Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
НИМИД®
Халықаралық патенттелмеген атауы
Нимесулид
Дәрілік түрі, дозасы
Сыртқа қолдануға арналған гель 1 %
Фармакотерапиялық тобы
Сүйек-бұлшықет жүйесі. Буын және бұлшықет ауырулары кезінде жергілікті қолдануға арналған препараттар. Жергілікті қолдануға арналғанқабынуға қарсы стероидты емес препараттар.
АТХ коды М02АА
Қолданылуы
- ревматоидты артрит, кешенді ем құрамындағы анкилозды спондилоартрит
- бурсит, синовит, тендовагинит
- тері жабындарының бүтіндігін бұзбай сіңірлердің, байламдардың, бұлшықеттердің және буындардың (созылуы, шығулар, соғылулар) жарақаттық зақымданулары
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препараттың белсенді затына немесе препараттың қосымша заттарына белгілі жоғары сезімталдық
- ацетилсалицил қышқылына немесе басқа қабынуға қарсы стероидты емес препараттарға (анамнезінде) аллергиялық реакциялар (бронх түйілуі, ринит, есекжем)
- гелді ашық жараларға немесе жергілікті инфекция бар кезде қолдану
- басқа кремдермен бір мезгілде қолдану
- жүктілік және лактация кезеңі
- балалар мен 18 жасқа дейінгі жасөспірімдерге (препараттың қауіпсіздігі мен тиімділігі зерттелмеген)
Қолдану кезінде қажетті сақтық шаралары
Препаратты асқазан-ішектен қан кетулері, белсенді немесе күмәнді ойық жара ауруы, бауыр және бүйрек жеткіліксіздігінің ауыр формасы, қан ұюының ауыр бұзылулары бар науқастарға немесе ауыр/бақыланбайтын жүрек жеткіліксіздігі бар пациенттерде сақтықпен тағайындау керек.
Басқа дәрілік препараттармен өзара әрекеттесуі
НИМИД® гелін жергілікті қолданғанда басқа дәрілікпрепараттармен елеулі өзара әрекеттесулері байқалған жоқ.
Арнайы ескертулер
НИМИД® гелін ашық жараларға немесе бүтіндігі бұзылған тері жабындарына жағуға болмайды. Препараттың байқаусызда көзге, ауыз қуысының,мұрының шырышты қабықтарына, гениталий және анальді өтіс аймағына тиюін болдырмау керек (байқаусызда тиіп кеткен жағдайда, дереу сумен жуып тастау керек).Препаратты ішке қолданбау керек. Жаққаннан кейін қолды жуу қажет. Гельді жаққаннан кейін окклюзиялық таңғыш салмаған дұрыс. Жағымсыз реакцияларының қаупін қысқа уақыт ішінде ең аз дозасын жағу арқылы төмендетуге болады. Құрамында қабынуға қарсы стероидты емес препараттар (ҚҚСП) бар, сыртқа қолданылатын препараттарды қолданғанда ашытып күйдіру және сирек жағдайларда, фотодерматит пайда болуы мүмкін, сондықтан НИМИД® гелін қолданған кезде сақтық таныту қажет. Фотосезімталдық реакцияларын болдырмас үшін, препаратты қолдану кезінде тікелей күн сәулесі мен солярийге барудан аулақ болу керек. Оң динамикасы болмаған немесе жағдай нашарлаған жағдайда, емдеуді тоқтату және дәрігерге қаралу қажет.
Нимид® гелін басқа ҚҚСП-ға сезімталдығы жоғары пациенттерге қолданбау керек.
Гельдің құрамында аллергиялық реакцияларды (баяу типті болуы мүмкін) туғызуы мүмкін консерванттар метилпарагидроксибензоат, пропилпарагидроксибензоат және терінің тітіркенуін туғызуы мүмкін пропиленгликоль бар.
Жүктілік немесе лактация кезінде
Жүктілік және емшек емізу кезеңінде препаратты қолдану тәжірибесі жоқ.
Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Көлік құралын басқаруға немесе қауіптілігі зор механизмдерді пайдалануға әсер етпейді.
Қолдану жөніндегі нұсқаулар
Дозалау режимі
Сықпадан сығып шығарылған гельді шамамен 3 см жұқа қабатпен терінің зақымданған учаскесіне күніне 2-3 рет жағады, жеңіл уқалау қимылдарымен толық сіңірілгенге дейін сүртеді.
Емнің ұзақтығы жеке анықталады орта есеппен 7-15 күн.
Енгізу әдісі және жолы
Сыртқа. Тек тазартылған және құрғақ теріге жағылады.
Артық дозаланған жағдайда қолданылуы қажет шаралар
Препарат жергілікті қолданылатындықтан, дұрыс қолданған жағдайда, жүйелі сіңірілу, яғни артық дозалану ықтималдығы аз.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Дәрілік препаратты қолданбас бұрын дәрігерге немесе фармацевтке жүгініңіз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жиі:
-қышыну
-эритема
Терінің ауқымды бөліктеріне жаққан кезде жүйелі жағымсыз әсерлері болуы мүмкін
- қыжыл, жүрек айнуы, құсу, диарея, гастралгия
- ісіну синдромы
- тромбоцитопения, лейкопения, агранулоцитоз
- бауыр трансаминазалары белсенділігінің жоғарылауы
- гематурия
- анафилаксиялық шок
- бронх демікпесі болған жағдайда тыныс алудың бұзылуы
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
1 г гель құрамында
белсенді зат – 10 мгнимесулид (микронизирленген) бар
қосымша заттар: бензил спирті, пропиленгликоль, карбопол 980 (карбомер 940), динатрий эдетаты, натрий гидроксиді пеллеттері, Cologne Comp 530 хош иістендіргіш, тазартылған су
Сыртқы түрінің, иісінің, дәмінің сипаттамасы
Мөлдір емес, ақшыл-сары түсті біртекті гель
Шығарылу түрі және қаптамасы
30 г немесе 100 г гельден бұралатын ақ қақпақтары бар ламинацияланған сықпаларға салынған.
Әр сықпа медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Сақтау шарттары
Жарықтан қорғалған жерде, 25 ºС-ден аспайтын температурада сақтау керек.
Мұздатып қатыруға болмайды!
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Кусум Хелткер Пвт. Лтд., СП 289 (А), РИИКО Индл. Ареа Чопанки, Бхивади (Радж.), Үндістан.
Тел: +91-1493-516561
факс: +91-1493-516562
Электронды поштасы: info@kusum.com
Тіркеу куәлігінің ұстаушысы
Кусум Хелткер Пвт. Лтд., СП 289 (А), РИИКО Индл. Ареа Чопанки, Бхивади (Радж.), Үндістан.
Тел: +91-1493-516561
факс: +91-1493-516562
Электронды поштасы: info@kusum.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)
«Дәрі-Фарм (Қазақстан)» ЖШС, Алматы қ., Достық даңғ., 117/6, «Хан-Тәңірі» БО, Қазақстан
Тел/факс: 8(727) 295-26-50
Электронды поштасы: phv@kusum.kz
