Тауарлардың көрінісі фотосуретте көрсетілгеннен өзгеше болуы мүмкін

Стрепсилс №16, табл. для рассасывания, для детей с 6 лет, б/с, клубника

1444
Қолжетімділігі
Сатылымда бар
Үлгі
5000158106918
Елі
Великобритания
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Саудалы атауы

Стрепсилс®

Халықаралық патенттелмеген атауы

Жоқ

Дәрілік түрі, дозалануы

Құлпынай дәмі бар соруға арналған таблеткалар

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02AA20


Қолданылуы

- ауыз қуысының және жұтқыншақтың инфекциялық-қабыну аурулары кезінде тамақтың ауыруын симптоматикалық емдеу үшін.

Қолдану басталуына дейінгі қажетті мәліметтер тізімі

Қолдануға болмайтын жағдайлар

- препарат компоненттерінің кез келгеніне жоғары сезімталдық

- 6 жасқа дейінгі балаларға

Қолдану кезіндегі қажетті сақтық шаралары

Бұл препаратты тұқым қуалайтын фруктоза жақпаушылығы бар пациенттер қабылдамауы керек.

Басқа дәрілік заттармен өзара әрекеттесуі

Басқа препараттармен клиникалық тұрғыдан маңызды өзара әрекеттесулер тіркелген жоқ.

Арнайы ескертулер

Препараттың құрамына изомальт және сұйық мальтитол кіреді, олар іш жүргізетін жеңіл әсер беруі мүмкін.

Егер препаратты үш күн бойы қабылдағанда симптомдар сақталса немесе өршісе, дәрігерге қаралу қажет.

Педиатрияда қолдану

Препарат балаларға 6 жастан бастап қолдануға ұсынылған.

Жүктілік немесе лактация кезінде

Жүкті және емшек емізетін әйелдер препаратты қолданар алдында дәрігерден кеңес алуы керек.

Көлік құралын немесе басқа да потенциалды қауіпті механизмдерді басқару қабілетіне дәрілік заттың ықпал ету ерекшеліктері

Ықпалын тигізбейді.

Қолдану жөнінде нұсқаулар

Дозалау режимі

Ересектер және 6 жастан үлкен балалар: әрбір 2-3 сағат сайын 1 таблеткадан баяу сору керек. 24 сағат ішінде 12 таблеткадан артық қабылдауға болмайды.

Егде жастағы адамдар:егде жастағы адамдарда дозаны азайтудың қажеттілігі жоқ.

Енгізу әдісі және жолы

Ауыз қуысында соруға арналған.Таблетканы баяу сору қажет.

Қабылдау уақыты көрсетілген қолдану жиілігі

Препарат тыбарынша ең көп қысқа курспен және симптомдарды жою үшін қажетті тиімді ең аз дозада қабылдау қажет.

Емдеу ұзақтығы

Емдеуші дәрігер баға беруі тиіс. Ең көп қолдану ұзақтығы – 3 күн. Емдеу курсын дәрігерден кеңес алғаннан кейін қайталауға болады.

Артық дозалану жағдайында қабылдау қажет шаралар

Соруға арналған Стрепсилс® таблеткаларының сипатын және дәрілік түрін ескерер болсақ, кездейсоқ немесе әдейі артық дозалануы екіталай.

Артық дозалану симптомдары: асқазан-ішек жолы тарапынан жайсыздық.

Емі: симптоматикалық ем.

Дәрілік препараттың бір немесе бірнеше дозаларын қабылдауды өткізіп алған кездегі қажетті шаралар

Қатысы жоқ

Тоқтату симптомдары бар болғандағы нұсқаулар

Қатысы жоқ

Дәрілік препараттың қолдану тәсілін анықтау үшін медицина қызметкерінен кеңес алу үшін бойынша ұсынымдар

Препаратты қолданар алдында емдеуші дәрігерден ақыл-кеңес алыңыз.

ДЗ стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдау керек шаралар

Төменде берілген жағымсыз реакциялар препаратты қысқа мерзімдік қабылдау кезінде білінді. Ұзақ қолдану кезінде басқа жағымсыз реакциялар пайда болуы мүмкін.

Жағымсыз реакциялардың туындау жиілігіне баға беру келесі критерийлер негізінде жүргізілді: өте жиі (≥1/10); жиі (≥1/100-ден <1/10 дейін); жиі емес (≥1/1000-нан <1/100 дейін); сирек (≥1/10 000-нан <1/1000 дейін); өте сирек (<1/10 000), белгісіз (жиілігіне баға беру жөнінде деректер жоқ).

Жиілігі белгісіз: аса жоғары сезімталдық реакциялары, бөртпе, жүректің айнуы, іштің ауыруы, тамақтың ашып ауыру немесе шаншу сезімі, тамақтың шырышты қабығының тітіркенуі, ауыз қуысының шырышты қабығының ісінуі.

Жағымсыз реакциялар пайда болған жағдайда дәрігерден препаратты әрі қарай қолданудың мақсатқа сай екендігі туралы кеңес алу керек. Дәрілік препараттың пайдасы мен қаупінің арақатынасына үздіксіз мониторинг ұсынылады.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: 2,4-дихлорбензил спирті- 1.20 мг,

амилметакрезол - 0.60 мг;

қосымша заттар: құлпынай хош иістендіргіші (Flav P 052312В), антоцианин қызғылт бояғышы P-WS (Е163), натрий сахарині, шарап қышқылы, сұйық мальтитол, изомальт.

Сыртқы түрінің, иісінің, дәмінің сипаттамасы

Таблетканың екі жақ бетінде «» бренд символикасы, өзіне тән құлпынай иісі бар, қызғылт түсті, дөңгелек таблеткалар. Ақ таңдақтарға, бояуының біркелкі болмауына, карамельді массасында ауа көпіршіктерінің болуына және жиектерінің аздап кедір-бұдырлылығына жол беріледі.

Шығарылу түрі және қаптамасы

Поливинилхлорид/поливинилиденхлоридті (ПВХ/ПВДХ) үлбірден және алюминий фольгадан жасалған пішінді ұяшықты қаптамаға 8 немесе 12 таблеткадан салынған.

Пішінді ұяшықты 2 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау мерзімі

2 жыл.

Жарамдылық мерзімі өткеннен кейін қолдануға болмайды!

Сақтау шарттары

25оС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Рекитт Бенкизер Хелскэр Интернешнл Лтд,

Тейн Роуд, Ноттингем, NG90 2DB, Ұлыбритания

Тіркеу куәлігінің ұстаушысы

Рекитт Бенкизер Хелскэр Интернешнл Лтд,

Тейн Роуд, Ноттингем, NG90 2DB, Ұлыбритания

Тұтынушылардан дәрілік заттың сапасы жөніндегі шағымдарды (ұсыныстарды) Қазақстан Республикасы аумағында қабылдайтын және тіркеуден кейін дәрілік заттың қауіпсіздігін қадағалауға жауапты ұйымның атауы, мекенжайы және байланыс жасау деректері (телефон, факс, электронды пошта)

«Рекитт Бенкизер Қазахстан» ЖШС, 050040, Алматы қ., Көктем-1 ш/ауд, 15 «А» үй, 302 кеңсе. Тел.: +7 (727) 356 07 52; +7 (727) 356 07 53; факс: +7 (727) 356 07 50; шұғыл желі тел.: 8-10-800-2000-82-20 (қоңырау тегін).

e-mail: contact_ru@rb.com, KazakhstanDSO@rb.com.

Дәріханалар

Тауар артығымен бар
Тауар аз қалды
Аптека № 140, Караганда, (Магнум)
г.Караганда, пр. Шахтеров 82, ТЦ Магнум
Круглосуточно
Аптека № 145, Караганда, (Н.Абдирова)
г.Караганда, пр.Н.Абдирова, 19
Круглосуточно
Аптека №64 ПТ Караганда, (пр. Назарбаева)
Республика Казахстан, г. Караганда, пр. Назарбаева д.9, НП 4
09:00-23:00
Аптека №107
г. Караганда, Учетный квартал 134, Global city ТРЦ
10:00-21:00