Сипаттама
Дәрілік затты медициналық қолдану
жөніндегі нұсқаулық
РИБОКСИН
Саудалық атауы
Рибоксин
Халықаралық патенттелмеген атауы
Инозин
Дәрілік түрі
Вена ішіне енгізуге арналған ерітінді, 20 мг/мл
Құрамы
1 мл ерітіндінің құрамында
белсенді зат: инозин – 20 мг;
қосымша заттар: гексаметилентетрамин, инъекцияға арналған су.
Сипаттамасы
Мөлдір түссіз ерітінді
Фармакотерапиялық тобы
Басқа да кардиотонустық препараттар.
АТХ коды С01ЕВ
Фармакологиялық қасиеттері
Фармакокинетикасы
Енгізген кезде рибоксин тіндерде жылдам таралады. Бауырда метаболизденеді, онда организмнің биохимиялық реакцияларында толық утилизацияланады. Аздаған мөлшерде көбінесе несеппен бірге шығарылады.
Фармакодинамикасы
Рибоксин – анаболиялық препарат, гипоксияға қарсы және аритмияға қарсы әсер көрсетеді. Ол АТФ-тің ізашары болып табылады, глюкозаның алмасуына тікелей қатысады және гипоксия жағдайында және АТФ жоқ болған кезде метаболизмнің белсенділенуіне ықпал етеді. Препарат тіндік тыныс алудың қалыпты үдерісін қамтамасыз ету үшін пирожүзім қышқылының метаболизмін белсендіреді, сондай-ақ ксантиндегидрогеназаның белсенділенуіне ықпал етеді.
Рибоксин миокардтағы зат алмасуға жағымды ықпал етеді, атап айтқанда жасушалардың энергетикалық тепе-теңдігін арттырады, нуклеотидтердің синтезін көтермелейді, Кребс циклының бірқатар ферменттерінің белсенділігін күшейтеді. Препарат миокардтың жиырылғыштық белсенділігін қалыпқа келтіреді және жасушаға олардың қозуы кезінде енген кальций ионымен байланысу қабілеті есебінен миокардтың диастолада толық босаңсуынамүмкіндік береді, тіндердің (әсіресе миокардтың және ас қорыту жолының шырышты қабығының) регенерациясын белсенді етеді.
Қолданылуы
Кешенді ем құрамында
- жүректің ишемиялық ауруында, оның ішінде миокард инфарктісі,стенокардия, коронарлық жеткіліксіздікте
- жүрек ырғағының бұзылуында
- жүрек гликозидтері препараттарымен уыттануда
- шығу тегі әр түрлі кардиомиопатияда, миокардиодистрофияда (ауыр дене жүктемелері, шығу тегі инфекциялық және эндокринді болуы аясында), миокардиттерде
- бауыр ауруларында (гепатиттер, бауыр циррозы, бауырдың майлы дистрофиясы)
Қолдану тәсілі және дозалары
Ересектерге вена ішіне тамшылатып немесе сорғалатып енгізу арқылы тағайындалады. Алдымен 200 мг (10 мл 2 % ерітінді) күніне 1 рет, бұдан әрі көтерімділігі жақсы болса- 400 мг дейін (20 мл 2 % ерітінді) күніне 1-2 рет енгізеді. Емдеу курсы жекелей (орташа алғанда 10-15 күн) анықталады. Венаға тамшылатып енгізгенде препараттың 2 % ерітіндісін глюкозаның 5 % ерітіндісінде немесе натрий хлоридінің 0,9 % ерітіндісінде ( 250 мг дейін) сұйылтады. Препаратты 1 минутта 40-60 тамшыдан баяу тамшылатып енгізеді. Жүрек ырғағының жедел бұзылуында200 - 400 мг (10 - 20 мл 2 % ерітінді) бір реттік дозада вена ішіне сорғалатып енгізуге болады.
Жағымсыз әсерлер
Иммундық жүйе, тері және тері асты шелдері тарапынан: аллергиялық/ анафилаксиялық реакциялар, оған қоса бөртпе, қышыну, тері гиперемиясы, есекжем, анафилаксиялық шок.
Жүрек-қантамыр жүйесі тарапынан: бас ауыруымен, бас айналуымен, жүрек айнуын сезінумен, құсумен, тершеңдікпен қатар жүруі мүмкін тахикардия, артериялық гипотензия.
Зат алмасу, метаболизм тарапынан: гиперурикемия, подаграның өршуі (жоғарғы дозаларды ұзақ қолданғанда).
Жалпы бұзылыстар: жалпы әлсіздік, енгізу орнындағы өзгерістер (гиперемияны, қышынуды қоса).
Қолдануға болмайтын жағдайлар
- инозинге немесе препараттың басқа да компоненттеріне аса жоғары сезімталдық
- гиперурикемия
- бүйрек жеткіліксіздігі
- подагра
- жүктілік және лактация кезеңі
- балалар мен 18 жасқа дейінгі жасөспірімдер
Дәрілермен өзара әрекеттесуі
Препаратты басқа дәрілік заттармен бір уақытта қолданғанда:
гепаринмен: гепарин әсерінің күшеюі, оның әсерінің ұзақтығының ұлғаюы;
жүрек гликозидтерімен: аритмия туындауының алдын алу, позитивті инотропты әсердің күшеюі мүмкін.
Препаратты β-адреноблокаторлармен бір уақытта қолданғанда рибоксиннің әсері азаймайды.
Нитроглицеринмен, нифедипинмен, фуросемидпен, спиронолактонмен бір уақытта қолдануға болады.
Бір ыдыста алкалоидтармен, қышқылдармен, спирттермен, ауыр металл тұздарымен, танинмен, В6 дәруменімен (пиридоксин гидрохлориді) үйлеспейді.
Айрықша нұсқаулар
Тері қышынуы және гиперемиясы пайда болғанда препаратпен емдеуді тоқтату керек. Емдеу кезінде қандағы және несептегі мочевина концентрациясының деңгейін бақылау қажет. Препаратты қолдануды шектеу бүйрек жеткіліксіздігі. Бүйрек жеткіліксіздігінде, дәрігердің пікірі бойынша күтілетін әсер қолдану кезіндегі ықтимал қауіптен басым болғанда ғана препаратты тағайындау мақсатқа сай келеді.
Жүктілік кезінде немесе емшек емізу кезеңінде қолдану
Аталған пациенттер тобы үшін қолданудың тиімділігі мен қауіпсіздігі бойынша зерттеулер жүргізілмеді, сондықтан оны жүктілік немесе емшек емізу кезеңінде қолданбаған жөн.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Препарат автокөлікті басқару және күрделі механизмдермен жұмыс істеу қабілетіне жағымсыз ықпал етпейді.
Балалар
Қолдану қауіпсіздігі жөнінде деректердің болмауына байланысты балаларға препаратты қолдануға болмайды.
Артық дозалануы
Жағымсыз реакциялар симптомдарының күшеюі мүмкін.
Емі. Препарат қолдануды тоқтату, симптоматикалық ем.
Шығарылу түрі және қаптамасы
Шыны ампулаларда 5 мл немесе 10 мл препараттан.
Сыйымдылығы 5 мл немесе 10 мл 5 ампуладан үлбірден жасалған пішінді ұяшықты қаптамаға салынады. 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен қорапшаға салынады.
Ескерту. Нүктесі немесе сындыру сақинасы бар ампулаларды пайдаланғанда скарификаторлар салу қарастырылмаған.
Сақтау шарттары
Түпнұсқалық қаптамасында, 25оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Галичфарм» ЖАҚ
Украина, 79024, Львов қ., Опрышковская к-сі, 6/8
Тіркеу куәлігінің иесі
«Галичфарм» ЖАҚ
Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын ұйымның мекенжайы:
Қазақстан Республикасындағы «Артериум» корпорациясының өкілдігі
050060, Алматы қ., әл-Фараби даңғылы 97 үй, 3 подъезд, «54» кеңсе
Тел/факс: 8(727)315-82-09; 8(727)315-82-10;
Е-mail: Almaty@arterium.ua
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
050060, Алматы қ., әл-Фараби даңғылы 97 үй, 3 подъезд, «54» кеңсе
Тел/факс: 8(727)315-82-09; 8(727)315-82-10;
Е-mail: Almaty@arterium.ua
