Натрия хлорид 0,9%, 200 мл, фл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Натрия хлорид 0,9%, 200 мл, фл.

251
Қолжетімділігі
Сатылымда бар
Үлгі
4602521015370
Елі
Россия
Өндіруші
Красфарма ОАО
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

НАТРИЙ ХЛОРИДІ-ДАРНИЦА

Саудалық атауы

Натрий хлориді-Дарница

Халықаралық патенттелмеген атауы

Жоқ

Дәрілік түрі

Инфузияға арналған ерітінді

Құрамы

1 мл препараттың құрамында

белсенді зат - натрий хлориді 9,0 мг

1 л препараттың құрамына иондық құрам: Na+ 154 ммоль, Cl¯ 154 ммоль

қосымша заттар: инъекцияға арналған су.

Сипаттамасы

Мөлдір түссіз сұйықтық.

Фармакотерапиялық тобы

Қан түзуге және қанға әсер ететін препараттар. Плазма алмастыратын және перфузиялық ерітінділер. Вена ішіне енгізуге арналған ерітінділерге қоспалар. Электролиттік ерітінділер. Натрий хлориді.

АТХ коды В05Х А03

Фармакологиялық қасиеттері

Фармакокинетикасы

Қантамыр жүйесінен жылдам шығарылады. Препарат қантамыр арнасында қысқа уақыт болады да, одан кейін интерстициальді және жасуша ішілік кеңістікте тұрақталады. Тамырларда 1 сағаттан соң енгізілген ерітіндінің жартысына жуығы қалады. Тұздар мен сұйықтық диурезді арттырып, бүйрекпен өте жылдам шығарыла бастайды.

Фармакодинамикасы

0,9 % натрий хлориді ерітіндісі су-тұз теңгерімін қалыпқа түсіреді және адам организмінде дегидратация немесе ауқымды күйіктер мен жарақаттар аумағында жасушадан тыс сұйықтықтардың жинақталу салдарынан, құрсақ қуысы ағзаларына операция жасаған кезінде, перитонитте дамитын сұйықтық тапшылығын жояды.

0,9 % натрий хлориді ерітіндісі тіндер перфузиясын жақсартады, жаппай қан жоғалту және шоктың ауыр түрлері кезінде гемотрансфузиялық ем-шаралар тиімділігін арттырады.

Сұйықтық көлемін қысқа мерзімді жоғарылату, қандағы уытты өнімдер концентрациясын төмендету, диурезді белсендіру нәтижесінде уытсыздану әсерін көрсетеді.

Қолданылуы

- организмде сұйықтықтың, натрий тапшылығының орнын толтыру үшін және қарқынды емдеу шараларының кешенінде

- басқа сыйымды дәрілік заттарға еріткіш ретінде

- мұрынның шырышты қабаттарын, жараларды шаю үшін жергілікті қолданады

Қолдану тәсілі және дозалары

Доза организмнің сұйықтықты, натрий мен хлор иондарын жоғалтуға байланысты, жасын, салмағын, пациенттің клиникалық жағдайын, қатар емді, гидратацияны қоса жеке анықталады.

Вена ішіне, сыртқа (жараны, мұрынның шырышты қабаттарын шаю үшін) тағайындайды.

Вена ішіне тамшылатып енгізеді, сағатына 4-10 мл/кг жылдамдықта, клиникалық жағдайға және сұйықтықты жоғалту деңгейіне байланысты, орта есеппен 1 л/тәулік, ерітіндінің ең жоғары тәуліктік дозасы 3 л-ге дейін құрайды. Жараларды және шырышты қабаттарды шаю үшін сыртқа қолданады.

Балалар.

Шоктық дегидратация кезінде балаларға (зертханалық көрсеткіштердің анықтауынсыз) 20 – 30 мл/кг енгізеді, жасына және дене салмағына байланысты. Бұдан әрі дозалау режимі зертханалық көрсеткіштерге байланысты түзетіледі. Жалпы тәуліктік дозасы сулы-электролитті теңгерімге және басқаға байланысты болады.

Жағымсыз әсерлері

Жағымсыз әсерлердің жиілігі мынадай критерийлермен жіктелді: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін) және сирек (≥ 1/10 000 және < 1/1000).

Дәрілік заттарды дұрыс қолданған кезде жағымсыз әсерлері байқалмайды.

Сирек.

Ауқымды инфузияны жүргізген кезде хлоридті ацидоздың дамуы мүмкін.

- тремор

- гипотония

- есекжем, бөртпе, қышыну

- эритема

- жергілікті ауыру немесе инъекция орнында реакция

- тромбоз

- пирексия

- қалтырау

Қолдануға болмайтын жағдайлар

- гипернатриемия

- ацидоз

- гиперхлоремия

- гипокалемия

- жасушадан тыс гипергидратация, жасушаішілік дегидратация

- өкпе мен мидың ісінуін туғызуға қабілетті айналым бұзылулары

- ми ісінуі, өкпе ісінуі

- жоғары мөлшерде глюкокортикостероидтарды қатар қолдану

- сол жақ қарыншаның жеткіліксіздігі

Сақтықпен

- декомпенсацияланған созылмалы жүрек жеткіліксіздігі

- созылмалы бүйрек жеткіліксіздігі (олиго-, анурия, бүйрек артериясының тарылуы, нефросклероз)

- бүйректің бөлу функциясының бұзылуы (изотониялық ерітіндінің ауқымды көлемдері үшін)

- жүрек жеткіліксіздігі

- артериялық гипертензия

- созылмалы бауыр жеткіліксіздігі (бауыр циррозы)

- шеткері ісінулер

Дәрілермен өзара әрекеттесуі

Препарат көптеген дәрілік заттармен сыйымды, сондықтан оларды әртүрлі дәрілік заттарды сұйылту үшін қолданады – натрий хлоридімен еріткіш ретінде сыйымсыз болатын препараттарды қоспағанда.

Литий қолданатын пациенттерге сақтықпен тағайындау керек. Бүйректік натрий клиренсі мен литий клиренсі 0,9% натрий хлоридін енгізген кезде артуы мүмкін.0,9% натрий хлоридін енгізу литий деңгейінің төмендеуіне әкеп соқтыруы мүмкін.

Кортикоидтар/Стероидтар және карбеноксолон. Натрий мен суды іркілтеді (ісіну және гипертония).

Айрықша нұсқаулар

Ұзақ уақыт енгізген кезде, әсіресе көп көлемде, плазмадан және несептен электролиттер деңгейін, сондай-ақ диурезді бақылайды.

Бүйректің бөлу функциясы бұзылған, декомпенсацияланғанжүрек ақауы бар науқастарға, бауыр циррозы бар науқастарда ісіну-асциттік синдромы кезінде абайлап енгізеді.

Кортикостероидтармен немесе кортикотропинмен бір мезгілде тағайындағанда қандағы электролиттер деңгейінәрдайым бақылап отыру талап етіледі.

Шок жағдайларында және қан кетулерде 0,9 % натрий хлориді ерітіндісін қолданумен бірге гемотрансфузияны, плазма мен плазма алмастырғыштарды құюдыіске асыруға болады.

Жүктілік және лактация кезеңі

Препаратты көрсеткіштеріне қарай қолдануға болады.

Преэклампсиясы бар пациенттер сақтықпен қолдануы тиіс.

Балалар жасы. Электролиттің плазмалық концентрациясын мұқият бақылау қажет, өйткені бұл жаста сұйықтық пен электролиттерді реттеу қабілеті бұзылуы мүмкін. Натрий хлоридін қайта құюды сарысудағы натрий деңгейін анықтағаннан кейін тағайындауға болады.

Дәрілік заттардың көлік құралдарын және әлеуетті қауіпті механизмдерді басқару қабілетіне әсер ету ерекшеліктері

Әсер етпейді.

Артық дозалану

Симптомдары: бас ауыруы, бас айналуы, жүрек айнуы, құсу, іш өту, іштің ауыруы, шөлдеу, сілекей бөліну мен жас ағудың төмендеуі, тершеңдік, қызба, тахикардия, артериялық гипертензия, мазасыздық, ашушаңдық, әлсіздік, бүйрек жеткіліксіздігі, шеткері ісінулер; хлоридті ацидоз, организмнен калийдің шығуының артуы, гипергидратация және гиперволемия, соның салдарынан жүрек жеткіліксіздігі дамуы мүмкін.

Емі: препаратты енгізуді тоқтатып, науқастың жағдайын бағалап және талапқа сай көмек көрсету керек.

Шығарылу түрі және қаптамасы

Полипропиленді құтыларда 200 мл немесе 400 мл-ден.

Құтыларға өздігінен жабысатын жабыны бар қағаздан жасалған заттаңбаларды жапсырады.

Құтыларды топтық заттаңбадағы мемлекеттік және орыс тілдеріндегі медициналық қолдану жөніндегі нұсқаулықтың тиісті санымен бірге салады.

Сақтау шарттары

Түпнұсқалық қаптамада, 25 °С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Фармацевтикалық фирма «Дарница» ЖАҚ

Украина, 02093,Киев қ., Бориспольская к-сі, 13.

Тіркеу куәлігінің иесі

«Фармацевтикалық фирма «Дарница» ЖАҚ

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

050043, Алматы қ., Науаи к-сі 68, 49 пәтер

телефон: (+ 727) 2424328

е-mail: vigilance@darnitsa.kiev.ua

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

050043, Алматы қ., Науаи к-сі 68, 49 пәтер

телефон: (+ 727) 2424328

е-mail: vigilance@darnitsa.kiev.ua

Дәріханалар

Тауар артығымен бар
Тауар аз қалды
Аптека №64 ПТ Караганда, (пр. Назарбаева)
Республика Казахстан, г. Караганда, пр. Назарбаева д.9, НП 4
09:00-23:00