Церетон 4 мл, №5, амп.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Церетон 4 мл, №5, амп.

Қолжетімділігі
Тауар қолда жоқ
Үлгі
4605964002211
Елі
Россия
Өндіруші
Сотекс Фарм Фирма
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (қосымша парақ)

ЦЕРЕТОН®

Саудалық атауы

ЦЕРЕТОН®

Халықаралық патенттелмеген атауы

Холин альфосцераты

Дәрілік түрі, дозасы

Вена ішіне және бұлшықет ішіне енгізуге арналған 250 мг/мл ерітінді

Фармакотерапиялық тобы

Жүйке жүйесі. Жүйке жүйесі ауруларын емдеуге арналған басқа препараттар. Парасимпатомиметиктер. Басқа парасимпатомиметиктер. Холин альфосцераты.

АТХ коды N07AX02

Қолданылуы

ЦЕРЕТОН®, вена ішіне және бұлшықет ішіне енгізуге арналған ерітінді ересектерде қолдануға арналған:

  • мнестикалық функцияның есте сақтаудың нашарлауымен, сананың шатасуымен, бағдардан жаңылумен, ынталанудың, бастамашылдықтың және зейін қою қабілетінің төмендеуімен сипатталатын бастапқы және екінші реттегі бұзылулар сияқты цереброваскулярлық жетіспеушіліктің салдары мен дегенеративті және инволюциялық психоорганикалық синдромдар;
  • егде жастағыларда болатын эмоциялық және мінез-құлық саласының өзгерістері: эмоционалды құбылу, қатты ашушаңдық, қоршаған ортаға қызығушылықтың төмендеуі, егде жастағы адамдарда псевдодепрессия.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- препарат компоненттеріне аса жоғары сезімталдық

- жүктілік және лактация кезеңі

- 18 жасқа дейінгі балалар мен жасөспірімдер.

Қолдану кезінде қажетті сақтық шаралары

Балаларда қолдану

Препаратты балаларға қолданудың тиімділігі мен қауіпсіздігі жеткіліксіз зерттелген.

Препарат педиатриялық тәжірибеде қолдануға арналмаған.

Басқа дәрілік препараттармен өзара әрекеттесуі

Басқа препараттармен клиникалық маңызды өзара әрекеттесуі анықталмаған.

Арнайы ескертулер

Жүктілік немесе лактация кезінде

ЦЕРЕТОН® препаратын жүктілік кезінде және емшек емізу кезеңінде қолдануға болмайды. ЦЕРЕТОН® препаратымен емдеу кезінде емшек емізуді тоқтату керек.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Көлік құралдарын басқаруда немесе жоғары зейін қоюды және/немесе психомоторлық реакция жылдамдығын талап ететін басқа да қызмет түрлерімен айналысуда абай болу керек.

Қолдану жөніндегі нұсқаулар

Дозалау режимі

Жедел жағдайларда бұлшықет ішіне немесе вена ішіне тәулігіне 1 г дозада (1 ампула). Тәуліктік доза дәрігердің тағайындауы бойынша арттырылуы мүмкін.

Енгізу әдісі және жолы

Ерітіндіні бұлшықет ішіне немесе вена ішіне баяу енгізеді.

Емдеу ұзақтығы

Емдеу курсының ұзақтығын ауруды, дәрілік заттың жағымдылығын және емдік нәтижені ескере отырып, дәрігер анықтайды.

Артық дозаланған жағдайда қолданылуы қажет шаралар

Симптомдары: жүрек айнуы

Емі: аталған симптом пайда болғанда препарат дозасын төмендету керек.

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар

Әрқашан осы препаратты емдеуші дәрігердің ұсыныстарына сәйкес қолданыңыз. Кез келген күмән туындаған жағдайда емдеуші дәрігерге хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

- жүрек айнуы (допаминергиялық белсенділену салдарынан);

- аллергиялық реакциялар

Өте сирек

  • іштің ауыруы, қысқа мерзімдік сананың шатасуы;
  • инъекция орнының ауыруы

Жағымсыз реакциялар пайда болса, оның ішінде медициналық қолдану жөніндегі нұсқаулықта көрсетілмеген жағдайларда, дәрігерге қаралу керек.

Күтілген дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, ДП жағымсыз реакциялар (әсерлер) бойынша ақпараттық деректер базасына тікелей хабарласыңыз (пошта, электронды пошта бойынша)

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ

http://www.ndda.kz

Қосымша мәліметтер

Дәрілік препараттың құрамы

Бір ампуланың ішінде:

белсенді зат - холин альфосцерат полигидраты (сусыз холин альфосцератына шаққанда) 1000 мг,

қосымша зат - инъекцияға арналған су.

Сыртқы түрінің, иісінің, дәмінің сипаттамасы

Түссіз мөлдір сұйықтық.

Шығарылу түрі және қаптамасы

Вена ішіне және бұлшықет ішіне енгізуге арналған 250 мг/мл ерітінді.

4 мл-ден түрлі түсті сындыру сақинасы немесе түрлі түсті нүктесі мен кертігі бар І типті түссіз бейтарап шыныдан жасалған ампулаларға құйылады. Ампулаларға қосымша бір, екі немесе үш түрлі түсті сақина және/немесе екі өлшемді штрих-код және/немесе әріптік-сандық код салады немесе қосымша түрлі түсті сақиналары, екі өлшемді штрих-коды, әріптік-сандық коды жоқ болады.

3 немесе 5 ампуладан поливинилхлоридті үлбірден және полимер үлбірден жасалған немесе үлбірсіз пішінді ұяшықты қаптамаға салынады.

1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

«ФармФирма «Сотекс» ЖАҚ, Ресей Федерациясы

141345, Мәскеу обл., Сергиев-Посад муниципалдық ауданы,

Березняков елді мекені, Беликово кенті, 11 үй

Тел./факс: +7 (495) 956-29-30.

Тіркеу куәлігінің ұстаушысы

«ФармФирма «Сотекс» ЖАҚ, Ресей Федерациясы

141345, Мәскеу обл., Сергиев-Посад муниципалдық ауданы,

Березняков елді мекені, Беликово кенті, 11 үй

Тел./факс: +7 (495) 956-29-30

Электронды пошта: info@sotex.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«EL company (ЕЛ компани)» ЖШС 050022, Қазақстан Республикасы,

Алматы қ., Масанчи к-сі 98 А, 41 кеңсе

Телефон: (727) 292-26-30, факс: 292-26-37

Электронды пошта: info@elcompany.kz