Тауарлардың көрінісі фотосуретте көрсетілгеннен өзгеше болуы мүмкін

Мастодинон № 60 табл.

4143
Қолжетімділігі
Сатылымда бар
Үлгі
4029799131593
Елі
Германия
Өндіруші
Bionorica AG
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Мастодинон®

Саудалық атауы

Мастодинон®

Халықаралықпатенттелмеген атауы

Жоқ

Дәріліктүрі

Таблеткалар

Құрамы

Бір таблетканың құрамында

белсенді заттар:

Vitex agnus castus Ø (қасиетті витекс немесе авраам ағашы)162.0 мг

Caulophyllum thalictroides D4 (маралоты тәрізді сабақ-жапырақ) 81.0 мг

Cyclamen purpurascens D4 (еуропалық цикламен)81.0 мг

Strychnos ignatii D6 (чилибуха игнация)81.0 мг

Iris versicolor D2 (түрлі-түсті құртқашаш)162.0 мг

Lilium tigrinum D3 (тарғыл лалагүл)81.0 мг

қосымша заттар: картоп крахмалы, магний стеараты, лактоза моногидраты

Сипаттамасы

Дөңгелек пішінді, жалпақ беткейлі, сарғыш түсті таблеткалар, сәл пигменттенуі мүмкін

Фармакотерапиялық тобы

Несеп-жыныс жүйесі және жыныс гормондары. Гинекологиялық ауруларды емдеуге арналған басқа препараттар.

АТХ коды G02CX

Фармакологиялық қасиеттері

Фармакокинетикасы

Біріктірілген препарат болып табылады, сондықтан кинетикалықзерттеулер жүргізуге мүмкіндік жоқ.

Фармакодинамикасы

Біріктірілген гомеопатиялық препарат. Допаминергиялық әсер көрсетеді,соның арқасында гипофиздің алдыңғы бөлігінің елеусіз жоғарылаған патологиялық пролактин сөлінісі төмендейді. Осы орайда гонадотропты гормондар өндірілуі қалыпқа түседі, бұл сары дененің жеткіліксіз өндірілуін және сонымен байланысты етеккір оралымының бұзылуын және бедеуліктіжоюғаапарады. Пролактин мөлшері төмендегенде фиброзды-кистозды мастопатия кезіндегі патологиялық үдерістің кері дамуына алғышарттар жасалады. Бұл орайда емдік әсері 6апта өткенде басталады.

Қолданылуы

- етеккір алдындағы синдромда (мастодиния, сүт бездерінің кернеуі, психо-эмоционалдық орнықсыздық, іш қатулар, ісінулер, бас ауыру, бас сақинасы)

- мастопатияда

- етеккір оралымының бұзылуында

Қолдану тәсілі және дозалары

Аздаған сұйықтық мөлшерімен, шайнамай, күніне 2 рет (таңертең және кешке) 1 таблеткадан қабылдау керек.

Ұтымды емдеу әсеріне жету үшін Мастодинонды® 3 ай бойы (оның ішінде етеккір кезінде) қабылдау ұсынылады.

Егер белгілер 3 айдан асатын ұзақ уақыт бойы емдегеннен кейін де сақталса,дәрігермен кеңесу керек.

Жағымсыз әсерлері

Болуы мүмкін:

- ауыр аллергиялық реакциялар (беттің ісінуі, ентігу, жұтудың қиындауы),

- (аллергиялық) тері реакциялары (бөртпе, есекжем сияқты)

- бас ауыру, бас айналу, акне,

- асқазан-ішек бұзылыстары (жүрек айну, іштің ауыруы сияқты).

Аллергиялық реакцияның алғашқы белгілері білінгенде Мастодинон®

препаратының таблеткаларын қабылдауды тоқтату қажет.

Қолдануға болмайтын жағдайлар

- препараттың белсенді және қосымша компоненттерінің кез келгеніне жоғары сезімталдық

- тұқым қуалайтын галактоза фруктоза жақпаушылығы, Lарр-лактаза ферменті тапшылығы, глюкоза-галактоза мальабсорбциясы

Дәрілермен өзара әрекеттесуі

Допамин (допамин агонистері) әсерін индукциялайтын дәрілік препараттармен Vitex agnus-castus, fructus өзара әрекеттесуін жоққа шығаруға болмайды, допаминнің (допамин антагонистері) эстрогендермен және антиэстрогендермен әсерлерін тежейді.

Айрықша нұсқаулар

Мастодинонның әсер ету механизмінде гормональді теңгерімді үйлестіру қамтылады, оған 3 айға дейін уақыт қажет уы мүмкін. Осы кезең ішінде етеккірлік бұзылыстар болуы мүмкін.

Эстрогенге тәуелді ісіктерден зардап шегетін немесе зардап шеккен пациенттер Мастодинон® таблеткаларын қабылдамас бұрын дәрігермен кеңесуі тиіс.

Допамин (допамин агонистері) әсерлерін индукциялайтын, допамин (допамин антагонистері) әсерлерін тежейтін препараттарды, эстрогендер мен антиэстрогендерді қабылдайтын пациенттер Мастодинон қабылдардың алдында дәрігермен кеңесуі тиіс.

Мастодинон® таблеткаларын қабылдау кезінде клиникалық симптоматика арта түсетін болса, дәрігермен кеңескен жөн.

Кетпей жүрген, анықталмаған немесе қайталанатын шағымдар жағдайында дәрігерге көрініңіз. Мұндай симптомдар күрделі аурулармен байланысты болуы және медициналық көмекті қажет етуі мүмкін.

Гипофизарлық бұзылыстар тарихы бар пациенттерге Мастодинон® таблеткаларын қабылдар алдында дәрігермен кеңесу керек.

Егер Сізге өзіңіздің белгілі бір қант түрлерін көтере алмаушылықтан қиналып жүргеніңіз белгілі болса, препарат қабылдар алдында дәрігермен кеңесіңіз.

Гомеопатиялық емдеу кезінде шылым шегу және алкоголь тұтыну сияқты зиянды әдеттердің гомеопатиялық препарат тиімділігіне теріс әсер ететіні белгілі.

Педиатрияда қолданылуы

Жеткілікті деректер болмауына байланысты препараттың балаларда қолданылуы анықталмаған. Сондықтан Мастодинон® 18 жасқа дейінгі балалар мен жасөспірімдерде қолданылмауы тиіс.

Жүктілік және лактация кезеңінде қолдану

Мастодинон® таблеткаларын жүктілік және лактация кезеңінде қабылдауға болмайды. Жануарларға жасалған тәжірибелер сүт өндірілуінің азайып кететінін көрсетті.

Vitex agnus-castus, fructus ұрпақ өрбіту функциясына етеккір циклін реттеу арқылы әсер етеді.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік басқару және қауіптілігі зор механизмдермен жұмыс істеу қабілетіне ықпал етпейді.

Артық дозалануы

Симптомдары: препараттың үлкен дозаларын қабылдағаннан кейін лактоза жақпаушылығы бар пациенттерде болатын асқазан-ішек жолының бұзылыстары немесе іш жүргізетін әсері.

Емі: препаратты тоқтату, симптоматикалық ем.

Шығарылу түрі және қаптамасы

20 таблеткадан алюминий фольгадан және ПВХ, ПВДХ үлбірінен жасалған пішінді ұяшықты қаптамада.

3 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Түпнұсқалық қаптамасында, 25°С-ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Бионорика СЕ, D-92308 Ноймаркт/Германия

Тіркеу куәлігінің иесі

Бионорика СЕ, D-92308 Ноймаркт/Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Бионорика КАЗ» ЖШС

РК, 050060, Алматы қ., Жароков көшесі, 331 үй., тел: 250-93-99

e-mail: info@bionorica.kz

Дәріханалар

Тауар артығымен бар
Тауар аз қалды
Аптека № 145, Караганда, (Н.Абдирова)
г.Караганда, пр.Н.Абдирова, 19
Круглосуточно
Аптека № 140, Караганда, (Магнум)
г.Караганда, пр. Шахтеров 82, ТЦ Магнум
Круглосуточно
Аптека №107
г. Караганда, Учетный квартал 134, Global city ТРЦ
10:00-21:00
Аптека №64 ПТ Караганда, (пр. Назарбаева)
Республика Казахстан, г. Караганда, пр. Назарбаева д.9, НП 4
09:00-23:00