Таралу көлемі организмдегі сұйықтықтың жалпы мөлшеріне тең болады. Ақуыздармен байланысуы – төмен (11-12%). Флуконазол организмнің бүкіл сұйықтығына жақсы енеді. Сілекейдегі және қақырықтағы флуконазол деңгейі қан плазмасындағы препарат концентрациясына ұқсас. Зеңді менингиттен зардап шегіп жүрген пациенттерде флуконазолдың ЖМС-тегі (жұлын-ми сұйықтығы) деңгейі қан плазмасындағы концентрациясының 80%-на жетеді.

Концентрациясының сарысулық деңгейінен асып кететін терідегі флуконазол мүйізгекті қабатта, эпидермисте, дермада және терде жоғары концентрациясына жетеді. Флуконазол мүйізгекті қабатқа жиналады. Тәулігіне 1 рет 50 мг дозаны қолданғанда флуконазолдың концентрациясы 12 күн емдеуден кейін 73 мкг/г-ні, ал емдеуді тоқтатқаннан кейін 7 күннен соң әлі де 5,8 мкг/г-ні құрады. Аптасына 1 рет 150 мг дозаны қолданғанда флуконазолдың концентрациясы емнің 7-ші күні 23,4 мкг/г құрады; келесі дозасынқолданғаннан кейін 7 күннен соң концентрациясы әлі де 7,1 мкг/г құрады.

Аптасына 1 рет 150 мг қолданғанда 4 айдан кейін тырнақтағы флуконазолдың концентрациясы дені сау адамдарда 4,05 мкг/г және тырнақ ауруларында 1,8 мкг/г құрады; флуконазол емдеуді аяқтағаннан кейін 6 айдан соң тырнақ үлгілерінен табылды.

Метаболизмі

Флуконазол едәуір дәрежеде метаболизденеді. Радиоактивті изотоптармен таңбаланған дозаларды енгізген кезде флуконазолдың 11%-ы ғана несеппен бірге өзгермеген күйінде шығарылады. Флуконазол CYP2С9 және CYP3А4 изоферменттерінің селективті тежегіші болып табылады. Сондай-ақ флуконазол CYP2C19-ға тежегіш әсер береді.

Шығарылуы

Флуконазолдың қан плазмасынан жартылай шығарылу кезеңі 30 сағатқа жуықты құрайды. Препараттың аздаған бөлігі бүйрек арқылы шығарылады, мұндайда енгізілген дозаның 80%-ы өзгермеген күйінде несептен табылады. Флуконазолдың клиренсі креатинин клиренсіне пропорционал болады. Айналымдағы метаболиттер туралы айғақтайтын деректер жоқ.

Қан плазмасынан препараттың жартылай шығарылуының ұзаққа созылатын кезеңі қынаптық кандидозда препаратты бір реттік қабылдаумен ем жүргізу, сондай-ақ басқа көрсетілімдерде аптасына 1 рет қолдану мүмкіндігін қамтамасыз етеді.

Бүйрек функциясының жеткіліксіздігіндегі фармакокинетикасы

Бүйрек функциясының ауыр дәрежедегі (шумақтық сүзілу жылдамдығы <20 мл/мин) жеткіліксіздігі бар пациенттердежартылай шығарылу кезеңі 30-дан 98 сағатқа дейін артады. Демек, дозаны азайту қажет. Флуконазол гемодиализбен және аз дәрежеде перитонеальді диализбен шығарылады. Ұзақтығы 3 сағаттық гемодиализ сеансы қан плазмасындағы флуконазол деңгейін шамамен 50%-ға төмендетеді.

Егде жастағы пациенттердегі фармакокинетикасы

Фармакокинетикалық зерттеулер флуконазолдың 50 мг деңгейдегі бір реттік пероральді дозасын қабылдаған 65 жастағы және одан үлкен пациенттердің қатысуымен жүргізілді. Осы пациенттердің кейбіреулері диуретиктерді бір мезгілде қабылдады. Cmax 1,54 мкг/мл құрады және оған флуконазолды қабылдағаннан кейін 1,3 сағат ішінде жетті. Орташа AUC 76,4±20,3 мкг сағ./мл, ал орташа жартылай шығарылу кезеңі 46,2 сағатты құрайды. Фармакокинетикалық көрсеткіштердің деректері, жасы кіші пациенттердегі ұқсас көрсеткіштерге қарағанда, өте жоғары болып табылады. Диуретиктерді бір мезгілде қолдану Cmax және AUC мәндеріне елеулі ықпалын тигізген жоқ. Сондай-ақ егде жастағы пациенттерде креатинин клиренсі (74 мл/мин), өзгермеген күйінде несептен табылған дәрілік препарат пайызы (0–24 сағ., 22%), және флуконазолдың бүйректік клиренсі (0,124 мл/мин/кг), жас пациенттердегі ұқсас көрсеткіштерге қарағанда, әдеттегідей өте төмен болды. Сондықтан пациенттердің осы тобындағы фармакокинетикасының өзгерулері, бәлкім, бүйрек функциясының көрсеткіштеріне байланысты.

Фармакодинамикасы

Флуконазол триазолдар тобының зеңге қарсы препараты болып табылады. Әсер ету механизмі эргостерол биосинтезінің негізгі кезеңі зеңдік P450 цитохромы арқылы 14α-ланостеролдың деметилденуінің тежелуіне негізделген. 14α-метил-стеролдардың жиналуы эргостеролдың әрі қарай зең жасушалары жарғақшасымен жойылуымен өзара байланысты және флуконазолдың зеңге қарсы белсенділігі үшін жауап беруі мүмкін. Флуконазол Р450 цитохромы ферменттерінің әртүрлі жүйелеріне қарағанда, Р450 цитохромының зеңдік ферменттеріне көбірек селективті болып табылады.

Флуконазолдың тәулігіне 50 мг дозасын 28 күн бойы қолдану еркектерде қан плазмасындағы тестостерон деңгейіне немесе ұрпақ өрбіте алатын жастағы әйелдерде эндогендік стероидтардың деңгейіне ықпалын тигізбейді. Флуконазолдың тәулігіне 200–400 мг дозасы эндогендік стероидтардың деңгейіне немесе еркектерде АКТГ стимуляциясына жауабына клиникалық тұрғыдан маңызды ықпалын тигізбейді. Антипиринмен өзара әрекеттесуін зерттеу 50 мг флуконазолды бір реттік немесе көп реттік қолдану антипириннің метаболизміне ықпалын тигізбейтіндігін көрсетті.

Іn vitro жағдайларда флуконазол өте кең таралған Candida түрлеріне (C. albicans, C. parapsilosis, C. tropicalis қоса) зеңге қарсы белсенділік танытады. C. glabrata түрі флуконазолға сезімталдықтың кең ауқымды екендігін көрсетеді, ал C. krusei түрі флуконазолға резистентті болып табылады.

Сондай-ақ in vitro жағдайларда флуконазол Cryptococcus neoformans және Cryptococcus gattii қарсы, сонымен қатар эндемиялық зеңдік Blastomices dermatitidis, Coccidioides immitis, Histoplasma capsulatum және Paracoccidioides brasiliensis зеңдік саңырауқұлақтарға қарсы белсенділік білдіреді.

Резистенттілік механизмі

Candida туысының микроорганизмдері зеңге қарсы азольді дәрілерге резистенттіліктің көптеген механизмдерін көрсетеді. Флуконазол in vivo тиімділігіне және клиникалық іс-тәжірибеде теріс ықпалын тигізетін резистенттіліктің бір немесе көбірек механизмдері бар зеңдердің штаммдарына қарсы жоғары ең төмен тежегіш концентрациясын көрсетеді.

Флуконазолға көбіне сезімтал емес болып табылатын, C. albicans-тан айырмашылықтары бар Candida түрлерінің (мысалы, C. Krusei) суперинфекцияларының даму жағдайлары жөнінде мәлімделді. Мұндай жағдайларды емдеу үшін зеңге қарсы альтернативті дәрілерді қолдану қажет.

Осы сипаттамалар түрлерге тән емес сезімталдық шегінде шартты түрде болды; осы сипаттамалар фармакокинетикалық/ фармакодинамикалық деректер негізінде анықталды және барынша ең төмен тежегіш концентрациялар бойынша белгілі бір түрлерге және адамда инфекциялармен жиі байланысты белгілі бір түрлермен байланысты сезімталдық шегінде таралуына байланысты емес.

Қолданылуы

Кандификс ересектерде келесі ауруларды емдеу үшін қолданылады:

– криптококктік менингитте

– кокцидиоидомикозда

– инвазивті кандидозда

– ауыз-жұтқыншақ кандидозын, өңеш кандидозын қоса шырышты қабықтардың кандидозында, кандидурия, терінің және шырышты қабықтардың созылмалы кандидозында

– ауыз қуысының созылмалы атрофиялық кандидозында (тіс протездерінің стоматитінде), егер ауыз қуысының тазалығына арналған заттар немесе жергілікті емдеуге арналған дәрілер жеткіліксіз болып табылса

– жедел немесе қайталанатын түрдегі қынаптық кандидозда, егер жергілікті емге қолдануға келмеген жағдайда

– кандидоздық баланитте, жергілікті емдеуге келмеген жағдайда

– дерматомикозда, соның ішінде табан дерматомикозында, тұлабой дерматомикозында, шап дерматомикозында, кебекті теміреткіде және жүйелік емдеу көрсетілген кезде басқа да терінің кандидоздық инфекцияларында

– дерматофиттік онихомикозда (онихомикоз), егер емдеудің басқа нұсқалары жарамайтын деп мойындалса

Кандификс ересектерде келесі аурулардың профилактикасы үшін қолданылады:

– қайталану қаупі жоғары пациенттерде криптококктік менингит қайталанғанда

– қайталанудың туындау қаупі жоғары топқа жататын, АИТВ жұқтырған пациенттерде ауыз-жұтқыншақ немесе өңеш кандидозы қайталанғанда

– қынаптық кандидозы қайталанған (жылына 4 немесе одан көбірек өршіген) пациенттерде өршу жиілігін азайту үшін

– нейтропениясы ұзаққа созылған пациенттерде (мысалы, химиотерапия қабылдап жүрген қатерлі гематологиялық аурулары бар пациенттер, немесе сүйек кемігінің трансплантациясын бастан кешірген пациенттер) кандидоздық инфекцияларға профилактика жүргізу үшін

Қолдану тәсілі және дозалары

Ішке қабылдауға арналған капсулалар. Капсуланы тұтастай жұтады.

Емдеуді сеппенің және басқа да зертханалық зерттеулердің нәтижелері алынғанға дейін бастауға болады. Алайда инфекцияларға қарсы емді осы зерттеулердің нәтижелері белгілі болған кезде тиісінше өзгерту қажет.

Кандификстің тәуліктік дозасы зеңдік инфекциялардың сипатына және ауырлығына байланысты.

Ересектерде қолдану

Криптококктік менингитте және басқа жерге орныққан криптококктік инфекцияларда алғашқы күні әдетте 400 мг тағайындайды, ал содан кейін емдеуді тәулігіне бір рет 200-400 мг дозада жалғастырады. Криптококктік инфекцияларды емдеу ұзақтығы клиникалық және микологиялық әсердің болуына байланысты; криптококктік менингитте емдеуді әдетте ең жоқ дегенде 6-8 апта жалғастырады.

ЖИТС-ке шалдыққан науқастарда криптококтік менингиттің қайталануына профилактика жүргізу үшін Кандификстің ұсынылатын дозасы – тәулігіне 200 мг.

Кандидемияда, диссеминацияланған кандидозда және басқа да инвазивтік кандидоздық инфекцияларда доза әдетте алғашқы күні тәулігіне 400 мг, содан кейін 200 мг-ден құрайды. Клиникалық әсерінің айқындылығына байланысты доза тәулігіне 400 мг дейін арттырылуы мүмкін.

Емдеу ұзақтығы клиникалық және микологиялық әсеріне байланысты.

Орофарингеальді кандидозда алғашқы күні препарат әдетте тәулігіне бір рет 200 мг-ден тағайындалады, содан кейін 100 мг-ден жалғастырады. Емдеуді қайталану ықтималдылығын төмендету үшін 2 апта бойы жалғастырады.

Тіс протездерін киюмен байланысты атрофиялық ауыз кандидозында14 күн бойы тәулігіне бір рет препараттың әдетте 50 мг дозасын протезді өңдеуге арналған жергілікті антисептикалық заттармен біріктіріп тағайындайды.

Шырышты қабықтардың басқа кандидоздық инфекцияларында (генитальді кандидозды қоспағанда, төменді қараңыз), мысалы, эзофагитте, инвазивтік емес бронх-өкпе инфекцияларында, кандидурияда, тері кандидозында тиімді доза әдетте 14-30 күндік емдеу ұзақтығында тәулігіне 50-100 мг құрайды.

ЖИТС-ке шалдыққан науқастарда орофарингеальді кандидоздың қайталануына профилактика жүргізу үшін Кандификспен алғашқы емдеудің толық курсы аяқталғаннан кейін аптасына бір рет 150 мг-ден тағайындалуы мүмкін.

Қынаптық кандидозда Кандификсті ішке бір рет 150 мг дозада тағайындайды. Қынаптық кандидоздың профилактикасы үшін препаратты айына бір рет 150 мг дозада қолдануға болады. Емдеу ұзақтығын жекелей белгілейді; ол 4-тен 12 айға дейін өзгереді.

Кандидоздық баланитте Кандификсті ішке бір реттік 150 мг дозада тағайындайды.

Қатерлі ісіктері бар науқастарда зеңдік инфекциялардың профилактикасы үшін Кандификстің ұсынылатын дозасы, зеңдік инфекцияның даму қаупінің дәрежесіне байланысты, тәулігіне бір рет 50-400 мг құрайды. Жайылған инфекция қаупі жоғары, мысалы, айқын немесе ұзақ сақталатын нейтропениясы бар науқастар үшін ұсынылатын доза тәулігіне бір рет 400 мг құрайды.

Табан, тегіс тері, шап аймағының микоздарын қоса, терінің микоздарында ұсынылатын доза аптасына бір рет 150 мг немесе тәулігіне бір рет 50 мг құрайды. Емдеу ұзақтығы әдетте 2-4 аптаны құрайды, алайда табан микоздарында өте ұзағырақ (6 аптаға дейінгі) ем қажет етілуі мүмкін.

Кебекті теміреткіде ұсынылатын доза 2 апта бойы аптасына бір рет 300 мг құрайды; кейбір науқастарға аптасына 300 мг үшінші доза қажет болады, ал сол кезде кейбір науқастар үшін бір реттік 300-400 мг қабылдау жеткілікті болады. Емдеудің альтернативті сызбасы препаратты 2-4 апа бойы тәулігіне бір рет 50 мг қолдану болып табылады.

Онихомикозда ұсынылатын доза аптасына бір рет 150 мг құрайды. Емдеуді сау тырнақ пластинкасы пайда болғанға дейін жалғастырған жөн. Қол саусақтарындағы және аяқ бақайларындағы тырнақтың қайталап өсуі үшін, сәйкесінше, 3-6 ай және 6-12 ай қажет. Алайда өсу жылдамдығы әртүрлі адамдарда, сондай-ақ жасқа байланысты ауқымды шекте өзгеруі мүмкін. Ұзақ уақыт сақталған созылмалы инфекцияларды ойдағыдай емдегеннен кейін кейде тырнақ пішінінің өзгергені байқалады.

Терең эндемиялық микоздарда препаратты тәулігіне 200-400 мг дозада қолдану қажет болуы мүмкін. Емдеу ұзақтығы жекелей белгіленеді.

Егде жастағы адамдарда қолдану:

Бүйрек функциясы жеткіліксіздігінің белгілері жоқ болғанда препаратты әдеттегі дозада тағайындайды.

Бүйрек функциясының жеткіліксіздігі бар науқастарға қолдану:

Бір реттік қабылдағанда дозаны өзгерту қажет емес. Бүйрек функциясы бұзылған науқастарда препаратты көп реттік қолданғанда алдымен 50 мг-ден 400 мг-ге дейінгі екпінді дозаны енгізу керек, содан кейін тәуліктікдозаны (көрсетіліміне байланысты) келесі кесте бойынша белгілейді:

Креатинин клиренсі (мл/мин)	Ұсынылатын дозаның пайызы
>50 ≤50 (диализсіз) Ұдайы диализ	100% 50% әрбір диализден кейін 100%

Бауыр функциясының жеткіліксіздігі бар науқастарда қолдану:

Флуконазолды бүйрек функциясының бұзылулары бар адамдарда сақтықпен қолданған жөн, өйткені пациенттердің осы санатына флуконазолды қолдану жөнінде ақпарат жеткіліксіз.

Жағымсыз әсерлері

Тіркелген өте көп таралған (>1/10) жағымсыз реакциялар бас ауыру, іш тұсының ауыруы, диарея, жүректің айнуы, құсу, қандағы аланинаминотрансфераза деңгейінің артуы, аспартатаминотрансфераза деңгейінің артуы, қандағы сілтілік фосфатаза деңгейінің артуы және бөртпе болып табылады.

Кандификс препаратымен емдеу үдерісінде даму жиілігі мынадай болғанкелесі жағымсыз реакциялардың дамығаны жөнінде мәлімделді: жиі (≥1/100-ден <1/10 дейін), жиі емес (≥1/1,000-нан <1/100 дейін), сирек (≥1/10,000-нан <1/1,000 дейін), белгісіз (қолда бар деректер негізінде баға беруге келмейді).

Жиі

- бас ауыру

- іштің ауыруы, жүректің айнуы, құсу,диарея

- қандағы аланинаминотрансфераза деңгейінің жоғарылауы, аспартатаминотрансфераза деңгейінің жоғарылауы, сілтілік фосфатаза деңгейінің жоғарылауы

- бөртпе

Жиі емес

- анемия

- тәбеттің төмендеуі

- ұйқышылдық, агрипниялық синдром

- құрысу ұстамалары, парестезия, бас айналу, дисгевзия

- вертиго

- асқазан констипациясы, метеоризм, ауыз ішінің құрғауы

- холестаз, сарғаю, билирубин деңгейінің жоғарылауы

- дәрілік бөртпе, есекжем, қышыну, қатты терлеу

- бұлшықеттің ауыруы

- қатты қажу, жалпы дімкәстік сезімі, астения, температураның жоғарылауы

Сирек

- агранулоцитоз, лейкопения, тромбоцитопения, нейтропения

- анафилаксия

- гиперхолестеринемия, гипертриглицеридемия, гипокалиемия

- тремор

- QT аралығының ұзаруы екі бағытты ұршық тәріздес қарыншалық тахикардия

- бауыр функциясының жеткіліксіздігі, гепатоцеллюлярлық некроз, гепатит, бауыр жасушаларының зақымдануы

- уытты эпидермальді некролиз, буллезді полиморфты эритема, жайылған жедел экзантематозды пустулез, эксфолиативті дерматит, ангионевроздық ісіну, беттің ісінуі, алопеция

Белгісіз

- эозинофилия және жүйелік симптомдары (DRESS) бар дәрілік реакция

Қолдануға болмайтын жағдайлар

- әсер етуші заттарға, құрылысы флуконазолға ұқсас азольді заттарға немесе қосымша заттардың біреуіне аса жоғары сезімталдық

- Кандификсті тәулігіне 400 мг және одан көбірек дозада көп рет қабылдап жүрген пациенттердің терфенадинді бір мезгілде қабылдауы (осы қарсы көрсетілім көп реттік дозалардың арасындағы өзара әрекеттесу нәтижелеріне негізделген)

- QT аралығын ұзартатын және P450 (CYP) 3A4 ферменті арқылы метаболизденетін, цизаприд, астемизол, пимозид, хинидин және эритромицин сияқты басқа дәрілік заттарды флуконазол қабылдап жүрген пациенттердің бір мезгілде қабылдауына болмайды

- сирек тұқым қуалайтын галактоза жақпаушылығы, Лапп лактаза тапшылығы немесе глюкоза және галактоза мальабсорбциясы синдромы проблемалары бар пациенттерге, өйткені Кандификс капсуласының құрамында лактоза бар

- жүктілік және лактация кезеңі

- 18 жасқа дейінгі балалар мен жасөспірімдерге (капсуланың қабығында балаларға қолдануға тыйым салынған бояғыш зат бар).

Дәрілермен өзара әрекеттесуі

Цизаприд: Флуконазол және цизаприд бір мезгілде енгізілген пациенттерде жүректегі жағдайлар және екі бағыттық ұршық тәріздес қарыншалық тахикардияның дамығаны байқалды. Клиникалық зерттеулер жүргізген кезде тәулігіне 1 рет 200 мг флуконазолды және тәулігіне 4 рет 20 мг цизапридті бір мезгілде енгізу қан плазмасындағы цизаприд концентрациясы деңгейінің едәуір жоғарылауына және QTc аралығының ұзаруына әкелетіні анықталды. Флуконазолмен және цизапридпен бір мезгілде емдеуге болмайды.

Терфенадин: QTc аралығының ұзаруы аясында жүрек аритмияларының күрделі түрлерінің өріс алуы нәтижесінде зеңге қарсы азол тобының препараттарын терфенадинмен бір мезгілде қабылдап жүрген пациенттерде олардың өзара әрекеттесуіне зерттеулер жүргізілді. Жүргізілген бір зерттеуде флуконазолдың 200 мг деңгейіндегі тәуліктік дозасын енгізгенде QTc аралығының ұзаруымен өзара байланысы айғақталған жоқ. Басқа зерттеулер жүргізген кезде флуконазолды 400 мг және одан көбірек дозаларда (флуконазолдың тәуліктік дозасы: 400 және 800 мг) қабылдаудың қан плазмасындағы терфенадин концентрациясы деңгейінің, оны бір мезгілде қабылдағанда, едәуір төмендеуіне әкелетіні айғақталды. Флуконазолды (400 мг және одан көбірек) және терфенадинді біріктіріп қолдануға болмайды. Флуконазолды тәулігіне 400 мг-ден төмен дозаларда және терфенадинді бір мезгілде енгізуді мұқият қадағалаған жөн.

Астемизол: Флуконазолды және астемизолды бір мезгілде енгізу астемизолдың клиренсін арттыруы мүмкін. Қан плазмасында астемизол концентрациясы деңгейінің жоғарылауы нәтижесінде QT аралығының ұзаруы және, сирек жағдайларда, екі бағыттық ұршық тәріздес қарыншалық тахикардия дамуы мүмкін. Флуконазолды және астемизолды бір мезгілде енгізуге болмайды.

Пимозид: флуконазолды және пимозидті бір мезгілде енгізу пимозид метаболизмінің бәсеңдеуіне әкелуі мүмкін екендігі белгілі. Қан плазмасында пимозид концентрациясы деңгейінің жоғарылауы QT аралығының ұзаруына және, сирек жағдайларда, екі бағыттық ұршық тәріздес қарыншалық тахикардияның дамуына әкелуі мүмкін.

Хинидин: флуконазолды және хинидинді бір мезгілде енгізу хинидин метаболизмінің бәсеңдетуіне әкелуі мүмкін екендігі белгілі. Хинидинді қабылдау QT аралығының ұзаруымен және, сирек жағдайларда екі бағыттық ұршық тәріздес қарыншалық тахикардияның дамуымен байланысты болды. Флуконазолды және хинидинді бір мезгілде енгізуге болмайды.

Эритромицин: Флуконазолды және эритромицинді бір мезгілде енгізу кардиоуыттылық қаупін арттыруы (QT аралығының ұзаруы, екі бағыттық ұршық тәріздес қарыншалық тахикардияның дамуы) және, нәтижесінде жүректің кенеттен тоқтап қалуына әкелуі мүмкін.

Қалалар