Тауарлардың көрінісі фотосуретте көрсетілгеннен өзгеше болуы мүмкін

Мастодинон для приема внутрь 50 мл капли

3601
Қолжетімділігі
Сатылымда бар
Үлгі
4029799124175
Елі
Германия
Өндіруші
Bionorica AG
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Мастодинон®

Саудалық атауы

Мастодинон®

Халықаралықпатенттелмеген атауы

Жоқ

Дәріліктүрі

Ішуге арналған тамшылар 50 мл, 100 мл

Құрамы

100 г препарат құрамында

белсенді заттар:

Agnus castus D1 (қасиетті витекс немесе авраам ағашы) 20 г

Caulophyllum thalictroides D4 (маралоты тектес сабақты жапырақ)10 г

Cyclamen D4 (еуропалық қоғажай)10 г

Ignatia D6 (чилибуха игнация)10 г

Iris D2 (алуан түрлі құртқашаш)20 г

Lilium tigrinum D3 (тарғыл лалагүл)10 г

қосымшазаттар: 15% этил спирті, 43% этил спирті

Сипаттамасы

Мөлдір, хош иісті, сәл сарғыш сұйықтық. Сақтау үдерісінде жеңіл бұлыңғырлануы немесе шөгінді түзілуі мүмкін.

Фармакотерапиялық тобы

Несеп-жыныс жүйесі және жыныс гормондары. Гинекологиялық ауруларды емдеуге арналған басқа препараттар.

АТХ коды G02CX

Фармакологиялық қасиеттері

Фармакокинетикасы

Біріктірілген препарат болып табылады, сондықтан кинетикалықзерттеулер жүргізуге мүмкіндік жоқ.

Фармакодинамикасы

Біріктірілген гомеопатиялық препарат. Допаминергиялық әсер көрсетеді,соның арқасында гипофиздің алдыңғы бөлігінің елеусіз жоғарылаған патологиялық пролактин сөлінісі төмендейді. Осы орайда гонадотропты гормондар өндірілуі қалыпқа түседі, бұл сары дененің жеткіліксіз өндірілуін және сонымен байланысты етеккір оралымының бұзылуын және бедеуліктіжоюғаапарады. Пролактин мөлшері төмендегенде фиброзды-кистозды мастопатия кезіндегі патологиялық үдерістің кері дамуына алғышарттар жасалады. Бұл орайда емдік әсері 6апта өткенде басталады.

Қолданылуы

- етеккір алдындағы синдромда (мастодиния, сүт бездерінің кернеуі, психо-эмоционалдық орнықсыздық, іш қатулар, ісінулер, бас ауыру, бас сақинасы)

- мастопатияда

- етеккір оралымының бұзылуында

Қолдану тәсілі және дозалары

Егер дәрігер басқаша тағайындамаса, 30 тамшыдан күніне 2 рет таңертең және кешке, оларды сумен немесе басқа сұйықтықпен аздап сұйылтып қабылдау керек. Гомеопатиялық препараттарды дәрігердің кеңесінсіз ұзақ уақыт қабылдамаған жөн.

Жағымсыз әсерлері

Болуы мүмкін

- ауыр аллергиялық реакциялар (беттің ісінуі, ентігу, жұтудың қиындауы),

- аллергиялық тері реакциялары (бөртпе, есекжем сияқты)

- бас ауыру, бас айналу, акне,

- асқазан-ішек бұзылыстары (жүрек айну, іштің ауыруы сияқты).

Аллергиялық реакцияның алғашқы белгілері білінгенде Мастодинон®

тамшыларын қабылдауды тоқтату қажет.

Қолдануға болмайтын жағдайлар

- препараттың белсенді немесе қосымша компоненттерінің кез келгеніне жоғары сезімталдық

Дәрілермен өзара әрекеттесуі

Допамин (допамин агонистері) әсерін индукциялайтын дәрілік препараттармен Vitex agnus-castus, fructus өзара әрекеттесуін жоққа шығаруға болмайды, допаминнің (допамин антагонистері) эстрогендермен және антиэстрогендермен әсерлерін тежейді.

Айрықша нұсқаулар

Эстрогенге сезімтал қатерлі ісікпен зардап шегетін немесе зардап шеккен пациенттер препаратты қабылдардың алдында алдын ала дәрігермен кеңесуі тиіс.

Допамин агонистерін, допамин антагонистерін, эстрогендер мен антиэстрогендер қабылдайтын пациенттер препаратты қабылдар алдында алдын ала дәрігермен кеңесуі тиіс («Дәрілермен өзара әрекеттесуі» бөлімін қараңыз).

Егер қабылдау кезінде симптоматиканың нашарлауы байқалса, емдеуші дәрігермен кеңесу қажет.

Vitex agnus castus гипоталамус-гипофиз жүйесіне әсер етуі мүмкін, сондықтан анамнезде гипофиз аурулары бар пациент әйелдер Мастодинон® препаратын қолданар алдында дәрігермен кеңесуі тиіс. Пролактинсекрециялайтын гипофиз ісіктері жағдайында Vitex agnus castus қабылдау ісік симптомдарын бүркемелеуі мүмкін.

Бұл дәрілік заттың құрамында 53% к/к. этил спирті бар, сондықтан препаратты алкоголизммен зардап шегетін, сондай-ақ алкоголизмнен емделу курсынан өткен пациенттерге қолданбаған жөн. Сонымен қатар осы жайында препаратты жоғары қауіп тобында – бауыр аурулары немесе эпилепсиясы бар науқастарға пайдаланғанда есте сақтау керек.

Мастодинон® әсер ету механизмі гормоналдық теңгерімді үйлестіруді қамтиды, үйлестіру процесі бірнеше айға созылуы мүмкін. Осы уақытта етеккір бұзылыстары болуы мүмкін.

Сақтау үдерісінде бұлыңғырлануы не елеусіз шөгінді түсуі мүмкін. Бұл препарат тиімділігіне әсер етпейді! Гомеопатиялық емдеу кезінде шылым шегу және алкоголь тұтыну сияқты зиянды әдеттердің гомеопатиялық препарат тиімділігіне теріс әсер ететіні белгілі.

Педиатрияда қолданылуы

Препаратты 18 жасқа дейінгі балаларда қолдану жеткілікті деректер болмауына байланысты анықталмаған.

Мастодинон® жыныстық жетілу кезеңінде жүйелі келетін етеккір басталғанға дейін қолданылмауы тиіс.

Жүктілік және лактация кезеңінде қолдану

Мастодинон® тамшыларын жүктілік және лактация кезеңінде қабылдауға болмайды. Жануарларға жасалған тәжірибелер сүт өндірілуінің азайып кететінін көрсетті.

Vitex agnus-castus, fructus ұрпақ өрбіту функциясына етеккір циклін реттеу арқылы әсер етеді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты ұсынылған дозада қолданғанда дәрі автокөлік жүргізу және механизмдермен басқару қабілетіне әсер етпейді.

Артық дозалануы

Симптомдары: Артық дозалану жағдайлары туралы хабарланбаған.

Емі: препаратты тоқтату, симптоматикалық.

Шығарылу түрі және қаптамасы

50 немесе 100 препараттан алғашқы ашылуы бақыланатын бұралатын қақпағы мен дозалайтын тамшылатқыш құрылғысы бар күңгірт шыны құтыларда.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге жиналмалы картон қорапшаға салынады.

Сақтау шарттары

Түпнұсқалық қаптамасында, 25°С-ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі

4 жыл

Қолдану кезеңі құтыны ашқаннан кейін 6 ай.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Бионорика СЕ, D-92308 Ноймаркт/Германия

Тіркеу куәлігінің иесі

Бионорика СЕ, D-92308 Ноймаркт/Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Бионорика КАЗ» ЖШС

ҚР, 050060, Алматы, Жароков к-сі, 331 үй, тел: +7(727) 250-93-99

e-mail:info@bionorica.kz

Дәріханалар

Тауар артығымен бар
Тауар аз қалды
Аптека № 145, Караганда, (Н.Абдирова)
г.Караганда, пр.Н.Абдирова, 19
Круглосуточно
Аптека №107
г. Караганда, Учетный квартал 134, Global city ТРЦ
10:00-21:00
Аптека №64 ПТ Караганда, (пр. Назарбаева)
Республика Казахстан, г. Караганда, пр. Назарбаева д.9, НП 4
09:00-23:00