Тауарлардың көрінісі фотосуретте көрсетілгеннен өзгеше болуы мүмкін

Вобэнзим плюс № 40 табл

Қолжетімділігі
Тауар қолда жоқ
Үлгі
4030142111858
Елі
Германия
Өндіруші
Мукос Эмульсионс ГмбХ, Ге
  • Сипаттама

Сипаттама

Дәрілік затты медициналық қолдану

жөніндегі нұсқаулық

Вобэнзим плюс

Саудалық атауы

Вобэнзим плюс

Халықаралық патенттелмеген атауы

Жоқ

Дәрілік түрі

Ішекте еритін қабықпен қапталған таблеткалар

Құрамы

Бір таблетканың құрамында

белсенді заттар: бромелаин – 450 F.I.P.-ӘБ

трипсин – 1440 F.I.P.-ӘБ(24 μkat)

рутозид тригидраты – 100 мг,

қосымша заттар: лактоза моногидраты, желатинделген крахмал, магний стеараты, стеарин қышқылы 70, сусыз коллоидты кремнийдің қостотығы,тальк.

қабықтың құрамы: макрогол 6000, метакрил қышқылы – метил метилакрилат кополимері (1:1), тальк, триэтил цитраты, ванилин.

Сипаттамасы

Дөңгелек пішінді, екі жағы дөңес және тегіс бетімен, сарғыш-жасыл түсті үлбірлі қабықпен қапталған таблеткалар.

Фармакотерапиялық тобы

Басқа да препараттар. Емдік басқа өнімдер

АТХ коды V03A

Фармакологиялық қасиеттері

Фармакокинетика

Сіңуі және таралуы:

Құрамында Вобэнзим плюс бар,ферменттер секілді, үлкен молекулярлық заттар асқазан-ішек жолдарынан әртүрлі жасушалар арқылы жүретін механизмдердің әсерімен сіңіріледі және қанның тасымалдайтын ақуыздарымен (альфа-1-антитрипсинмен, альфа-2-макроглобулинмен) байланысады. Ферменттерді пероральді қабылдағаннан кейінтрипсин немесе бромелаиннің плазмалық концентрациясы мен қабылданған дозаның арасында жақсы өзара байланыс байқалады. Препаратты қабылдағаннан кейін 4 күннің ішінде емдік концентрацияға жетеді. Қанның тасымалдаушы ақуыздарымен кешенде белсенді заттар (альфа-1-антитрипсин, альфа-2-макроглобулин) жасушалық рецепторлармен байланысады және кейіннен мононуклеарлық фагоциттер жүйесі, сондай-ақ басқа механизмдер арқылы шығарылады. Абсорбцияланбаған гидролазалар мен рутозид, егер олар денатурацияланбаған және қорытылмаған болған жағдайда, организмнен нәжіспен шығарылады.

Фармакодинамикасы

Вобэнзим плюс қан жасушаларының және тамыр жақтауының функционалдық күйiн жақсартады, тамырлардағы қанның тұтқырлығын және тромбтардың түзiлу қаупiн төмендетедi, түзiлген тромбтардыңеруіне мүмкiндiк туғызады. Бромелайн, трипсин және рутозид ферменттері шығу тегі қабынудан және қабынудан емес ісінулерге (жұмсақ тіндердің зақымдануы, спорттық жарақаттар) өзінің әсерін білдіреді, нәтижесінде ауыру синдромы азаяды, Вобэнзим плюс құрамына кіретін ферменттер қабыну медиаторларының тікелей протеолизімен, сондай-ақ қабыну ошағында онкостық қысымды азайту жолымен түсіндіріледі. Бұл ісінудің, тіндердің кернелуінің және жүйке ұштарына қысымның азаюына әкеледі.

Вобэнзим плюс қабыну ошағында микроайналымды жақсартады, оттегінің және қоректік заттардың жеткізілуін (қанмен жабдықтауды) арттырады, сөйтіп созылмалы аурулар кезінде және операциядан кейінгі кезеңде репаративті үдерістерді ынталандырады.

Вобэнзим плюс тыныс жолдарының созылмалы аурулары кезінде бронхтардың және өкпе тінінің қанмен жабдықталуын жақсартады, қақырықты сұйылтады, кірпікшелі эпителийдің функциясын жақсартады және бронхтардың дренаждық функциясын қалпына келтiредi.

in vitro және in vivo жағдайында, бромелаин және трипсин ферменттерін зерттегенде олардыңиммундық кешендердің түзілуіне (патогенді), стимуляцияланбаған мононуклеарлық жасушаларының белсенділенуіне жәнеадгезивті молекулалардың экспрессиясын төмендетуге (мысалы, CD 44, CD 54, сондай-ақICAM 1 түрінде белгілі) тежейтін әсерін көрсетті.

Вобэнзим плюс қабыну ошағыныңмикроциркуляциясы мен қанмен қамтамасыз етілуін жақсарту жолымен антибиотиктердің тиімділігін жоғарылатады.

Вобэнзим плюс инфекциялық қабынуды антибиотиктермен емдеудің орнын баса алмайды, бірақ оның тиімділігін арттырады.

Қолданылуы

Кешенді емде:

- жарақаттан кейінгі және операциядан кейінгі ісінулер

- лимфалық ісінулер және микроциркуляторлық бұзылыстар

- флебиттер, тромбоздан кейінгі синдром (веналардың қайтадан қабынуынан кейінгі жағдай), трофикалық ойық жара;

- ер адамдарданесеп-жыныс жолының жедел және созылмалы қабынулары: цистит, уретрит, цистопиелит, простатит;

- әйелдерде кіші жамбас ағзаларының жедел және созылмалы қабыну аурулары: аднексит, сальпингоофарит;

- ревматоидты артрит, жұмсақ тіндердің ревматизмі (мысалы: бұлшықеттік ревматизм,теннистік шынтақ синдромы немесе латеральді эпикондилит, қатып қалған иық синдромы немесе иық буынының адгезивті капсулиті, тендовагинит), буындардыңжәне омыртқаның дегенеративті аурулары.

6 жастан бастап балалар мен ересектерде қолданылуы мүмкін.

Қолдану тәсілі және дозалары

Таблеткаларды тамаққа дейін кемінде 30 минут қалғанда, шайнамай, сумен ішіп (200мл), ішке қабылдау керек.

Ересектер

Емдік мақсатта 2 апта бойы күніне 3 рет 3 таблеткадан қабылдайды.

Ерекше жағдайларда (ісінуді, көгеруді және қанталауды тез тоқтату қажет болғанда ауыр ауруларда, жедел қабынуларда, жарақаттан кейін және операциядан кейінгі кезеңде) ең жоғары ұсынылатын дозатәулігіне үш қабылдауға бөлінген 12 таблетканы құрайды.

Профилактика үшін 2 апта бойы күніне 3 рет 2 таблеткадан дозалауда қабылдау ұсынылады.

Балалар

6-дан 12 жасқа дейінгі балаларға – дене салмағының 10 кг тәулігіне 1 таблетка. Осы доза екі немесе үш қабылдауға бөлінуі керек. 12 жастан бастап ересектерге арналған сызба бойынша қолданылады.

Препаратты қабылдау және дозалау курсын өзгерту тек дәрігермен кеңескеннен кейін ғана мүмкін болады.

Жағымсыз әсерлері

  • іш өтуі
  • препараттың дозасын уақытша азайту кезінде тез басылатын нәжістің консистенциясы мен иісінің өзгеруі

- препаратпен емдеуді тоқтатқаннан кейін басылатын сирек аллергиялық реакция (тері бөртпесі, қышыну) туындауы мүмкін

- жүрек айнуы, метеоризм, іш ауыруы, бас ауыруы, экзантема, жалпы әлсіздік

- ішектің лық толып кеткен сезімі. Күндізгі дозаны бірнеше жеке дозаларға бөліп, мұның алдын алуға болады.

Қолдануға болмайтын жағдайлар

  • препараттың кейбіреуге жақпауы
  • қанның ұюының туа біткен немесе жүре пайда болған бұзылулары (мысалы, гемофилия)
  • бауырдың жедел аурулары
  • 6 жасқа дейінгі балалар

Дәрілермен өзара әрекеттесуі

Басқа дәрiлік заттармен үйлеспеушiлiк жағдайлары анықталмады. Антибиотиктермен бірлесе Вобэнзим плюс препаратын қолдану антибиотиктермен емдеудің тиiмдiлiгiн арттырады.

Айрықша нұсқаулар

Инфекциялық үдерістер жағдайында Вобэнзим плюс препараты антибиотиктердің орнын баса алмайды.

Аурудың асқыну жағдайында Вобэнзим плюс препаратын қабылдау кезінде дозаны уақытша азайту ұсынылады және дәрігерге қаралу керек.

Гемодиализді жүргізу дәрігермен кеңескеннен кейін ғана мүмкін.

Қант диабетінен зардап шегетін пациенттерге препараттың әрбір таблеткасының құрамында 0,015 нан бірлігі барын ескеруі керек.

Жүктілік және лактация

Жүктілік кезінде абайлап, емнің анаға деген күтілген пайдасы шаранаға жағымсыз әсері пайда болуының ықтимал қаупінен жоғары болған жағдайда ғана қолдануға болады (тек дәрігермен кеңескеннен кейін ғана!)

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат допинг болып табылмайды және автомобиль жүргізуге және психикалық және физикалық реакциялардың жоғары жылдамдығын талап ететін жұмыстарды орындауға кері әсер етпейді.

Артық дозалануы

Препараттың артық дозалану жағдайлары белгісіз.

Шығарылу түрі және қаптамасы

20 таблеткадан поливинилхлоридті үлбірден және алюминий фольгадан және/немесе поливинилхлоридті, полиэтиленді үлбірден және алюминий фольгадан жасалған пішінді ұяшықты қаптамаға салынады.

2 немесе 10 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салады.

Сақтау шарттары

Құрғақжерде, 15 0С-ден 25 0С-ге дейінгі температурада сақтау керек. Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецептісіз

Өндіруші

МУКОС Эмульсионс ГмбХ , Германия.

Д-13509 Берлин, Германия

Тіркеу куәлігінің иесі

МУКОС Фарма ЦЗ с.р.о., Прухонес, Чех Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның мекенжайы.

Қазақстан Республикасындағы MUCOS Pharma CZ SROөкілдігі

050026, Қазақстан Республикасы, Алматы қ., Мұратбаев к-сі, 62

68 кеңсе, тел./факс +7 727 253 66 94.