Сипаттама
Дәрілік затты медициналық қолдану
жөніндегі нұсқаулық
Назаксил®
Саудалық атауы
Назаксил®
Халықаралық патенттелмеген атауы
Ксилометазолин
Дәрілік түрі
Мұрынға арналған спрей 0,05 % және 0,1% 15 мл
Құрамы
1 мл препараттың құрамында
белсенді зат — 0,5 мг және 1,0 мг ксилометазолин гидрохлориді,
қосымша заттар: натрий дигидрофосфат дигидраты, динатрий фосфат додекагидраты, натрий хлориді, бензалконий хлориді (10 % ерітінді түріндегі),динатрий эдетаты, инъекцияға арналған су
Сипаттамасы
Мөлдір, түссіз немесе сәл сарғыштау сұйықтық
Фармакотерапиялық тобы
Тыныс алу жүйесі. Мұрынға арналған препараттар. Деконгестанттар және мұрынға арналған, жергілікті қолданылатын басқа препараттар. Қарапайым, симпатомиметиктер. Ксилометазолин.
АТХ коды R01AA07
Фармакологиялық қасиеттері
Фармакокинетикасы
Ұсынылғандозаларында интраназальді қолданылғанда препарат іс жүзінде сіңірілмейді және жүйелі әсер бермейді.
Фармакодинамикасы
Жергілікті тамырды тарылтатын дәрілерге жататын альфа-адреномиметик. Төмен концентрациясында, негізінен альфа2-адреномиметиктік әсер береді, жоғары концентрациясында альфа1-адренорецепторларға әсер етеді.
Тамырды тарылтатын әсер береді, мұрынның шырышты қабығының қантамырларының жергілікті тарылуын туғызады, мұрынның шырышты қабығы мен мұрынжұтқыншақтың ісінуі мен гиперемиясын басады. Емдік дозаларында жергілікті интраназальді қолданылғанда шырышты қабықты тітіркендірмейді, гиперемия туғызбайды. Препараттың әсері 5-10 минуттан соң білінеді және 10-12 сағат бойы жалғасады.
Қолданылуы
— ринит құбылыстарымен жүретін жедел респираторлық ауруларда
— жедел аллергиялық ринитте
— вазомоторлық ринитте
— синуситте
Қолдану тәсілі және дозалары
6 жастан 12 жасқа дейінгі балалар
Назаксил® 0,05% спрейі әр мұрын жолына 1 бүркуден тәулігіне 1-2 рет.
Ересектер мен 12 жастан асқан балалар
Назаксил® 0,1% спрейі әр мұрын жолына 1 бүркуден тәулігіне 1-2 рет.
Препаратты тәулігіне 3 реттен артық қолданбау керек.
Емдеу курсы 3-5 күннен аспайды.
Ең ұзақ қолданылу мерзімі — 7 күн.
Жағымсыз әсерлері
Жиі:
— жиі және ұзақ уақыт қолданғанда мұрын шырышты қабығының ісінуі болуы мүмкін, мұрынның «бітелу» сезімі, мұрын шырышты жолдарының құрғауы, ауыз бен тамақтың құрғауы,күйдіру, түшкіру, гиперсекреция, тәуелділік
Сирек:
— жүрек соғуының жиілеуі, тахикардия, аритмия, артериялық қысымның жоғарылауы
— жүрек айнуы, құсу
— көрудің бұзылуы
— аллергиялық реакциялар (Квинке ісінуі, есекжем, қышыну)
— депрессия (жоғары дозада ұзақ уақыт қолданғанда)
Өте сирек:
— мазасыздық, ұйқының бұзылуы, ұйқысыздық, шаршау, бас ауыруы
— бронхоспазм
— тері реакциялары: тері жабынының бозаруы, цианоз (жоғары дозада ұзақ уақыт қолданғанда)
Қолдануға болмайтын жағдайлар
— препарат компоненттеріне жоғары сезімталдық
— атрофиялық ринит
— жабықбұрышты глаукома
— көзішілік қысымның жоғарылауы
— айқын атеросклероз
— артериялық гипертензия
— тахикардия
— қант диабеті
— тиреотоксикоз, гипертиреоз
— қуықасты безінің гиперплазиясы
— транссфеноидальді гипофизэктомияда және басқа да мұрын арқылы жасалатын араласымдарда
— феохромоцитома
— 6 жасқа дейінгі балаларға (0,05% үшін)
— 12 жасқа дейінгі балаларға (0,1% үшін)
— жүктілік
Дәрілермен өзара әрекеттесуі
Моноаминооксидаза тежегіштерімен (оларды тоқтатқаннан кейінгі 14 күндік кезеңді қоса) және трициклдық антидепрессанттармен үйлесімсіз.
Трициклді және тетрациклді антидепрессанттармен бір мезгілде қабылдағанда ксилометазолиннің жүйелік әсерін және оның симпатомиметикалық әсерінің күшеюі мүмкіндігін жоққа шығаруға болмайды.
Моно-аминооксидаза (МАО) тежегіштері мен артериялық қысымның жоғарылауына әкелуі мүмкін басқа да дәрілік препараттар қабылдап жүрген пациенттерге ксилометазолинді сақтықпен және тек қана дәрігермен кеңескеннен кейін пайдалану керек.
Айрықша нұсқаулар
Дәрігердің кеңесінсіз 7 күннен артық қолданбау керек.
Ұзақ уақыт қолданғанда немесе ұсынылғанынан артық дозаларын қолданғанда, жүрек-қантамырлық әсерлермен немесе орталық жүйке жүйесі тарапынан әсерлермен жүйелі әсер етуі жоққа шығарылмайды.
Лактация кезеңі
Дәрігердің ұсынымдарын сақтайтын болса ғана, емшек емізетін кезде препарат пайдаланылуы мүмкін.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Назаксил®, ұсынылған дозаларында көлік құралдарын басқару қабілетіне әсер етпейді.
Артық дозалануы
Симптомдары: тахикардия, гипотония, артериялық гипертензия, дене температурасы едәуір төмендейтін ОЖЖ бәсеңдеуі, тер бөлінуімен ұйқышылдық, бас ауыруы, тамырдың жүйесіз соғуы, балалардағы потенциалды кома, ауыру және ашытып күйдіру, түшкіру және мұрын бөліністерінің көбеюі.
Емі: қажет болғанда симптоматикалық және спецификалық.
Шығарылу түрі және қаптамасы
15 мл препараттан полиэтиленнен жасалған, қақпақтармен тұмшаланып тығындалған спрей-құтыларға (аэрозольдерге) құйылған.
1 құты медициналық қолдану жөніндегі мемлекеттік және орыс тілдеріндегінұсқаулықпен бірге қораптық картоннан жасалған қорапшаға салынады.
10, 20 немесе 100 қорапшадан картоннан жасалған қорапқа салынған.
Немесе 20 құтыдан (қорапшаға салынбаған) медициналық қолдану жөніндегі мемлекеттік және орыс тілдеріндегі нұсқаулықтың сәйкесінше санымен бірге қораптық картоннан жасалған қорапшаға салынған.
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Құты ашылғаннан кейін — 4 аптадан асырмай сақтау керек.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші/Қаптаушы
«Медоптик» ЖШС, Қазақстан Республикасы
Алматы қ., Огарев к-сі 2 «б»
тел: 8 (727) 2320822, 2320823, 2320824
факс: 8 (727) 3832202
Е-mail: medoptik@medoptik.kz, www.medoptic.kz
Тіркеу куәлігінің иесі
«Медоптик» ЖШС, Қазақстан
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы):
«Медоптик» ЖШС, Қазақстан Республикасы
Алматы қ., Огарев к-сі2 «б»
тел: 8 (727) 2320822, 2320823, 2320824
факс: 8 (727) 3832202
Е-mail: medoptik@medoptik.kz, www.medoptic.kz
