Ауробин 20 г мазь

Сипаттама

Дәрілік затты медициналық қолдану жөніндегі нұсқаулық

АУРОБИН^®

Саудалық атауы

Ауробин^®

Халықаралық патенттелмеген атауы

Жоқ

Дәрілік түрі

Жақпамай, 20 г

Құрамы

1 сықпаның ішінде

белсенді заттар: преднизолон капронаты 0,04 г,

декспантенол 0,40 г,

лидокаин гидрохлориді 0,40 г,

қосымша заттар: полисорбат 60, триклозан, метилпарагидроксибензоат,цетил спирті, глицерин, пропиленгликоль, макрогол стеараты, сұйық парафин, диметикон, бейтарап май, стеарин қышқылы, тазартылған су

Сипаттамасы

Ақ немесе ақ дерлік түсті, иісі жоқ дерлік гомогенді жақпамай.

Фармакотерапиялық тобы

Жүрек-қантамыр жүйесі. Вазопротекторлар. Геморрой және анальді сызаттарды емдеу үшін жергілікті қолдануға арналған дәрілер. Геморрой және анальді сызаттарды емдеу үшін жергілікті қолдануға арналған дәрілер. Басқа да препараттар және олардың біріктірілімдері

АТХ коды C05АХ03

Фармакологиялық қасиеттері

Фармакокинетикасы

Жақпамайды пайдаланып фармакокинетикасына зерттеулер жүргізілген жоқ.

Жергілікті қолданғанда преднизолон жүйелі әсер бере отырып сіңуі мүмкін (әсіресе окклюзиялық таңғыштардың астында немесе зақымданған теріге, сондай-ақ клизма ретінде пайдаланғанда). Препарат организмнің барлық тіндеріне кеңінен таралады. Преднизолон плазма ақуыздарымен белсенді байланысады, плацентарлық бөгет арқылы өтеді және емшек сүтінде анықталуы мүмкін. Препарат несеппен конъюгацияланған метаболиттер түрінде шығарылады.

Лидокаин шырышты қабық пен зақымданған тері арқылы жақсы сіңеді. Ол плазма ақуыздарымен белсенді байланысады, оның жартылай шығарылу кезеңі 1-2 сағатты құрайды. Препарат көбінесе бауырда метаболизденеді. Бүйрек функциясының бұзылуы бастапқы заттың шығарылуына әсер етпейді, алайда оның белсенді метаболитінің жинақталуына алып келуі мүмкін. Лидокаин плацентарлық жәнегематоэнцефалдық бөгет арқылы өтеді, сондай-ақ емшек сүтімен бөлініп шығады.

Фармакодинамикасы

Препараттың құрамында перианальді аймақтың қабыну үдерістерін емдеуге тиімді заттар бар. Преднизолон жергілікті қабынуға қарсы әсері бар галогенделмеген глюкокортикостероид болып табылады. Сондай-ақ ол қан тамырларының өткізгіштігін төмендетеді, қантамырлар қабырғасының тонусын көтереді және қабыну белгілерін әлсіретеді. Лидокаин ауыру мен шымылдатып ашуды жылдам басады. Декспантенол зақымданған эпителий мен шырышты қабықтардың регенерациясын жеңілдетеді.

Қолданылуы

- артқы өтістің қышынуын, экзема мен перианальді аймақтың дерматитін, геморрой мен артқы өтіс сызатын қоса, перианальді аймақтың қабыну ауруларында

Қолдану тәсілі және дозалары

Ересектер және егде жастағы адамдар

Ауробин^® препаратын дененің зақымданған жеріне күніне 2-4 рет жағу керек. Препаратты тәулігіне 2 реттен аз пайдалану тек симптомдарының жеңілдеуін ғана қамтамасыз етуі мүмкін. Емдеу тек қысқа уақытқа созылуы мүмкін (5-7 күн).

Балаларда пайдаланылуы:

Ауробин^® препаратын 1 жасқа дейінгі балаларда пайдалануға болмайды.

Бұл препаратты балаларға тек белгілі бір жағдайларда және емдік әсеріне жету үшін жеткілікті азғантай мөлшерде тағайындауға болады; емдеу ұзақтығы 5 күннен аспауы тиіс.

1 жастан асқандарға жақпамайды зақымдалған жерге жағымсыз әсерлерінің даму ықтималдылығын төмендету мақсатында, күніне екі реттен жиілетпей жағуға болады. Емдеуді 5 күннен асырмай жалғастыруға болады.

Тек сыртқа қолдануға арналған. Пациенттің жас шамасына байланыссыз, жақпамайдың терінің зақымданған немесе ауқымды беткейлеріне, сондай-ақ тері қыртыстары аймағына ұзақ уақыт қолданылуын болдырмау керек.

Окклюзиялық таңғыштардың астында қолдану ұсынылмайды.

Жағымсыз әсерлері

Глюкокортикостероидтарды жергілікті қолданған кезде көбіне жергілікті жағымсыз реакциялар туындауы мүмкін. Теріге сіңген стероидтар мен лидокаиннің мөлшеріне байланысты олардың жүйелік әсер етуінің ықпалы байқалуы мүмкін.

Глюкокортикостероидтарды ұзақ топикалық қолданған кезде немесе оларды дененің үлкен беткейіне жаққан кезде бүйрекүсті бездері функциясының бәсеңдей түсуі мүмкін. Бұл құбылыс әсіресе балаларда және Ауробин^® жақпамайын герметикалық таңғыш астындағы теріге жаққанда байқалады. Ақуыздар катаболизмі теріс азотты теңгерімге әкелуі ықтимал.

Топикалық қолданудан кейін айтарлықтай көп мөлшерде лидокаиннің жүйелік сіңірілуі орталық жүйке жүйесінің стимуляциясын және/немесе бәсеңдеуін туындатуы мүмкін.

Жағымсыз құбылыстардың туындау жиілігі анықталмаған (қолда бар деректер негізінде анықтау мүмкін емес).

- субклиникалық инфекциялардың белсенділенуі, инфекция белгілерінің бүркемеленуі, оппортунистік инфекциялар

- аса жоғары сезімталдық реакциялары

- бүйрекүсті бездерінің қыртысты заты функциясының бәсеңдеуі

- гипокалиемиялық алкалоз, сұйықтықтың іркілуі, гипокалиемия, натрий іркілісі

- ұйқысыздық, психикалық бұзылыстар, құрысулар, бас айналуы, бас ауыруы, бассүйекішілік қысымның жоғарылауы

- катаракта (катарактаның даму ықтималдылығы балаларда жоғары), субкапсулалы катаракта, экзофтальм, глаукома, көру жүйкесі дискісінің ісінуі, мөлдір қабықтың ойық жарасы, хореоретинопатия, айқын көрмеу

(«Айрықша нұсқаулар» бөлімін қараңыз)

- жүрек жеткіліксіздігі, жүрек өткізгіштігінің бұзылулары, артериялық гипертензия, шеткері вазодилатация

- асқазаннан қан кету, асқазан-ішектен қан кету, асқазан-ішек жолы мүшелерінің тесілуі, эзофагит, панкреатит, асқазан ойық жарасы

- дерматит, фолликулит (қолданылған жерде), акне типті бөртпе, жанаспалы дерматит, терінің құрғауы және жұқаруы, эритема, есекжем, гирсутизм, гипергидроз, интертриго, терінің қышынуы, атрофиясы, гипопигментация, терінің тітіркенулері, стриялар, телеангиэктазиялар, терінің шымылдатып ашыту сезімі

- жараның баяу жазылуы

- өсудің тежелуі, стероидты миопатия, остеонекроз, остеопороз

- көзішілік қысымның жоғарылауы, теріс азотты теңгерім

- терінің провокациялық тестілерге реакциясының тежелуі

Қолдануға болмайтын жағдайлар

- белсенді затына немесе қосымша заттарының қандай-да біреуіне аса жоғары сезімталдық

- амидтер тобының жергілікті анестетиктеріне қатысты жоғары сезімталдық (бупивакаин, этидокаин, мепивакаин және прилокаин)

- терінің бастапқы бактериялық, вирустық немесе зеңдік инфекциясы (мысалы, қарапайым герпес)

- бет розацеасы, кәдімгі безеу, ауыз маңы аймағының дерматиті, баздану

- тері жабынының құрғақ ұсақ үлбірленіп қабыршақтануы

- 1 жасқа дейінгі балаларға

- жүктілік және лактация кезеңі

- тері туберкулезі

- мерездің терідегі біліністері

- көзді және периорбитальді аймақты емдеу үшін қолдануға болмайды

- лидокаинді басқа көрсетілім бойынша бір мезгілде қолдану

Дәрілермен өзара әрекеттесуі

Ауробин^® жақпамайының басқа дәрілік заттармен өзара әрекеттесуіне зерттеулер жүргізілмеген.

Басқа да аритмияға қарсы препараттармен бір мезгілде қолдану сақтықты қажет етеді.

Айрықша нұсқаулар

Тітіркену немесе сезімталдық туындаған жағдайда, Ауробин^® жақпамайымен емдеуді тоқтату және сәйкесінше қосымша емдік шараларды қолдану керек.

Жақпамайды терінің ауқымды немесе зақымдалған бөліктеріне, тері қыртыстарына, окклюзиялық таңғыштардың астында және/немесе ұзақ уақыт жағудан бас тарта отырып, жергілікті немесе жүйелі уыттылығының дамуын болдырмауға болады.

Ауробин^® жақпамайын терінің бір жеріне ұзақ уақыт бойы қолданғанда, әсіресе балаларда тері атрофиясы дамуы мүмкін.

Зеңдік немесе бактериялық инфекция дамыған жағдайда сәйкесінше жергілікті немесе жүйелі емді пайдалану керек.

Қант диабеті, туберкулез және анемия кезінде, сондай-ақ препарат құрамына кіретін глюкокортикостероидтардың әсерімен гипоталамус-гипофизарлы-бүйрекүсті өсін басу мүмкіндігіне байланысты балалар жасындағы пациенттерде аса сақ болған жөн.

Көрудің бұзылуы

Жергілікті және жүйелі әсер ететін глюкокортикостероидтарды қолдану кезінде көрудің бұзылуы туындауы мүмкін. Айқын көрмеу немесе көрудің басқа бұзылулары туындаған кезде катаракта, глаукома немесе орталық серозды хориоретинопатия (ОСХ) сияқты сирек аурулар қамтылуы мүмкін ықтимал себептерді айқындау үшін пациентті офтальмологқа жіберу керек. Аталған аурулар жергілікті және жүйелі әсер ететін глюкокортикостероидтарды қолданғаннан кейін туындауы мүмкін.

Ауробин^® жақпамайы құрамында қосымша заттар ретінде метилгидроксибензоат (E218), цетил спирті және пропиленгликоль (E1520) болады. Метилгидроксибензоат (парабен деген атпен белгілі зат) аллергиялық реакциялар (баяу типті болуы мүмкін) туындатуы мүмкін. Цетил спирті тері тарапынан жергілікті реакциялар (мысалы, жанаспалы дерматит) туындатуы мүмкін. Пропиленгликоль терінің тітіркенуін туындатуы мүмкін.

Жүктілік және лактация кезеңі

Препаратты жүктілік кезінде пайдаланудың қауіпсіздігі жөніндегі мәліметтер жеткіліксіз. Сондықтан, Ауробин^® жақпамайын жүктілік кезінде пайдаланбаған дұрыс.

Кортикостероидтар мен лидокаин емшек сүтімен бөлініп шығады. Кортикостероидтар жаңа туған сәбилерде бүйрек үсті бездерінің функциясына әсер етуі және өсудің бұзылуына алып келуі мүмкін. Емшек сүтімен лидокаиннің азғантай мөлшері бөлініп шығады. Лактация кезеңінде препаратты қолдану ұсынылмайды немесе емдеу кезінде бала емізуді тоқтата тұру керек.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Бұл препараттың автокөлік басқару және механизмдермен жұмыс жасау қабілетіне ықтимал әсері зерттелмеген. Дегенмен, препаратты қолданғанда бас айналуы сияқты жағымсыз әсері байқалуы мүмкін болғандықтан, сақ болу керек.

Артық дозалануы

Симптомдары: сіңірілген стероидтар мен лидокаиннің мөлшеріне байланысты жергілікті немесе жүйелі көріністердің дамуы мүмкін.

Емі: симптоматикалық. Арнайы антидоты жоқ.

Шығарылу түрі және қаптамасы

20 г тесетін ұштығы бар полиэтилен қалпақшамен тығындалған алюминий сықпада.

1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

8 ⁰С-ден 15 ⁰С-ге дейінгі температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецепт арқылы

Өндіруші

«Гедеон Рихтер» ААҚ,

1103 Будапешт, Дёмрёи к-сі, 19-21, Венгрия

Тіркеу куәлігінің ұстаушысы

«Гедеон Рихтер» ААҚ, Венгрия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта):

«Гедеон Рихтер» ААҚ ҚР өкілдігі, Алматы қ., Төле би к-сі 187

E-mail: info@richter.kz

Телефон: 8-(7272)-58-26-22, 8-(7272)-58-26-23

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«Гедеон Рихтер» ААҚ ҚР өкілдігі, Алматы қ., Төле би к-сі 187

E-mail: pv@richter.kz

Телефон: 8-(7272)-58-26-22, 8-(7272)-58-26-23, 8-701-787-47-01

Дәріханалар

Қалалар