Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Тималин 10 мг № 10 лиофилизат д/пригот р-ра

Қолжетімділігі
Тауар қолда жоқ
Үлгі
4820187010168
Елі
Украина
Өндіруші
Биофарма Трудовой коллект
  • Сипаттама

Сипаттама

Дәрілік затты медициналық қолдану

жөніндегі нұсқаулық

Тималин

Саудалық атауы

Тималин

Халықаралық патенттелмеген атауы

Жоқ

Дәрілік түрі

Инъекция үшін ерітінді дайындауға арналған лиофилизат, 10 мг

Құрамы

1 құтының құрамында

белсенді зат 10 мг ірі қара малдың құрғақ тазартылған тимус экстрактісі(айырша без),

қосымша зат - 20 мг глицин.

Сипаттамасы

Ақ немесе ақ сарғыш реңді аморфты ұнтақ немесе кеуекті масса

Фармакотерапиялық тобы

Иммуномодуляторлар. Иммуностимуляторлар. Басқа иммуностимуляторлар

АТХ коды L03AX

Фармакологиялық қасиеттері

Фармакокинетикасы

Егжей-тегжейлі сипатталмаған.Парентеральді қолданған кезде тиімді. Пероральді енгізген кезде асқазан-ішек жолдарында жылдам белсендіріледі.

Фармакодинамикасы

Т- және В-лимфоциттері мен олардың субпопуляцияларының мөлшері менарақатынасын реттейді, жасушалық иммунитет реакцияларын көтермелейді, фагоцитозды күшейтеді, регенерация және қан түзілу үдерістерін олар бәсеңсіген жағдайда ынталандырады, сондай-ақ жасушалық метаболизм үдерістерінің өтуін жақсартады.

Қолданылуы

Жасушалық иммунитеттің төмендеуімен қатарласа жүретін ауруларды кешенді емдеу құрамында:

- сүйек пен жұмсақ тіндердің жедел және созылмалы іріңді-қабыну ауруларында

- регенерациялық үдерістердің бұзылуы (сүйектің сынуы, күюлер, үсулер, трофикалық ойық жара, тіндердің сәулелік некрозы, асқазан мен 12 елі ішектің ойық жара ауруы)

- жедел және созылмалы бактериялық және вирустық инфекциялар, жайылған склероз, облитерациялайтын атеросклероз, ревматоидты артрит

- антибиотиктердің үлкен дозасын пайдаланған кезде, сәулемен немесе химиялық ем жүргізуден кейінгі иммунитет пен қан түзілудің бәсеңдеуінде

Қолдану тәсілі және дозалары

Қолданар алдында құтының ішіндегісін 0,9 % натрий хлориді ерітіндісінің 1-2 мл ерітеді және жеңіл сілкіп, көбіктендірмей, біркелкі шамаға келгенше, ішіндегілерін араластырады.

Тималиннің дозалану сызбасын пациенттің клиникалық және зертханалық тексерулерін негізге ала отырып, тек клиникалық иммунолог тағайындайды.

Бұлшықет ішіне терең (қан тамырларына тигізбей) күнделікті немесе күнара мынадайдозалардаенгізіледі:ересектергежәне 14 жастан асқан балаларға 5-20 мг-ден (курсына 30-100 мг); 1 жасқа дейінгі балаларға – 1 мг-ден; 1-3 жас – 1-2 мг-ден; 4-тен 6 жасқа дейінгілерге – 2-3 мг; 7-ден 14 жасқа дейінгілерге – 3-5 мг. Емдеу курсы: иммунитет бұзылуының айқын білінуіне қарай 3-тен10 күнге дейін.

Қажет болған кезде емнің қайталау курсын 1- 6 айдан кейін жүргізеді.

Жағымсыз әсерлері

Мүмкін

- аллергиялық реакциялар, тері бөртпелері, гиперемия, терініңқышынуы

- енгізу орнындағы реакция

Қолдануға болмайтын жағдайлар

- препарат компоненттеріне жоғары сезімталдық

- аутоиммунды және аллергиялық аурулар

- жүктілік және лактация кезеңі

Артық дозалануы

Жағымсыз реакциялардың күшеюі. Жануарларға тәжірибелер жүргізгенде жоғары дозада созылмалы енгізгенде айырша бездің инволюциясын туындатады.

Дәрілермен өзара әрекеттесуі

Биостимуляторлармен және иммунитет көтермелегіш препараттармен, рифампицинмен, изониазидпен үйлеседі. Тималин мен Т-активинді, тимактидті,тимогенді немесе тимоптинді бір мезгілде қолданбаған дұрыс, олардың әсер ету механизмі ұқсайды.

Айрықша нұсқаулар

Иммунологиялық көрсеткіштері ұдайы бақыланып, иммунологтың тексеруінен өткеннен кейін ғана Тималинмен ем жүргізуді тағайындаған және жүргізген жөн. Тималин басқа дәрілік заттарға аллергиялық реакцияларды олармен бір мезгілде қолданған кезде ғана үдетуі мүмкін. Тек қана ұсынылған еріткішті пайдалану қажет. Даярланған ерітіндіні басқа дәрілік заттармен араластырмау керек. Даярланғаннан кейін бірден қолданылады.

Педиатрияда қолданылуы

Тек жасушалық иммунитеттің дәлелді бұзылуы (бәсеңдеуі) бар болғанда ғана дәрігердің тағайындауы бойынша және бақылауымен қолданылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік заттың көлік құралын немесе қауіптілігі зор механизмдерді басқару қабілетіне әсер етуі туралы деректер жоқ.

Шығарылу түрі және қаптамасы

Лиофильді кептіруге арналған бромбутилді резеңке тығынмен тығындалған, алюминий қалпақшамен қаусырылған, көлемі 2 мл шыны құтыда 30 мг-ден. Құтыларға жабысқақ негіздегі заттаңбаны жапсырады.

Алюминий фольгамен жабылатын, ПВХ үлбірден жасалған пішінді ұяшықты қаптамаға5 құтыдан салады.

2 пішінді ұяшықты қаптаманымемлекеттік және орыс тілдерінде жазылған медициналық қолдану жөніндегі нұсқаулықпен бірге картоннан жасалған қорапшаға салады. Корапшаларды топтап ыдысқа салады және топтық заттаңбаларды жапсырады.

Сақтау шарттары

Жарықтың әсерінен қорғау үшін түпнұсқалық қаптамасында,25ºС -ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылықмерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«ФЗ «БИОФАРМА» ЖШҚ, Украина

09100, Киев обл., Белая Церковь қ., Киевская к-сі, 37

тел. (044) 277-36-10

Тіркеу куәлігінің иесі

«ФЗ «БИОФАРМА» ЖШҚ, Украина

Қазақстан Республикасы аумағында тұтынушылардан өнімнің сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

ҚР-дағы «ФЗ «БИОФАРМА» ЖШҚ өкілдігі

Алматы қ., Мирас 65,Мирас БО,101 кеңсе

тел. +7708016862