Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Диферелин® 3,75 мг
Саудалық атауы
Диферелин® 3,75 мг
Халықаралық патенттелмеген атауы
Трипторелин
Дәрілік түрі
Бұлшықет ішіне енгізу үшін әсері ұзартылған суспензия дайындауға арналған лиофилизат еріткішімен жиынтықта
Құрамы
Бір құтының ішінде:
белсенді зат: 3,75 мг трипторелинге сәйкес, 4,2 мг трипторелин ацетаты
қосымша заттар: DL-сүт және гликол қышқылы сополимері, маннитол, полисорбат 80, натрий кармеллозасы
еріткіштің құрамы: маннитол, инъекцияға арналған су
Сипаттамасы
Препарат – іс жүзінде жентектелген ақ ұнтақ. Еріткіш – мөлдір түссіз сұйықтық. Еріткіште сұйылтылған суспензия – сүт түсті гомогенді суспензия
Фармакотерапиялық тобы
Ісікке қарсы препараттар және иммуномодуляторлар. Ісікке қарсы гормональді препараттар. Гормондар және олардың туындылары. Гонадотропин-рилизинг гормонының аналогтары. Трипторелин
АТХ кодыL02AE04
Фармакологиялық қасиеттері
Фармакокинетикасы
Препараттың ұзақ әсер ететін түрін бұлшықет ішіне енгізгеннен кейін белсенді заттың босап шығуының бастапқы фазасы, одан кейін 28 күн бойы трипторелиннің тұрақты босап шығу фазасы жүреді.
Фармакодинамикасы
Трипторелин табиғи гонадотропин-рилизинг гормонының (ГнРГ) аналогы, синтетикалық декапептид болып табылады.
Трипторелин гипофиздің гонадотроптық функциясын стимуляциялаудың бастапқы қысқаша («тұтану» әсері) кезеңінен кейін аталық без бен аналық без функциясын бәсеңдете отырып, гонадотропиндердің секрециясын тежейді.
Бұдан басқа, жануарларға жүргізілген зерттеулер әсер етудің шеткері рецепторлардың ГнРГ сезімталдығын төмендету арқылы гонадаларға тікелей әсері секілді басқа механизмін көрсетті.
Қуықасты безінің обыры
Трипторелинді қолданғанда қандағы лютеиндейтін гормонның (ЛГ) және фолликулостимуляциялайтын гормонның (ФСГ) деңгейінің бастапқы жоғарылауы бақылануы мүмкін, және соның салдары ретінде тестостеронның («тұтану» әсері) бастапқы деңгейінің жоғарылауы бақылануы мүмкін. Трипторелинмен емді жалғастыру ЛГ және ФСГ деңгейлерін бірінші инъекциядан кейін 2-3 апта бойына және препаратты қолданудың барлық кезеңі бойына стероидтарды кастрациялық деңгейге әкелетін концентрацияға дейін төмендетеді.
Мезгілінен бұрын жыныстық жетілу
Екі жыныс жағдайында да гипофизарлық гонадотроптық аса жоғары белсенділікті бәсеңдету эстрадиол немесе тестостерон секрециясының супрессиялануы, ЛГ ең жоғарғы шегінің төмендеуі және өсудің сүйектің жасына арақатынасының жақсаруы түрінде білінеді. Гонадалардың бастапқы стимуляциясы, медроксипрогестерон немесе ципротерон ацетатын тағайындау арқылы жол берілмейтін, жыныс жолдарынан жеңіл қан кетуге себеп болуы мүмкін.
Эндометриоз
Трипторелинмен ұзақ уақыт емдеу эстрадиолдың секрециясын бәсеңдетеді, және сонысымен эктопиялық эндометриоидтық тіндердің жойылуына әкеледі.
Жатыр фибромиомасы
Жүргізілген зерттеулер айғақталған жатыр фибромиомасы көлемінің тұрақты және айқын кішірейгенін көрсетті. Бұл кішірею емнің үшінші айында өте қатты білінді.
Трипторелинмен емдеу көптеген пациенттерде емнің бірінші айынан кейін аменореяны туындатады. Бұл меноррагия және/немесе метроррагиядан туындауы мүмкін анемияны түзетуге мүмкіндік береді. .
Әйел бедеулігі
Трипторелинмен ұзақ уақыт емдеу гонадотроптық секрецияны (ФСГ және ЛГ) бәсеңдетеді. Емдеу, сөйтіп, эндогендік ЛГ-нің өздігінен болатын ең жоғары супрессиясын қамтамасыз етеді және фолликулогенез сапасының жақсаруына әкеледі,фолликулярлық жауапты жақсартады.
Қолданылуы
- қуық асты безінің обырында
- менопаузалық жастағы әйелдердегі сүт безінің обырында
- мезгілінен бұрын жыныстық жетілуде(8 жасқа дейінгі қыздарда және 10 жасқа дейінгі ұлдарда)
- генитальді және экстрагенитальді эндометриозда
- жатыр фибромиомасында (хирургиялық араласымдар алдында)
- әйел бедеулігінде (экстракорпоральді ұрықтандыру бағдарламасында)
Қолдану тәсілі және дозалары
Препаратты тек бұлшықет ішіне енгізеді.
Қуықасты бездерінің обыры
Диферелин® әрбір 4 апта сайын 3,75 мг дозада ұзақ уақыт енгізіледі.Емдеу ұзақтығын емдеуші дәрігер әрбір пациент үшін жекеанықтайды.
Сүт бездерінің обыры
Диферелин® әрбір 4 апта сайын 3,75 мгдозада ұзақ уақыт енгізіледі.Емдеу ұзақтығын емдеуші дәрігер әрбір пациент үшін жекелей белгілейді.
Мезгілінен бұрын жыныстық жетілу
- дене салмағы 20 кг аз балаларға: әрбір 4 апта сайын (28 күн) бұлшықет ішіне дозаның жартысы (1/2), яғни қалпына келтірілген суспензия көлемінің жартысын енгізу.
- дене салмағы 20-дан 30 кг дейінгі балаларға: әрбір 4 апта сайын (28 күн) бұлшықет ішіне дозаның үштен екісін (2/3), яғни қалпына келтірілген суспензия көлемініңүштен екісін енгізу.
- дене салмағы 30 кг-ден жоғары балаларға: әрбір 4 апта сайын (28 күн) бұлшықет ішіне бір доза, яғни қалпына келтірілген суспензия көлемінің барлығын енгізу.
Эндометриоз
Диферелин® әрбір 4 апта сайын 3,75 мгдозада енгізіледі. Емді етеккір оралымының бастапқы бес күнінде бастау қажет. Емнің ұзақтығы эндометриоздың ауырлық дәрежесіне және ем кезінде байқалатын клиникалық өзгерістерге (функционалдық және анатомиялық) байланысты. Емдеу курсы ең аз дегенде 4 ай жүргізілуі тиіс, бірақ 6 айдан артық болмау керек. Трипторелинмен немесе басқа да гонадотропин-рилизинг гормонының аналогтарымен екінші емдеу курсынқолдану ұсынылмайды.
Жатыр фибромиомасында (хирургиялық араласымдар алдында) - Диферелин® әрбір 4 апта сайын 3,75 мгдозада енгізіледі.Ем етеккір оралымының бастапқы бес күнінде басталуы тиіс. Емдеу курсының ұзақтығы 3 айдан аспауы керек.
Әйел бедеулігі
Диферелин® әдетте оралымның екінші күні 3,75 мг дозада енгізіледі. Гонадотропинмен біріктіру гипофиздің десенситизациясынан кейін (қан плазмасындағы эстрогендер концентрациясы 50 пг/мл-ден төмен), әдетте Диферелин® 3,75 мг препаратының инъекциясынан кейін 15-ші күні жүргізіледі.
Препаратты енгізу жөніндегі нұсқаулық
Препараттың бір қаптамасында бұлшықетішілік енгізуге және бір пациентке бір реттік инъекция жүргізуге арналған бір доза бар.
Ұнтақтың суспензиясы тура енгізер алдында, оның жанына қоса салынған еріткіште құтының ішіндегіні біртекті қоспа алғанша сақтықпен араластыру арқылы, дайындалуы тиіс.
Әдетте инъекциядан кейін еккіште суспензияның көп мөлшерде қалып қойып, толық жасалмаған инъекция жағдайларының орын алғанын мәлімдеп отыру қажет.
Енгізу нұсқаулыққа қатаң сәйкестүрде жүзеге асырылуы тиіс.
1 – ПАЦИЕНТТІ ДАЙЫНДАУ
- Пациент етпетінен жатуы керек, бөксе терісі залалсыздандырылуы тиіс.
2 –ИНЪЕКЦИЯНЫ ДАЙЫНДАУ
- Лиофилизат бетінде көпіршіктің болуы препараттың сыртқы қалыпты түрі болып табылады.
| - Ампуланың мойнын сындырыңыз (нүктесі алдыңғы жағында). - Инесі бар еккішке еріткішті түгел құйып алыңыз. | |
| - Құты қақпағындағы жасыл қалпақшаны алып тастаңыз. - Еріткішті лиофилизаты бар құтыға құйыңыз. | |
| - Инені сұйықтықтың деңгейінен жоғары ұстаңыз. Инені құтыдан шығармаңыз. | |
| - Құтыны төңкермей, біртекті қоспа алғанша араластырыңыз. - Суспензияны құйып алар алдында ішінде түйіртпектің жоқтығына көз жеткізіңіз (түйіртпек болған жағдайда ол толық біртектіленгенше араластыруды жалғастырыңыз). |
| - Құтыны төңкермей ішіндегі барлық суспензияны еккішке құйып алыңыз. | |
| - Препаратты дайындау үшін пайдаланылған инені алып тастаңыз. Еккішке басқа инені жалғаңыз (нығыздап бұрап жабыңыз). Инені жалғау үшін тек түрлі түсті канюляны ғана ұстаңыз. - Еккіштен ауаны ығыстырып шығарыңыз. | |
|
| 3 – БҰЛШЫҚЕІШІЛІК ИНЪЕКЦИЯ - препаратты дереу бөксе бұлшықетіне енгізіңіз. |
4 – ИНЪЕКЦИЯ ЖАСАҒАННАН КЕЙН
- Инелерді арнайы арналған контейнерге тастаңыз.
Жағымсыз әсерлері
Еркектерде
Басқа да ГнРГ агонистерімен емдеудегідей, немесе хирургиялық кастрациядан кейінгідегідей, трипторелинмен емдеуге байланысты өте жиірек байқалған жағымсыз әсерлері оның фармакологиялық әсер етуінен күтілген әсерлері болды: тестостерон мөлшерінің бастапқы жоғарылауы, кейіннен оның толық дерлік супрессиялануы. Бұл әсерлерге ысыну (50%), эректильді дисфункция (4%) және либидоның төмендеуі (3%) жатады.
Трипторелинмен емдеуге байланысты болуы мүмкін деп танылған келесі жағымсыз әсерлер тіркелген. Бұл әсерлердің көпшілігі биохимиялық немесе хирургиялық кастрациямен байланысты ретінде белгілі.
Жағымсыз әсерлерінің даму жиілігі төмендегіше жіктеледі: өте жиі (³ 1/10); жиі ( ³ 1/100-ден < 1/10 дейін); жиі емес ( ³ 1/1000-нан < 1/100 дейін); сирек ( ³ 1/10 000-нан < 1/1 000 дейін). Препаратты нарыққа шығаруды бастағаннан кейін жағымсыз әсерлерінің жиілігін тиісінше анықтау мүмкіндігі болмады. Сондықтан ондай әсерлердің жиілігі «белгісіз» деп белгіленді.
| Ағзалар жүйесінің класы | Өте жиі | Жиі | Жиі емес | Сирек | Жиілігі белгісіз |
| Инфекциялар және инвазиялар | Назофарингит | ||||
| Қан және лимфалық жүйе тарапынан бұзылыстар | Пурпура | ||||
| Иммундық жүйе тарапынан бұзылыстар | Анафилаксиялық реакция Аса жоғары сезімталдық | ||||
| Эндокриндік бұзылыстар | Қант диабеті | ||||
| Метаболизм және тамақтану тарапынан бұзылыстар | Анорексия Подагра Тәбеттің ұлғаюы | ||||
| Психикалық бұзылыстар | Депрессия Көңіл-күйдің ауытқымалығы | Ұйқысыздық Ашушаңдық | Сананың шатасуы Белсенділік-тің төмендеуі Эйфория | Үрейлену | |
| Жүйке жүйесі тарапынан бұзылыстар | Аяқтардың парестезиясы | Бас айналу Бас ауыру | Парестезия | Жадының нашарлауы | |
| Көру мүшелері тарапынан бұзылыстар | Көздегі қалыптағыдан тыс сезімдер Көру бұзылыстары | Көру жітілігінің нашарлауы | |||
| Есту мүшелері және лабиринт тарапынан бұзылыстар | Құлақтың шыңылдауы | Вертиго/бас айналу | |||
| Қантамырлық бұзлыстар | Ысынулар | Гипертензия | Мұрыннан қан кету Гипотензия | ||
| Тыныс жүйесі, кеуде қуысы және көкірек тарапынан бұзылыстар | Ентігу | Ортопноэ | |||
| Асқазан-ішектік бұзылыстар | Жүректің айнуы | Іштің ауыруы Іш қатулар Диарея Құсу | Іштің кебуі Ауыз ішінің құрғауы Дисгевзия (дәм бұзылысы) Метеоризм | ||
| Тері және теріасты тіндері тарапынан бұзылыстар | Гипергидроз | Акнэ Алопеция Қышыну Бөртпе | Күлдіреуік-тер | Ангионевроздық ісіну Есекжем | |
| Қаңқа-бұлшықет жүйесі және дәнекер тіндері тарапынан бұзылыстар | Белдің ауыруы | Қаңқа-бұлшықет ауыруы. Аяқ-қолдың ауыруы | Артралгия Бұлшықет құрысулары Бұлшықет әлсіздігі Миалгия | Буындардың қимылсыздығы Буындардың ісінуі Қаңқа-бұлшықет қимылсыздығы Остеоартрит | Сүйектердің ауыруы |
| Ұрпақ өрбіту жүйесі және сүт бездері тарапынан бұзылыстар | Эректильді дисфункция Либидоның нашарлауы/ жоғалуы | Гинекомастия Сүт бездері тұсының ауыруы Анабез атрофиясы Тестикулалардың ауыруы | Эякуляция бұзылысы | ||
| Жалпы сипаттағы бұзылыстар және препаратты енгізген жердегі жағдай | Астения | Қажығыштық Инъекция жасалған жерде эритема Инъекция жасалған жердің қабынуы Инъекция жасалған жердің ауыруы Инъекция жасалған жерде реакция Ісіну | Летаргия Ауыру Діріл Ұйқышыл-дық | Кеуденің ауыруы Дистазия Тұмау тәрізді синдром Пирексия | Дімкәстік |
| Зертханалық талдаулар және зерттеулер | Аланин-аминотрансферазаның жоғарылауы Аспартат-аминотрансферазаның жоғарылауы Қан креатинині-нің жоғарылауы Қандағы мочевинаның жоғарылауы Дене салмағының артуы | Қанда сілтілік фосфатаза-ның жоғарылауы Дене температура-сының жоғарылауы Дене салмағының кемуі | Қан қысымының жоғарылауы |
Трипторелин баяу босап шығатын препараттың алғашқы инъекциясынан кейін алғашқы апта ішінде қан ағынындағы тестостерон мөлшерін уақытша арттырады. Осыған байланысты науқастардың аздаған бөлігінде (< 5%), әдетте несеп симптомдарының (< 2%) және метастаздықауырудың (5%) күшеюімен білінетін қуықасты безі обыры симптомдарының және белгілерінің уақытша нашарлағаны («тұтану» әсері) байқалуы мүмкін. Бұл жай-күйді симптоматикалық емдеу керек. Бұл симптомдар уақытша болып табылады және әдетте бір-екі аптадан соң жойылады. Ауру симптомдарының жекелеген өршу жағдайлары анықталған – уретра бітелісінің дамуы, немесе сүйек кемігінің метастаздармен компрессиялануы байқалды. Сондықтан омыртқаның метастаздық зақымданулары бар және/немесе жоғарғы немесе төменгі несеп шығару жолдарының бітелісі бар пациенттерді емдеудің алғашқы бірнеше аптасы ішінде мұқият бақылау қажет.Қуықасты безінің обырын емдеу үшін ГнРГ агонистерін қолдану сүйек салмағының кемуіне әкелуі мүмкін, бұл остеопороздың және сүйектің сыну қаупінің ұлғаюына себеп болуы мүмкін.
ГнРГ аналогтарымен ем қабылдаған пациенттерде лимфоциттер мөлшерінің көбейгені анықталды. Бұл салдарлық лимфоцитоз ГнРГ-мен индукцияланған кастрациямен байланысты болуы мүмкін және айыршық без инволюциясына жыныстық гормондардың қамтылғанын көрсетеді.
Әйелдерде
Эстрогендер мөлшеріндегі азаюдың салдары ретінде өте жиірек анықталған жағымсыз әсерлер (әйелдерде 10% және одан жоғары күтілетін жиілікпен) бас ауыруы, либидоның нашарлауы, ұйқының бұзылуы, көңіл-күйдің өзгеруі, диспареуния, дисменорея, генитальді қан кету, аналық без гиперстимуляциясы синдромы, аналық без гипертрофиясы, жамбас ауыруы, іштің ауыруы, вульвовагинальді құрғақтық, гипергидроз, ысынулар болды.
Трипторелинмен емдеумен байланысты болуы мүмкін деп қаралған төмендегі жағымсыз әсерлер тіркелген. Бұл әсерлердің көпшілігі биохимиялық немесе хирургиялық кастрациямен байланысты ретінде белгілі.
Жағымсыз әсерлерінің даму жиілігі былайша жіктеледі: өте жиі (³ 1/10); жиі (³ 1/100-ден < 1/10 дейін); жиі емес (³ 1/1000-нан < 1/100 дейін). Препаратты нарыққа шығаруды бастағаннан кейін жағымсыз әсерлерінің жиілігін тиісінше анықтау мүмкіндігі болмады. Сондықтан ондай әсерлердің жиілігі «белгісіз» деп белгіленді.
| Ағзалар жүйесінің класы | Өте жиі | Жиі | Жиі емес | Жиілігі белгісіз |
| Иммундық жүйе тарапынан бұзылыстар | Аса жоғары сезімталдық реакциялары | |||
| Психикалық бұзылыстар | Ұйқының бұзылуы Көңіл-күйдің болмауы | Депрессия* | Депрессия** | Үрейлерін Сананың шатасуы |
| Жүйке жүйесі тарапынан бұзылыстар | Бас ауыру | Бас айналу | ||
| Көру мүшелері тарапынан бұзылыстар | Көру жітілігінің нашарлауы Көру бұзылыстары | |||
| Есту мүшелері және лабиринт тарапынан бұзылыстар | Вертиго/бас айналу | |||
| Қантамырлық бұзылыстар | Ысынулар | |||
| Тыныс алу жүйесі, кеуде қуысы және көкірек ортасы тарапынан бұзылыстар | Ентігу | |||
| Асқазан-ішектік бұзылыстар | Жүректің айнуы Іштің ауыруы Іш тұсының жайсыздығы | Диарея Құсу | ||
| Тері және теріасты тіндері тарапынан бұзылыстар | Гипергидроз | Ангионевроз-дық ісіну Қышыну Бөртпе Есекжем | ||
| Қаңқа-бұлшықет жүйесі және дәнекер тіндері тарапынан бұзылыстар | Артралгия Бұлшықеттік құрысулар | Миалгия Бұлшықет әлсіздігі | ||
| Ұрпақ өрбіту жүйесі және сүт бездері тарапынан бұзылыстар | Диспареуния Дисменорея Генитальді қан кету (меноррагия, метроррагия) Либидоның нашарлауы Аналық бездің аса жоғары стимуляциясы синдромы Аналық бездің гипертрофиясы Жамбастың ауыруы Вульво-вагинальді құрғақтық | Сүт безі аймағының ауыруы | Аменорея | |
| Жалпы сипаттағы бұзылыстар және препаратты енгізген жердегі жағдайлар | Инъекция жасалған жерде эритема Инъекция жасалған жердің қабынуы Инъекция жасалған жердің ауыруы | Пирексия Дімкәстік | ||
| Зертханалық талдаулар және зерттеулер | Дене салмағының артуы | Қан қысымының жоғарылауы |
*ұзақ қолданғанда
**қысқа уақыт қолданғанда
Емнің басында жамбас ауыруы мен дисменореяны қоса, эндометриоз симптомдары өте жиі (³ 10%)өршуі мүмкін, бұл плазмадағыэстрадиол мөлшерінің бастапқы өткінші артуы кезеңімен астасқан. Бұл симптомдар уақытша болып табылады және ол әдетте бір немесе екі аптадан соң қайтады.
Бірінші инъекциядан соң бір ай ішінде меноррагияны, метроррагияны қоса, генитальді қан кетулер дамуы мүмкін.
Препаратты бедеулікті емдеуге қолданғанда оның гонадотропинмен біріктірілімі аналық бездің аса жоғары стимуляциясының синдромына әкелуі мүмкін. Аналық бездің гипертрофиясы, жамбас ауыруы және/немесе іштің ауыруы байқалуы мүмкін.
ГнРГ аналогтарын ұзақ уақыт қолдану сүйек салмағының кемуіне әкеп соғуы мүмкін, бұл остеопороздың қауіп факторы болып табылады.
Балаларда
Жағымсыз әсерлерінің даму жиілігі былайша жіктеледі: өте жиі (³ 1/10); жиі (³ 1/100-ден < 1/10 дейін). Препаратты нарыққа шығаруды бастағаннан кейін жағымсыз әсерлерінің жиілігін тиісінше анықтау мүмкіндігі болмады. Сондықтан ондай әсерлердің жиілігі «белгісіз» деп белгіленді.
| Ағзалар жүйесінің класы | Өте жиі | Жиі | Жиілігі белгісіз |
| Иммундық жүйе тарапынан бұзылыстар | Аса жоғары сезімталдық реакциялары | ||
| Психикалық бұзылыстар | Депрессия Көңіл-күйдің болмауы | Эмоцияның құбылмалылығы Күйгелектік | |
| Жүйке жүйесі тарапынан бұзылыстар | Бас ауыру | ||
| Көру мүшесі тарапынан бұзылыстар | Көру жітілігінің нашарлауы Көру бұзылыстар | ||
| Қантамырлық бұзылыстар | Ысынулар | ||
| Тыныс алу жүйесі, кеуде қуысы және көкірек ортасы тарапынан бұзылыстар | Мұрыннан қан кету | ||
| Асқазан-ішектік бұзылыстар | Құсу Іштің ауыруы Іш тұсының жайсыздығы | ||
| Тері және теріасты тіндері тарапынан бұзылыстар | Ангионевроздық ісіну Бөртпе Есекжем | ||
| Қаңқа-бұлшықет жүйесі және дәнекер тіндері тарапынан бұзылыстар | Миалгия | ||
| Ұрпақ өрбіту жүйесі және сүт бездері тарапынан бұзылыстар | Генитальді қан кету Қынаптық қан кету | ||
| Жалпы сипаттағы бұзылыстар және препаратты енгізген жердегі жағдай | Ауыру Эритема Инъекция жасалған жердегі эритема Инъекция жасалған жердің қабынуы Инъекция жасалған жердің ауыруы | Дімкәстік | |
| Зертханалық талдаулар және зерттеулер | Қан қысымының жоғарылауы Дене салмағының артуы |
Қолдануға болмайтын жағдайлар
- трипторелинге немесе гонадотропин-рилизинг гормонының басқа аналогтарына жоғары сезімталдық
- жүктілік, лактация кезеңі
Дәрілермен өзара әрекеттесуі
Трипторелинді гипофизбен гонадотропиндер секрециясын өзгертетін басқа препараттармен біріктіріп пайдаланғанда арнайы сақтық шаралары қолданылуы тиіс, гормондардың деңгейін мұқият бақылап отыру ұсынылады.