Сипаттама
Дәрілік препаратты медициналық қолдану жөніндегі нұсқаулық
Саудалық атауы
Аминокапрон қышқылы
Халықаралық патенттелмеген атауы
Аминокапрон қышқылы
Дәрілік түрі, дозасы
Инфузияға арналған ерітінді 5%
Фармакотерапиялық тобы
Қан және қан түзу ағзалары. Геморрагияға қарсы препараттар. Антифибринолитиктер. Амин қышқылдары. Аминокапрон қышқылы.
АТХ коды В02АА01
Қолданылуы
- қан кетулер (гиперфибринолиз, гипо- және афибриногенемия);
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттеріне аса жоғары сезімталдық
- жасөспірімдер (тиімділігі мен қауіпсіздігі жөнінде клиникалық деректер болмағандықтан)
Қолдану кезінде қажетті сақтық шаралары
Сақтықпен қолдану керек:
-артериялық гипотензияда
-жүректің клапандық ақауларында
-этиологиясы анықталмаған несеп шығару жолдарының жоғарғы бөліктерінен қан кетуде (интраренальді обструкция қаупіне байланысты, ол шумақтық капиллярлар тромбозына немесе бүйрек түбекшесі мен несепағар саңылауында ұйынды түзілуіне байланысты; мұндай жағдайда күтілетін пайда ықтимал қаупінен асып түскенде ғана қолданылуы мүмкін)
-субарахноидальді қан құйылуда
-бауыр жеткіліксіздігінде
-созылмалы бүйрек жеткіліксіздігінде
Басқа дәрілік препараттармен өзара әрекеттесуі
Аминокапрон қышқылын глюкоза, гидролизаттар, сондай-ақ шоққа қарсы ерітінділерімен біріктіре қолдануға болады. Антикоагулянттармен (тікелей, тікелей емес) бір мезгілде қолданғанда, олар препараттың коагуляциялық әсерін төмендетеді.
Арнайы ескертулер
Препаратты тағайындағанда қан құрамындағы фибриноген концентрациясы мен қанның ұю уақытын бақылау арқылы жүргізу керек. Препаратты, әсіресе науқастарда миокард инфаркті және бауыр жеткіліксіздігінен кейін коагулограмма бақылауымен қолдану ұсынылады.
Жоғары дозаларда жылдам енгізген кезде артериялық гипотензия, брадикардия және жүрек ырғағы бұзылуының дамуы мүмкін.
Сирек жағдайларда, ұзақ қолданудан кейін, рабдомиолиз типті қаңқа бұлшықеттерінің зақымдануы сипатталған. Клиникалық көріністері орташа миалгия және бұлшықет әлсіздігінен бастап рабдомиолизбен, миоглобинурия және жедел бүйрек жеткіліксіздігімен ауыр проксимальді миопатияға дейін түрленуі мүмкін. Аминокапрон қышқылын ұзақ қабылдап жүрген пациенттерде сарысулық креатинин фосфокиназаны (КФК) бақылап отыру ұсынылады. Егер КФК артуының үдеуі байқалса, препаратты қолдану тоқтатылуы тиіс. Миопатия туындаған кезде миокард зақымдануының мүмкіндігін ескеру қажет.
Аминокапрон қышқылын қолдану тромбоциттер функциясын зерттеудің нәтижелерін өзгертуі мүмкін.
Аминокапрон қышқылы 5 % дозада тиісінше мл 9.0 мг натрий бар. Бұл натрий қабылдауды шектейтін диетасы бар пациенттер қолданған кезде ескерілуі тиіс.
Дәрілік заттың көлік құралдарын жүргізу немесе қауіптілігі зор механизмдерді басқару қабілетіне әсер ету ерекшеліктері.
Препарат стационарлық жағдайда қолдануға арналған, сондықтан препараттың назар аудару қабілетіне ықпал етуі бойынша зерттеу жүргізілмеді.
Қолдану жөніндегі нұсқаулар
Дозалау режимі
Алғашқы сағат ішінде 80-100 мл (4-5 г) енгізу керек, содан кейін қажет болған жағдайда, қан кету толық тоқтағанша, әрбір сағат сайын 20 мл (1 г) енгізеді, бірақ 8 сағаттан асырмайды.Ересектер үшін ең жоғары тәуліктік доза – 600 мл (30 г).
Енгізу әдісі және жолы
Аминокапрон қышқылы вена ішіне, тамшылатып енгізіледі.Препараттыпациенттің1 кг дене салмағына шаққанда 1 мл 5% аминокапрон қышқылы есебінен, минутына 50-60 тамшы жылдамдықпен енгізеді.
Қабылдау уақыты көрсетілген қолдану жиілігі
Қан кету ұзаққа созылғанда немесе қайталанғанда препаратты 4 сағаттан кейін енгізеді.
Емдеу ұзақтығы
Аминокапрон қышқылын қолдану ұзақтығы аурудың клиникалық көрінісіне байланысты.
Артық дозаланған жағдайда қолданылуы қажет шаралар
Симптомдары: артериялық қысымның төмендеуі, құрысулар, жедел бүйрек жеткіліксіздігі.
Емі: препарат енгізуді тоқтату, симптоматикалық ем.
Ауыр жағдайларда гемодиализ немесе перитонеальді диализ тағайындалады.
Тоқтату симптомдары қаупінің барын көрсету
Егер КФК үдемелі ұлғаюы байқалса, препаратты қолдану тоқтатылуы тиіс.
Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар
Дәрілік препаратты қолдану тәсілін түсіндіру үшін дәрігерге жүгіну бару керек. В/і енгізуге арналған. Препаратты тек маман енгізу керек. Препаратты артерия ішіне енгізуден немесе қоршаған тіндерге түсуден аулақ болу керек.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жиі:
- , әлсіздік, енгізген жердегі реакциялар, ауыру және некроз, артериялық гипотензия, іштің ауыруы, диарея, жүрек айнуы, құсу, бас айналуы, мұрын бітелуі, құлақ шулауы.
- ялық/анафилактоидты реакциялар, анафилаксиялық шок, брадикардия, агранулоцитоз, коагуляцияның бұзылуы, бұлшықет әлсіздігі, миалгия, ентігу, қышыну, бөртпе, нашар көру, жас ағу
- ишемия, креатинфосфокиназаның ұлғаюы, миозит, сананың шатасуы, сандырақтау, елестеу, бассүйекішілік гипертензия, инсульт, естен тану, өкпе артериясының тромбоэмболиясы
- я, рабдомиолиз, қан сарысуындағы мочевина деңгейінің ұлғаюы, бүйрек жеткіліксіздігі
Сирек:
Өте сирек:
Белгісіз:
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ
http://www.ndda.kz
Қосымша мәліметтер
Дәрілік препараттың құрамы
Бір мл ерітіндінің құрамында
белсенді зат - 50.0 мг аминокапрон қышқылы,
қосымша заттар: натрий хлориді, инъекцияға арналған су.
Сыртқы түрінің, иісінің, дәмінің сипаттамасы
Мөлдір түссіз ерітінді.
Шығарылу түрі және қаптамасы
100 мл препараттан бір немесе екі порты бар полипропилен контейнерлерге құяды. Контейнерлерді медициналық қолдану жөніндегі қазақ және орыс тілдеріндегі нұсқаулықтармен бірге картоннан жасалған топтық қорапқа салады.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
Жарықтан қорғалған жерде 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы.
Өндіруші туралы деректер
«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Кемел ықшам ауданы,Ақсуат к-і, 104 үй
тел: + 7 (727) 2603974
е-mail: office@nm-pharm.kz
Тіркеу куәлігінің ұстаушысы
«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Кемел ықшам ауданы,Ақсуат к-і, 104 үй
тел: + 7 (727) 2603974
е-mail: office@nm-pharm.kz
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы,мекенжайы және байланыс деректері: «НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Кемел ықшам ауданы,Ақсуат к-і, 104 үй
тел: + 7 (727) 2603974
е-mail: office@nm-pharm.kz
Қазақстан Республикасы аумағында дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері:
«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Кемел ықшам ауданы,Ақсуат к-і, 104 үй
тел: + 7 (727) 2603747
е-mail: safety@nm-pharm.kz
