Тауарлардың көрінісі фотосуретте көрсетілгеннен өзгеше болуы мүмкін

Валидол подъязычные 0,06 г № 10 табл

187
Қолжетімділігі
Сатылымда бар
Үлгі
4823002251357
Елі
Украина
Өндіруші
Фармак ОАО
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

ВАЛИДОЛ®

Саудалық атауы

Валидол®

Халықаралық патенттелмеген атауы

Жоқ

Дәрілік түрі

Тіл астына салатын таблеткалар, 0,06 г

Құрамы

Бір таблетканың құрамында

белсенді зат – изовалериан қышқылының ментил эфиріндегі ментол ерітіндісі (табиғи ментол – жалбыз экстрактісі - 4,9 %) 0,06 г;

қосымша заттар: ұнтақталған қант (опа), кальций стеараты.

Сипаттамасы

Жалпақ цилиндр пішінді, ойығы мен сызығы, өзіне тән ментол иісі бар, ақ немесе сарғыштау-ақ түсті таблеткалар. Таблеткалардың бетінде сұр дақтар мен қант опасының қағы болуына жол беріледі.

Фармакотерапиялық тобы

Жүрек ауруларын емдеуге арналған басқа да біріктірілген препараттар.

АТХ коды С01Е Х

Фармакологиялық қасиеттері

Фармакокинетикасы

Тіл астына қолданған кезде Валидол® ауыз қуысының шырышты қабығы арқылы сіңіріледі. Емдік әсері шамамен 5 минуттан соң басталады.

Сіңірілгеннен кейін бауырда биотрансформацияланады және несеппен глюкуронидтер түрінде шығарылады.

Фармакодинамика сы

Препарат орталық жүйке жүйесіне тыныштандыратын әсер береді, сондай-ақ ауыз қуысының шырышты қабығының сезімтал жүйке («суыққа сезімтал») рецепторларын рефлекторлық тітіркендіру арқылы орташа рефлекторлық тамырды кеңейтетін (коронаролитикалық) әсер береді. Рецепторлардың стимуляциясы ауыруға сезімталдықты азайтуда, тамырлардың өткізгіштігін қалыпқа түсіруде және жүрек қантамыржәне жүйке жүйелерінің қызметіндегі басқа маңызды механизмдердің реттелуінде маңызды рөл атқаратын эндорфиндердің, энкефалиндердің, динорфиндер мен басқа пептидтердің, гистаминнің, кининдердің босап шығуының индукциялануымен қатар жүреді.

Қолданылуы

–ауырлық дәрежесі жеңіл стенокардия ұстамаларында

–теңіз және әуе ауруларында

–истерияда

–неврозда

–нитраттарды қабылдаумен байланысты бас ауыруында

Қолдану тәсілі және дозалары

Таблеткаларды ауызда (тілдің астында) толығымен сіңірілгенше ұстау керек.

Ересектерге арналған бір реттік дозасы 1-2 таблетканы; тәуліктік дозасы – 2-4 таблетканы құрайды.

Қажет болса, тәуліктік дозасын арттыруға болады. Ең жоғарғы тәуліктік дозасы – 600 мг.

Емдеу ұзақтығы – 7 күнге дейін.

Жағымсыз әсерлері

Ұзақ уақыт қолданған кезде кейде аздаған жүрек айнуы, іштегі жайсыздық, көзден жас ағуы, бас айналуы, қысқа мерзімді артериялық гипотензия, ұйқышылдық байқалуы мүмкін, олар өздігінен басылады.

Аллергиялық реакциялар, соның ішінде Квинке ісінуі, есекжем, бөртпе, қышыну даму мүмкін.

Қолдануға болмайтын жағдайлар

–препарат компоненттеріне жоғары сезімталдық

–айқын артериялық гипотензия

–жедел миокард инфарктісі

–18 жасқа дейінгі балаларға

Қант диабеті бар науқастарға сақтықпен қолданылады.

Дәрілермен өзара әрекеттесуі

Валидол® психотроптық дәрілермен, апиындықаналгетиктермен, алкоголь және наркозға арналған дәрілермен бір мезгілде қолданылғанда, олардың тыныштандырғыш әсерін күшейтеді.

Гипертензияға қарсы препараттарды Валидол® препаратымен бір мезгілде қолданғанда олардың әсері күшеюі мүмкін.

Валидол® нитраттарды қабылдаудан болған бас ауыруының айқындығын азайтады.

Айрықша нұсқаулар

Препаратты қабылдағаннан кейін жүрек тұсының ауыруы басылмаған жағдайда, жедел коронарлық синдромды болдырмау үшін міндетті түрде дәрігерге қаралу қажет.

Препараттың құрамында қант бар, мұны қант диабеті бар пациенттер ескеруі керек.

Педиатрияда қолданылуы

Препаратты балаларды емдеу үшін қолдану тәжірибесі жоқ.

Жүктілік немесе лактация кезеңінде қолданылуы

Препаратты жүктілік немесе бала емізу кезеңінде, егер дәрігердің пікірінше, анасы үшін күтілетін оң әсері шарана/бала үшін ықтимал қауіптен асып түсетін болса ғана қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жағымсыз әсерлеріне (бас айналуы және ұйқышылдық) байланысты, препаратты қабылдағаннан кейінгі алғашқы сағаттарда көлік құралын басқару немесе жоғары зейін қоюды талап ететін жұмыс жасау кезіндесақтық таныту қажет.

Артық дозалануы

Симптомдары: бас ауыруы, жүрек айнуы, қозу, жүрек қызметінің бұзылуы, артериялық қысымның түсіп кетуі, орталық жүйке жүйесінің бәсеңдеуі, препараттың компоненттеріне аса жоғары сезімталдық реакциялары (ангионевроздық ісіну, есекжем, қышыну, бөртпе).

Емі: препаратты тоқтату және симптоматикалық ем.

Шығарылу түрі және қаптамасы

10 таблеткадан түссіз полимер үлбірден және баспалы лакталған алюминий фольгадан жасалған пішінді ұяшықты қаптамада.

1 пішінді ұяшықты қаптамадан медициналық қолдану жөніндегі нұсқаулықпен бірге картоннан жасалған қорапшаға салынған.

10 таблеткадан түссіз поливинилхлорид үлбірден және баспалы лакталған алюминий фольгадан жасалған пішінді ұяшықты қаптамада, қорапшаға салынбайды.

Тұтынушымен келісіп, 200 немесе 300 пішінді ұяшықты қаптама салынған топтық қаптаманың медициналық қолдану жөніндегі мемлекеттік және орыс тілдеріндегі нұсқаулықтардың сәйкесінше санымен бірге гофрокартоннан жасалған жәшікке салынуына жол беріледі.

Сақтау шарттары

15 °С-ден аспайтын температурада түпнұсқалық қаптамасында сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігінің ұстаушысы

«Фармак» ЖАҚ, Украина

Қазақстан Республикасы аумағында тұтынушылардан дәрілік заттыңсапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

Қазақстан Республикасындағы «Фармак» ЖАҚ өкілдігі

Қазақстан Республикасы, 050012, Алматы қ., Аманагелді к-сі 59 "А" "Шартас" бизнес орталығы, 9 қабат.

Тел +7 (727) 267-64-63, факс +7 (727) 267-63-73, электронды поштасы: a.liadobruk@gmail.com

Дәріханалар

Тауар артығымен бар
Тауар аз қалды
Аптека № 140, Караганда, (Магнум)
г.Караганда, пр. Шахтеров 82, ТЦ Магнум
Круглосуточно
Аптека №107
г. Караганда, Учетный квартал 134, Global city ТРЦ
10:00-21:00
Аптека №64 ПТ Караганда, (пр. Назарбаева)
Республика Казахстан, г. Караганда, пр. Назарбаева д.9, НП 4
09:00-23:00