Тауарлардың көрінісі фотосуретте көрсетілгеннен өзгеше болуы мүмкін

Бисакодил 10 мг № 10 суппозит. ректал.

543
Қолжетімділігі
Сатылымда бар
Үлгі
4840456000270
Елі
Молдова, республика
Өндіруші
FARMAPRIM SRL
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

БИСАКОДИЛ

Саудалық атауы

Бисакодил

Халықаралық патенттелмеген атауы

Бисакодил

Дәрілік түрі

Ректальді суппозиторийлер, 10 мг

Құрамы

Бір суппозиторийдің құрамында

белсендізат: 10 мг бисакодил;

қосымша заттар: қатты май.

Сипаттамасы

Цилиндр конус пішінді, ақ немесе сарғыш реңді ақ түстісуппозиторийлер.

Фармакотерапиялық тобы

Іш жүргізетін препараттар.Жанаспалы іш жүргізетін препараттар.

АТХ коды: А06АВ02

Фармакологиялық қасиеттері

Бисакодил – дифенилметан туындысы іш жүргізетін, жел айдайтын дәрі болып табылады

Фармакокинетикасы

Бисакодилдің жуан ішектен сіңірілуі өте аз. Сілтілі ортада метаболит түзілуімен гидролиз жүреді. Ректальді енгізген кезде айқын әлсіз әсері бір сағат ішінде (15-60 минут) басталады.

Фармакодинамикасы

Бисакодил жуан ішектің тегіс бұлшықетіне тікелей әсері есебінен іш жүргізетін әсер береді:

- ішек перистальтикасының күшеюі мен үдеуін көтермелеп, интрамуральді жүйке өріміне әсер етеді;

- жуан ішек шырышты қабығының жүйке ұштары рецепторларының тітіркенуі, бұл жуан ішекте шырыш секрециясының артуына, нәжістің жұмсаруына және дефекация актісінің жеңілдеуіне әкеледі.

Қолданылуы

- гипотониялық және атониялық іш қатуда (оның ішінде егде жастағы адамдардағы іш қату; операциядан, босанғаннан, диетаны алмастырғаннан кейінгі іш қату)

- геморрой, проктит, анустық сызаттар кезінде нәжісті реттеп отыруда

- жуан ішекті хирургиялық араласымдарға, рентгенологиялық және аспаптармен зерттеулерге дайындауда.

Қолдану тәсілі және дозалары

Ректальді.

Ересектерге және 14 жастан асқан балаларға: тәулігіне 10 – 20 мг-ден (1-2 суппозиторий).

8-ден 14 жасқа дейінгі балаларға: 10 мг-ден (1 суппозиторий) тәулігіне 1 рет.

Операциялық араласымға немесе диагностикалық зерттеулерге дайындағанда: 10 мг-ден (1 суппозиторий) кешке және таңертең.

Ұсынылатын емдеу курсының ұзақтығы 5 күнді құрайды.

Жағымсыз әсерлері

Әдетте бисакодил жақсы көтерімді.

Бұдан әрі аталатын жағымсыз әсерлері ағзалар жүйесінің жіктеуіне және MedDRA кездесу жиілігіне сәйкес ретке келтірілген: өте сирек (<1/10 000), белгісіз (қолда бар деректер бойынша анықтау мүмкін емес).

Өте сирек

- аллергиялық реакциялар, оның ішінде ангионевроздық Квинке ісінуі, анафилаксиялық реакциялар

Белгісіз

- іштің түйіліп ауыруы, диарея, көбіне ұзақ қолданғанда организмнің сусыздануына, электролиттік теңгерімнің бұзылуына әкелуі мүмкін

- әлсіздік, қимыл-қозғалыс үйлесімінің бұзылуы және гипотензия, көбіне егде жастағы пациенттерде

- бұлшықет әлсіздігі

- құрысулар

- артериялық қан қысымының төмендеуі

- ішек атониясы, көбіне ұзақ қолданғанда

Қолдануға болмайтын жағдайлар

- белсенді затқа және/немесе препараттың қосымша затының кез келгеніне немесе басқа іш жүргізетін дәрілерге жоғары сезімталдық

- ішек бітелісі

- қысылып қалған жарық

- «іш теспе» синдромы

- перитонит

- асқазан-ішек жолдарынан қан кету

- цистит

- жатырдан қан кету

- спазмдық ішқатпа

- жедел проктит

- жедел геморрой

- аппендицит

- тік ішектен қан кету

- ауыр дегидратация

- ішектің жедел қабыну аурулары

- 18 жасқа дейінгі балаларға

Дәрілермен өзара әрекеттесуі

Бисакодилдің ішектен сіңбейтінін ескерсек, оның басқа препараттармен өзара әрекеттесу мүмкіндігі аз.

Бисакодилді үлкен дозаларда жүрек гликозидтерімен бір мезгілде ұзақ қолданғанда олардың әсері гипокалиемия салдарынан күшейеді.

Бисакодилді несеп айдайтын дәрілермен және глюкокортикоидтармен бір мезгілде ұзақ қабылдау гипокалиемияның күшеюін туындатуы мүмкін.

Айрықша нұсқаулар

Препаратты ұзақ уақыт қолдануға болмайды.

Бисакодилді бауыр және/немесе бүйрек жеткіліксіздігіне шалдыққан пациенттерге абайлап тағайындайды.

Препаратты қолдану кезінде нәжіс массасының консистенциясын қамтамасыз ету мақсатында сұйықтықты көп мөлшерде қабылдаған жөн.

Егер бисакодилді қолданған кезде тік ішектен қан кете бастаса, препаратты қабылдауды тоқтату керек.

Жүктілік және лактация кезеңі

Препаратты жүкті және бала емізетін әйелдерге қолданған кезде сақ болған жөн.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану автокөлікті жүргізу және қауіпті механизмдерді басқару қабілетіне әсер етпейді.

Артық дозалануы

Симптомдары: диарея, су-электролиттік тепе-теңдіктің бұзылуы, гипокалиемия, жуан ішек тонусының жоғалуы

Емі: симптоматикалық.

Шығарылу түрі және қаптамасы

5 суппозиторийден полиэтилинмен ламинацияланған поливинилхлоридті үлбірден жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 15 оС-ден 25 °С-ге дейінгі температура аралығында сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«ФАРМАПРИМ» ЖШҚ

Кринилор к-сі, 5, Порумбень а., Криулень ауд.

Молдова Республикасы, MD-4829

www.farmaprim.md

Тіркеу куәлігінің иесі

«ФАРМАПРИМ» ЖШҚ, Молдова Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«ФАРМАПРИМ СРЛ» фирмасының Қазақстан Республикасындағы өкілдігі, Алматы қ., Гоголь к-сі, 86, 528 кеңсе, тел. 8-727-2796518, farmaprim.kz@farmaprim.md

Дәріханалар

Тауар артығымен бар
Тауар аз қалды
Аптека № 145, Караганда, (Н.Абдирова)
г.Караганда, пр.Н.Абдирова, 19
Круглосуточно
Аптека №64 ПТ Караганда, (пр. Назарбаева)
Республика Казахстан, г. Караганда, пр. Назарбаева д.9, НП 4
09:00-23:00
Аптека № 140, Караганда, (Магнум)
г.Караганда, пр. Шахтеров 82, ТЦ Магнум
Круглосуточно