Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Триметазидин-Тева 20 мг № 60 табл покрытые оболочкой

Қолжетімділігі
Тауар қолда жоқ
Үлгі
4030096118811
Елі
Германия
Өндіруші
Ратиофарм
  • Сипаттама

Сипаттама

Дәрілік затты медициналық қолдану

жөніндегі нұсқаулық

Триметазидин-Тева 20 мг

Саудалық атауы

Триметазидин-Тева 20 мг

Халықаралық патенттелмеген атауы

Триметазидин

Дәрілік түрі

Қабықпен қапталған таблеткалар, 20 мг

Құрамы

Бір таблетканың құрамында

белсенді зат - 20 мг триметазидин дигидрохлориді,

қосымша заттар: микрокристалды целлюлоза, түйіршіктелген маннитол, кополивидон К28, коллоидты кремнийдің қостотығы, магний стеараты,

қабығының құрамы: гипромелоза, макроголь 6000, темірдің (III) қызыл тотығы Е172, титанның қостотығы Е171.

Сипаттамасы

Дөңгелек пішінді, екі беті дөңес, қызыл-қоңыр түсті, үлбірлі қабықпен қапталған таблеткалар.

Фармакотерапиялық тобы

Жүрек-қантамыр жүйесі. Кардиологиялықпрепараттар.

Басқа кардиологиялықпрепараттар. Триметазидин.

АТХ кодыС01ЕВ15

Фармакологиялық қасиеттері

Фармакокинетикасы

Триметазидин ас жолынан жылдам және толығымен сіңеді. Қан плазмасында ең жоғары концентрациясына 2 сағаттан азырақ уақытта жетеді және 20 мг дозада бір рет қолданғаннан кейін 55 мкг/мл құрайды. Биожетімділігі - 85% жоғарырақ. Тұрақты концентрация қайталап қабылдағаннан кейін шамамен 24-36 сағаттан соң анықталады және емдеудің барлық кезеңі бойында осындай болып қалады. In vitro ақуыздармен шамамен 16% байланысады. Тіндерде жақсы таралады. Таралу көлемі 4,8 л/кг құрайды. Негізінен бүйрек арқылы, препараттың 51% - өзгермеген түрде шығарылады. Жартылай шығарылу кезеңі - 6 сағат дерлік, 65 жастан асқан адамдарда - 12 сағат. Тамақ ішу препараттың фармакокинетикалық параметрлеріне әсер етпейді.

Фармакодинамикасы

Триметазидин-Тева 20 мг жасушалық деңгейде әсер етеді, аденозинтрифосфаттың (АТФ) жасушаішілік мөлшерінің төмендеуіне кедергі келтіре отырып гипоксия кезінде жасушаларда энергетикалық теңгерімді қалпына келтіреді. Жарғақшаның иондық өзектерінің қалыпты қызметін және калий иондарының трансжарғақшалық тасымалдануын қамтамасыз ете отырып, жасушалық гомеостазды көтермелейді. Метаболизмдік үдерістерге араласып және миокард ишемиясы кезінде оттегінің пайдаланылуын жақсарта отырып, препарат миокард жасушаларында АТФ энергетикалық қорының төмендеуіне кедергіжасап, энергетикалықпотенциалды сақтайды. Препараттың көмегімен жүректе энергетикалық алмасуды оңтайландыру ұзын тізбекті 3-кетоацил СоА-тиолазаны (3-КАТ) тежеу есебінен май қышқылдарының тотығуын ішінара бәсеңдетудің нәтижесі болып табылады, бұл глюкоза тотығуының күшеюіне әкеледі және жүректің ишемиядан қорғалуын қамтамасыз етеді.

Триметазидин-Тева 20 мг стенокардиямен сырқат науқастарда
жүректің жиырылу жиілігіне (ЖЖЖ) әсер етпей, дене
жүктемелеріне төзімділікті арттырады, стенокардия ұстамаларының жиілігін төмендетеді; препаратпен емдеу кезінде нитраттарға кажеттілік едәуір азаяды.

Қолданылуы

- ересектерге бақылауы жеткіліксіз немесе бірінші желідегі антиангинальді препараттар жақпаған кезде тұрақты стенокардиясы бар науқастарды симптоматикалық емдеу үшін қосымша ем ретінде

Қолдану тәсілі және дозалары

Триметазидин-Тева 20 мг препаратын тамақтану кезінде тәулігіне 2-3 рет бір стақан суды іше отырып, 1 таблеткадан ішке қабылдайды. Емдеу ұзақтығы аурудың ауырлығы мен оның ағымына байланысты анықталады.

Ең жоғары бір реттік доза – 20 мг. Ең жоғары тәуліктік доза – 60 мг.

Бүйрек жеткіліксіздігі орташа пациенттерде (креатининклиренсі 30-60 мл/мин) - тәулігіне 2 рет 1 таблеткадан тамақтану кезінде.

Егде пациенттерде - тәулігіне 2 рет 1 таблеткадан тамақтану кезінде.

Жағымсыз әсерлері

Жиі

-бас айналуы, бас ауыруы

- абдоминальді ауыру, диарея, диспепсия, жүрек айнуы, құсу

-бөртпе, тері қышынуы, есекжем

- астения

Сирек

- жүрек қағуы, экстрасистолия, тахикардия

- артериялық гипотензия; пациенттің дімкәстігімен, бас айналуымен немесе құлауымен байланысты болуы мүмкін, әсіресе гипертензияға қарсы препараттар қабылдайтын науқастардағы ортостатикалық гипотензия

- гиперемия

Жиілігі белгісіз

- ұйқының бұзылуы (ұйқысыздық, ұйқышылдық)

- паркинсонизм симптомдары (тремор, акинезия, гипертония), жүрістен жаңылу, тынымсыз аяқ синдромы, әдетте препаратты қабылдауды тоқтатқаннан кейін қайтымды болатын басқа қимыл-қозғалыс бұзылыстары

- іш қату

- жедел жайылған экзантематозды пустулез, ангиоэдема

- агранулоцитоз, тромбоцитопения, тромбоцитопениялық пурпура

- гепатит

Қолдануға болмайтын жағдайлар

- белсенді затқа немесе кез келген қосымша заттарға жоғары сезімталдық

- Паркинсон ауруы, паркинсонизм симптомдары, тремор, тынымсыз аяқ синдромы және басқа қимыл-қозғалыс бұзылыстары

- бүйрек функциясының ауыр бұзылуы (креатинин клиренсі <30 мл/мин)

- 18 жасқа дейінгі балалар мен жасөспірімдер (тиімділігі мен қауіпсіздігі анықталмаған)

- жүктілік және лактация кезеңі

Дәрілермен өзара әрекеттесуі

Басқа препараттармен өзара әрекеттесуі туралы деректер жоқ.

Айрықша нұсқаулар

Триметазидин дәрілік заты стенокардия ұстамаларын басу үшін арналмаған, ол сондай-ақ тұрақсыз стенокардия немесе миокард инфарктісі кезінде де бастапқы ем ретінде көрсетілмеген. Оны ауруханаға жатқызу алдында және ауруханаға жатқызылғаннан кейін алғашқы күндерде қолдануға болмайды.

Стенокардия ұстамасында, коронарлық тамырлар патологиясы қайта бағалануы тиіс және қолданылатын ем түзетілуі керек (дәрі-дәрмектік ем және реваскуляризация болуы мүмкін).

Триметазидин паркинсонизм симптомдарын (тремор, акинезия, гипертония) туындатуы немесе нашарлатуы мүмкін, бұл әсіресе егде пациенттерде ұдайы бақылануы тиіс. Күдікті жағдайларда пациенттер тиісті зерттеулер үшін неврологқа жіберілуі тиіс.

Паркинсонизм, тынымсыз аяқ синдромы, тремор, жүрістен жаңылу сияқты қимыл-қозғалыс бұзылыстары пайда болғанда препарат қабылдауды тоқтату керек.

Бұл жағдайдың жиілігі аз және әдетте препарат қабылдауды тоқтатқаннан кейін қайтымды. Пациенттердің көбінде триметазидин тоқтатқаннан кейін қалпына келу 4 ай бойына жүреді.

Егер паркинсонизм симптомдары препарат қабылдауды тоқтатқаннан кейін 4 айдан артық сақталса неврологқа қаралу керек.

Гипертензияға қарсы препараттар қабылдайтын пациенттерде көбіне жүрістен жаңылу немесе гипотензияға байланысты пациенттің құлауы мүмкін.

Препаратты триметазидиннің организмнен шығарылу уақыты ұлғайған пациенттер қабылдағанда сақ болу керек:

- бүйрек функциясының орташа бұзылуы,

- 75 жастан асқан егде жастағы пациенттер.

Препарат құрамында іш жүргізетін орташа әсер көрсетуі мүмкін маннитол бар.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналуы және ұйқышылдық автомобильді басқару және механизмдермен жұмыс істеу қабілетіне әсер етуі мүмкін.

Артық дозалануы

Симптомдары: артериялық гипотензия, қан кернеулері.

Емі: симптоматикалық.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

3 немесе 6 пішінді қаптамадан қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Меркле ГмбХ», Ludwig-Mercle-Str. 3, 89143, Блаубойрен, Германия

Қаптаушы

«Меркле ГмбХ», Graf-Arco-Str. 3, 89079, Ульм, Германия

Тіркеу куәлігінің ұстаушысы

«ратиофарм ГмбХ», Graf-Arco-Str. 3, 89079, Ульм, Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта:

«ратиофарм Қазақстан» ЖШС, 050059 (А15Е2Р), Алматы қ-сы, Әл-Фараби д-лы 17/1, Нұрлы тау БО, 5Б, 6 қабат. Телефон: (727)3251615;

е-mail: info.tevakz@tevapharm.com; веб сайт: www.teva.kz