Левомицетин 0,5 мг № 10 табл
Тауарлардың көрінісі фотосуретте көрсетілгеннен өзгеше болуы мүмкін

Левомицетин 0,5 мг № 10 табл

798
Қолжетімділігі
Сатылымда бар
Үлгі
4603276013000
Елі
Россия
Өндіруші
Ирбитский химико-фармацев
  • Сипаттама
  • Дәріханалар

Сипаттама

Дәрілік затты медициналық

қолдану жөніндегінұсқаулық

ЛЕВОМИЦЕТИН

Саудалық атауы

Левомицетин

Халықаралық патенттелмеген атауы

Хлорамфеникол

Дәрілік түрі

0.5 г таблеткалар

Құрамы

Бір таблетканың құрамында

белсенді зат - 0,5 г хлорамфеникол (100% затқа шаққанда),

қосымша заттар: картоп крахмалы, повидон, стеарин қышқылы.

Сипаттамасы

Жалпақ цилиндр пішінді, ойығы мен сызығы бар ақ немесе әлсіз сарғыш реңді ақ түсті таблеткалар.

Фармакотерапиялық тобы

Жүйелі қолдануға арналған бактерияға қарсы препараттар. Амфениколдар.

Хлорамфеникол

АТХ коды J01ВА01

Фармакологиялық қасиеттері

Фармакокинетикасы.

Биожетімділігі – 80%. Сіңірілуі – 90% (жылдам және толық дерлік). Қан плазмасы ақуыздарымен байланысы – 50-60%, шала жаңа туған нәрестелерде – 32%. Ішу арқылы қабылдағаннан кейін ең жоғары концентрациясына жету уақыты – 1-3 сағат. Таралу көлемі – 0.6-1.0 л/кг. Қанда емдік концентрациясы қабылдағаннан кейін 4-5 сағат бойы сақталады.

Организм сұйықтықтары мен тіндеріне жақсы өтеді. Ең көп концентрациялары бауырда және бүйректе түзіледі. 30%-ға дейін енгізілген дозасы өттен табылады. Гемотоэнцефалдық бөгет өткізгіштігі ми қабықтарының қабыну құбылыстарында артады және плазмада 45-89% ең жоғары концентрациясына жетеді (25-50% қалыпты күйде) .

Плаценталық бөгет арқылы өтеді, қан сарысуында шарана концентрациялары ана қанындағы концентрацияның 30-80%-ын құрайды. Емшек сүтіне енеді. Негізгі мөлшері (90%) бауырда метаболизденеді. Ішекте ішек бактерияларының әсер етуімен гидролизденіп, белсенді емес метаболиттер түзеді.

Бүйрекпен 90%-ы (шумақтық сүзілу жолымен өзгермеген күйде – 5-10%, өзекшелік сөлініс арқылы белсенді емес метаболиттер түрінде – 80%), ішек арқылы 1-3%-ы 24 сағат ішінде шығарылады. Ересектерде жартылай шығарылу кезеңі – 1.5-3.5 сағат, бүйрек қызметі бұзылғанда – 3-11 сағат. Жартылай шығарылу кезеңі 1 айлықтан 16 жасқа дейінгі балаларда – 3-6.5 сағат, 1-2 күн аралығындағы жаңа туған нәрестелерде – 24 сағат және одан да көп уақыт (әсіресе, туылған кезде дене салмағы кішкентай болған сәбилерде ауытқиды), 10-16 күндіктерде - 10 сағат. Гемодиализге әлсіз беріледі.

Фармакодинамикасы

Кең ауқымда әсер ететін бактериостатикалық антибиотик микроб жасушасындағы ақуыз синтезінің үдерісін бұзады. Пенициллинге, тетрациклиндерге, сульфаниламидтерге төзімді бактериялардың штаммдарына қатысты тиімді.

Көптеген грамоң және грамтеріс бактерияларға, іріңді инфекциялар қоздырғыштарына, іш сүзегіне, дизентерияға, менингококкты инфекцияларға, гемофильді бактерияларға, Escherichia coli, Shigella dysenteria spp., Shigella flexneri spp., Shigella boydii spp., Shigella sonnei spp.. Salmonella spp. (соның ішінде Salmonella typhi, Salmonella paratyphi), Staphylococcus spp., Streptococcus spp. (соның ішінде Streptococcus pneumoniae), Neisseria meningitidis, Proteus spp. штаммдарының қатарына, Pseudomonas pseudomallei, Rickettsia spp., Treponema spp., Leptospira spp., Chlamydia spp. (соның ішінде Chlamydia trachomatis), Coxiella burnetii, Ehrlichia canis, Bacteroides fragilis, Klebsiella pneumoniae, Haemophilus influenzaе сияқтыларға қатысты белсенді.

Қышқылға төзімді бактерияларға (соның ішінде Mycobacterium tuberculosis), көк іріңді таяқшаға, клостридияға, метициллинге төзімді стафилококк штаммдарына, Acinetobactcr, Enterobacter, Serratia marcescens, Proteus spp. индол оң штаммдарына, Pseudomonas aеruginosa spp., қарапайымдар мен зеңдерге әсер етпейді.

Микроорганизмдер төзімділігі баяу дамиды.

Қолданылуы

- іш сүзегі, паратиф, сальмонелез, шигеллез, бруцеллез, туляремия, риккетсиоздар

- несеп шығару жолдарының инфекциялары

- іріңді жарақатты инфекция

- өт шығару жолдарының инфекциялары

Қолдану тәсілі және дозалары

Ішке (тамаққа дейін 30 минут бұрын, ал жүрек айну мен құсу болғанда – тамақтан кейін 1 сағаттан соң, тәулігіне 3-4 рет) қабылданады.

Ересектерге арналған бір реттік доза – 0.25-0.5 г, тәуліктік доза –

2 г/тәулік. Инфекцияның ауыр түрлерінде (соның ішінде іш сүзегінде), стационар жағдайларында дозаны тәулігіне 3-4 г дейін көбейтуге болады.

Балаларға қан сарысуындағы препарат концентрациясын бақылаумен әр 6 сағат сайын 12.5 мг/кг немесе әр 12 сағат сайын 25 мг/кг тағайындалады.

Емдеу курсының орташа ұзақтығы – 8-10 күн.

Жағымсыз әсерлері

- бас ауыру

- дисбактериоз (қалыпты микрофлораның бәсеңдеуі), диспепсия, жүрек айну, құсу (тамақтан кейін 1 сағаттан соң қабылдағанда даму ықтималдығы азаяды), диарея, ауыз қуысы мен аңқаның шырышты қабығының тітіркенуі

- дерматит (соның ішінде перианальді дерматит – ректальді қолданғанда)

- ретикулоцитопения, лейкопения, гранулоцитопения, тромбоцитопения, эритроцитопения, апластикалық анемия, агранулоцитоз

- психомоторлық бұзылыстар, депрессия, сананың шатасуы, көрінетін және естілетін елестеулер, сананың шатасуымен және делириймен болатын энцефалопатия

- шеткері неврит, көру жүйкесінің невриті, көру және есту жітілігінің кемуі

- тері бөртпесі, ангионевроздық ісіну

- салдарлы зең инфекциясы

Өте сирек

- Квинке ісінуі, анафилаксия

Қолдануға болмайтын жағдайлар

-препарат компоненттеріне жоғары сезімталдық

- сүйек-кеміктік қан түзілуінің бәсеңдеуі, қан аурулары

- жедел интермиттирлеуші порфирия

- глюкоза-6-фосфатдегидрогеназа тапшылығы

- бауыр және/немесе бүйрек жеткіліксіздігі

- тері аурулары (псориаз, экзема, зеңді зақымданулар)

-6 жасқа дейінгі балалар

- жүктілік және лактация кезеңі

Дәрілермен өзара әрекеттесуі

Бауырдағы зат алмасуына әсер етіп, қан түзілуін бәсеңдететін дәрілік заттармен (сульфаниламидтер, цитостатиктер), сәулелі еммен бір мезгілде тағайындау жағымсыз әсердің даму қаупін арттырады.

Этанолмен бір мезгілде қабылдағанда дисульфирамдық реакцияның дамуы мүмкін.

Ішуге арналған гипогликемиялық препараттармен тағайындағанда олардың әсерінің күшеюі (бауырда метаболизмнің бәсеңдеуі және олардың плазмадағы концентрацияларының жоғарылауы есебінен) білінеді.

Эритромицин, клиндамицин, линкомицинмен бір мезгілде қолданғанда хлорамфениколдың осы препараттарды байланысқан күйінен ығыстыру және олардың 50S бактериялық рибосомалар суббірлігімен байланысуын кедергілеу мүмкіндігі есебінен әсерінің өзара әлсіреуі болады.

Пенициллиндер мен цефалоспориндердің бактерияға қарсы әсерін төмендетеді.

Хлорамфеникол Р450 цитохромының ферменттік жүйесін бәсеңдетеді, сондықтан фенобарбитал, фенитоин, тікелей емес антикоагулянттармен бір мезгілде қолданғанда осы препараттар метаболизмінің әлсіреуі, шығарылуының баяулауы және олардың плазмадағы концентрацияларының жоғарылауы болады.

Айрықша нұсқаулар

Жоғары уыттылығының салдарынан пәрменсіз инфекцияларды, суық тию ауруларын, тұмауды, фарингитті, бактерия тасымалдануын емдеу және олардың алдын алу үшін қажеттіліксіз қолдануға кеңес берілмейді.

Қанның түзілу жүйесі жағынан ауыр асқынулар, әдетте, үлкен дозаларды (4 г/тәуліктен көп) ұзақ уақыт қолданумен байланысты.

Емдеу үдерісінде шеткері қан көрінісін, бүйрек, бауыр қызметін жүйелі бақылау қажет.

Сақтықпен

Бұрын цитостатикалық препараттармен емделген немесе сәулелі ем алған пациенттерге сақ болу керек.

Шаранада және жаңа туған нәрестеде бауыр хлорамфениколды байланыстыру үшін жете дамымаған, сосын да препарат уытты концентрацияда жиналып, «сұр синдромның» дамуына әкеледі, сондықтан препарат балаларға дүниеге келген алғашқы айларында тек тіршілік көрсеткіштеріне қарай тағайындалады.

Этанол бір мезгілде қабылданғанда дисульфирамдық реакцияның дамуы мүмкін (тері жабындарының гиперемиясы, тахикардия, жүрек айну, құсу, рефлекторлы жөтел, құрысулар).

Жүрек-қантамыр ауруларында және аллергиялық реакцияларға бейімділікте препаратты абайлап қолдану керек..

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Мәліметтер жоқ

Артық дозаланғанда

Симптомдары: жоғары дозалармен емдеген кезде шала туған және жаңа туған нәрестелерде болатын «сұр синдром» (кардиоваскулярлы синдром) (даму себебі бауыр ферменттерінің жетілмеуінен болатын хлорамфениколдың жиналуы, әрі оның миокардқа тікелей уытты әсер етуі болып саналады) – терінің көгілдірлеу-сұр түстенуі, дене температурасының төмендеуі, ырғақсыз тыныс алу, реакциялардың болмауы, жүрек-қантамыр жеткіліксіздігі (40%-ға дейін өлімге ұшырайды).

Емдеу: гемосорбция,симптоматикалық ем.

Шығарылу түрі және қаптамасы

10 таблеткаданполивинилхлоридті үлбірден және алюминийфольгадан жасалған пішінді ұяшықты қаптамада.

Қағаз негізді біріктірілген қаптамалық материалдан жасалған пішінді ұяшықсыз қаптамада 10 таблеткадан.

Пішінді қаптама медициналық қолдану жөніндегі мемлекеттік және орыс тілдеріндегі нұсқаулықтардың тең санымен бірге топтық қаптамаға салынады.

Сақтау шарттары

Жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

«Ирбит химфармзауыты» ААҚ, Ресей

623856, Свердлов облысы, Ирбит қ., Киров к-сі, 172

Тел./факс: (34355) 3-60-90

Тіркеу куәлігінің иесі

«Ирбит химфармзауыты» ААҚ, Ресей

Қазақстан Республикасы аумағында тұтынушылардан дәрілік заттыңсапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ЖК Утегенова Б.А.

050022, Қазақстан, Алматы қ., Мауленов к., 123 «а», 7 пәтер

Тел. +77017076181

Электронды поштасы b.utegenova_ip@mail.ru

Дәріханалар

Тауар артығымен бар
Тауар аз қалды
Аптека № 140, Караганда, (Магнум)
г.Караганда, пр. Шахтеров 82, ТЦ Магнум
Круглосуточно
Аптека № 145, Караганда, (Н.Абдирова)
г.Караганда, пр.Н.Абдирова, 19
Круглосуточно
Аптека №107
г. Караганда, Учетный квартал 134, Global city ТРЦ
10:00-21:00