Натрия хлорид 0,9%, 400 мл, фл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Натрия хлорид 0,9%, 400 мл, фл.

497
Қолжетімділігі
Сатылымда бар
Үлгі
4602521013499
Елі
Россия
Өндіруші
Красфарма ОАО
  • Сипаттама
  • Дәріханалар

Сипаттама

Дәрілік заттың медициналық қолдану

жөніндегі нұсқаулық
НАТРИЙ ХЛОРИДІ

Саудалық атауы
Натрий хлориді

Халықаралық патенттелмеген атауы
Жоқ

Дәрілік түрі
Инфузияға арналған 0,9 % ерітінді
Құрамы
1 л препараттың құрамында
белсенді зат – натрий хлориді – 9.0 г;
қосымша зат – иньекцияға арналған су – 1 л дейін.
Ионды құрамы
1 л препараттың құрамында
Натрий ионы (Na+) – 154.0 ммоль
Хлорид ионы (Сℓ-) – 154.0 ммоль
Теориялық осмолярлығы - 308 мОсм/л

Сипаттамасы
Мөлдір түссіз сұйықтық.
Фармакотерапиялық тобы
Қан түзілуіне және қанға әсер ететін препараттар. Плазма алмастыратын және перфузиялы ерітінділер. Ирригациялық ерітінділер. Тұзды ерітінділер. Натрий хлориді.
АТХ коды В05СВ01

Фармакологиялық қасиеттері
Фармакокинетикасы
Натрий иондарының концентрациясы - 142 ммоль/л (плазма) және 145 ммоль/л (интерстициалды сұйықтық), хлоридтің концентрациясы - 101 ммоль/л (интерстициалды сұйықтық). Бүйрек арқылы шығарылады.

Фармакодинамикасы
Плазма алмастыратын дәрі.
Дезинтоксикациялық және регидратациялық әсер береді. Әр түрлі патологиялық жағдайларда натрий ионының тапшылығын толықтырады. 0,9% натрий хлоридінің ерітіндісі адам плазмасымен изотониялы болып келеді, сондықтан да тамырлық арнадан тез шығады, тек айналымдағы қан көлемін уақытша ғана ұлғайтады (қан жоғалту және шокта тиімділігі жеткіліксіз).

Қолданылуы
- жасушадан тыс сұйықтықтың үлкен шығыны немесе оның жеткіліксіз түсімінде
- парентеральді енгізуге арналған дәрілік препараттардың ерітуде
- таңғыш материалды дымқылдауда, жараларды, шырышты қабықты шаюда

Қолдану тәсілі және дозалары
Вена ішіне.
Регидратациялық ем кезінде орын басатын ем кішкентай балаларға және егде пациенттерге сақтықпен жүргізілуі тиіс.
Сұйықтық тапшылығын толтыруға қажетті изотониялық тұзды ерітіндінің көлемі жасына, дене салмағына, қосымша емге және клиникалық жағдай ауырлығына байланысты өзгеріп отырады. Енгізілетін ерітіндінің дозасы әр жағдайда организмнің сұйықтық жоғалтуына, натрий және хлор иондарына байланысты анықталады және клиникалық және зертханалық бағалауға жатады.
Орташа алғанда доза тәулігіне 1 л. Енгізу жылдамдығы – 540 мл/сағат; қажет болғанда – енгізу жылдамдығын ұлғайтады.
Балаларға жедел дегидратацияда (зертханалық көрсеткіштерді анықтамай) 20-30 мл/кг енгізеді. Одан әрі дозалау тәртібі зертханалық көрсеткіштерге байланысты түзетіледі. 0.9 % натрий хлориді ерітіндісінің үлкен дозасын ұзақ уақыт бойы енгізгенде, плазма мен несептегі электролиттер мөлшерін бақылап отыру қажет.
Инъекцияға арналған натрий хлориді пайдаланылатын дәрілік заттар ерітінділері (ампулаларды ашу, шприц пен ыдыстарды дәрілік заттармен толтыру) стерильді жағдайларда дайындалады. Нақты бір дәрінің ерітіндісін дайындау мақсатында инъекцияға арналған натрий хлоридінің мөлшерін соңғысын қолдану жөніндегі нұсқаулыққа немесе оқиғаға қарай дәрігер белгілейді.
Инъекцияға арналған натрий хлориді ерітіндісі, егер олардың кейбіреуі үшін міндетті түрде басқа еріткіш көрсетілген болса, қолданылмайды.
Натрий хлоридінің 0.9 % ерітіндісін жараларды, көзді, мұрын қуысының шырышты қабығын шаю, таңғыш материалды дымқылдау үшін қолданады.

Жағымсыз әсерлері
- хлоридті ацидоз
- гипергидратация
- гипокалиемия
- гипернатриемия
- жүрек айну, құсу, асқазан аймағының түйілуі, диарея
- тахикардия
- артериялық гипертензия
- ісінулер
- енгізген орынның ауыруы, тромбофлебит

Қолдануға болмайтын жағдайлар
- гипернатриемия, гиперхлоремия, гипокалиемия, ацидоз
- жасушадан тыс гипергидратация, жасушаішілік дегидратация
- ми мен өкпе ісінуі даму қаупі бар жағдайлар
- ми ісінуі, өкпе ісінуі
- жедел сол жақ қарынша жеткіліксіздігі
- кортикостероидтардың үлкен дозасымен біріктіре емдеу
- дәрілік заттарды еріту және сұйылту үшін қолданылмайды, олар үшін міндетті ретінде басқа ерітінді көрсетілген.

Дәрілермен өзара әрекеттесуі
Коллоидты гемодинамикалық қан алмастырғыштармен (әсерінің өзара күшеюі) үйлесімді. Кортикостероидтармен қолданған кезде гипернатриемия күшейе бастайды.
Ерітіндіге басқа препараттарды араластырғанда үйлесімділігін көзбен шолып бақылау керек (дегенмен, көрінбейтін және емдік үйлесімсіздігі болуы мүмкін).

Айрықша нұсқаулар
Сақтықпен жүрек жеткіліксіздігі жағдайының қалпына келтіру сатысында, артериялық гипертензияда, бүйрек функциясының бұзылуында (олигурия, анурия), шеткері ісінулерде, жүкті әйелдердегі токсикозда, бауыр циррозында қолдану керек. Кортикостероидтармен және кортикотропинмен бір мезгілде тағайындау қандағы электролиттер деңгейін үнемі бақылап отыруды талап етеді. Үлкен дозаларды ұзақ уақыт енгізу кезінде қышқылды-негізгі жағдай мен қан плазмасы және несептегі электролиттерге бақылау жүргізіп отыру қажет. Елеулі сусыздану кезінде вена ішіне енгізудің мүмкіндігі болмағанда тері астына немесе ректальді енгізеді.
Препаратты тікелей бөтелке ашылғаннан кейін немесе қолдануға дайын дәрілік түрлерін дайындағаннан кейін пайдалану керек.
Бөтелке тек бір реттік қолдауға арналған. Препараттың пайдаланылмай қалған көлемін жою қажет. Ерітінді мөлдір болса, бөтелке зақымданбаған болса ғана пайдалану керек.
Жүктілік және лактация кезеңі
Қатаң көрсетілімдер бойынша қолданылуы мүмкін. Гестоз дамуы жағдайында мұқият дозалау қажет.
Көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді

Артық дозалануы
Симптомдары: 0,9% натрий хлориді ерітіндісін көп көлемде енгізу хлоридті ацидоз және гипергидратацияға әкеп соқтыруы мүмкін.
Емі: артық дозаланғанда препаратты тоқтатып, симптоматикалық ем жүргізу керек. Гипергидратация кезінде осмостық диуретиктермен ем жүргізіледі. Ауыр жүрек жеткіліксіздігінде ісінуді диализдің көмегімен қайтаруға болады.
Шығарылу түрі және қаптамасы
Инфузияға арналған 0,9 % ерітінді.
200 мл, 400 мл резеңке тығындармен тығындалып, алюминий немесе біріктірілген қалпақшалармен қаусырылған сыйымдылығы 250 мл, 450 мл шыны бөтелкелерде.
Стационар үшін: қорапшасыз 200 мл 24 бөтелке немесе 400 мл 12 бөтелке қолдану жөніндегі мемлекеттік және орыс тіліндегі бес нұсқаулықпен қоса гофрокартон жәшікке салынған.

Сақтау шарттары
25 °С-ден аспайтын температурада сақтау керек.
Тасымалдау кезінде мұздатып қатыруға болады.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецепт арқылы

Өндіруші, тіркеу куәлігінің ұстаушысы:
«Красфарма» ЖАҚ, Ресей,
660042, Красноярск қ., 60 лет Октября к-сі, 2 үй.
Тел./факс (391) 204-14-77/261-17-44. E-mail: s_ref@krasharma.ru

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс жасау деректері:
«Медлайн Фармацевтика» ЖШС,
Қазақстан Республикасы, 050011, Алматы қ., Сүйінбай к-сі, 258В.
Тел. (727) 390-29-50 Е-mail gvp@kraspharma.ru








Дәріханалар

Тауар артығымен бар
Тауар аз қалды
Аптека № 145, Караганда, (Н.Абдирова)
г.Караганда, пр.Н.Абдирова, 19
Круглосуточно
Аптека № 140, Караганда, (Магнум)
г.Караганда, пр. Шахтеров 82, ТЦ Магнум
Круглосуточно