Тауарлардың көрінісі фотосуретте көрсетілгеннен өзгеше болуы мүмкін

Миконаз 20 гр, пор.

Қолжетімділігі
Тауар қолда жоқ
Үлгі
6221508050111
Елі
Египет
Өндіруші
Медикал Юнион
  • Сипаттама

Сипаттама

Дәрілік затты медициналық қолдану

жөніндегі нұсқаулық

Миконаз

Саудалық атауы

Миконаз

Халықаралық патенттелмеген атауы

Миконазол

Дәрілік түрі

Сыртқа қолдануға арналған 20 гұнтақ

Құрамы

Бір контейнердің құрамында

Белсенді зат: миконазол нитраты0,4 г

Қосымша заттар: тальк 19.6 г

Сипаттамасы

Бөгде қосындылары жоқ ақтүсті ұсақ ұнтақ

Фармакотерапиялық тобы

Дерматология. Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Имидазол туындылары. Миконазол.

АТХ коды D01AC02

Фармакологиялық қасиеттері

Фармакокинетикасы

Миконазол нитратының сыртқа қолданғанда тері және шырышты қабық арқылы сіңірілуі төмен. Сіңірілген миконазол плазма ақуыздарымен 88,2% және эритроциттермен 10,6% байланысады. Сіңірілген миконазолдың аздаған мөлшері нәжіспен өзгермеген түрінде және метаболиттер түрінде де шығарылады.

Фармакодинамикасы

Миконаз дерматофиттерден (Trichophyton rubrum, Trichophyton mentagrophytes және Epidermophyton floccosum), түрлі-түсті теміреткі Malassezia furfur қоздырғышынан және Candida тегінің түрлерінен тұратын зеңдерге қарсы белсенділігінің әсер ауқымы кең, сыртқа пайдалануға арналған миконазол нитратының препараты болып табылады.

Зеңдерге қарсы белсенділігінен басқа, сондай-ақ Миконаз стафилококтар мен стрептококтарды қоса, грамоң коктар мен бациллаларға қарсы антибактериялық белсенділікке ие. Бактерияға қарсы әсері белсенді ингредиенттің жасушалық жарғақшалардың өткізгіштігін өзгерту қабілетімен және жасуша ішілік энзимдердің қызметін бұзуымен түсіндіріледі, ол соңында жасуша некрозына әкеп соғады.

Препаратты емдегенде көптеген пациенттерде алғашқы 2-3 күнішінде симптоматикалық жақсару орын алған.

Қолданылуы

- дерматофиттерден туындаған зеңдік инфекцияларда (тегіс тері дерматомикозында, шап дерматомикозы, табан эпидермофитиясы, қол терісінің дерматомикозы, кебек тәрізді теміреткі, монилиоз, зеңді паронихия)

- грамоң бактериялардан туындаған тері инфекциясы және суперинфекцияларда

Қолдану тәсілі және дозалары

Ересектер

Ұнтақ зақымданған бөліктерге күніне 2 рет жағылады. Аурудың қайта өршуіне жол бермеу үшін симптомдар жойылғаннан кейін 10 күннің ішінде препаратты қолдануды жалғастыру керек.

Егде жастағы тұлғаларға және балаларға

Қолданылуы ересектерде қолданумен ұқсас.

Жағымсыз әсерлері

Сирек

- енгізілген орындағы терінің тітіркенуі

- аллергиялық жанаспалы дерматит

- теріні күйдіруін сезіну

- тері гипопигментациясы

Өте сирек

- есекжем

- жанаспалы дерматит

- эритема

- қышыну

- анафилактикалық реакциялар

- аса сезімталдық реакциялары

- ангионевроздық ісіну

Қолдануға болмайтынжағдайлар

  • препарат ингредиенттеріне және имидазолдың басқа туындыларына немесе препараттың кез келген компонентіне жоғары сезімталдықта
  • шаш және тырнақтың инфекцияларын емдеу үшін қолдануға болмайды.

Дәрілермен өзара әрекеттестігі

Миконазолды жүйелі енгізу CYP3A4/2C9 цитохромын тежейтіні белгілі, алайда сыртқа қолданғаннан кейінгі жүйелі сіңірілуі шектеулі болғандықтан клиникалық маңызды өзара әрекеттестігі сирек кездеседі. Варфарин сияқты пероральді антикоагулянттарды қабылдайтын пациенттерге сақ болған және антикоагуляциялық әсерінбақылаған жөн.

Айрықша нұсқаулар

Аса жоғары сезімталдық немесе тітіркену күтілетін болса, емдеуді тоқтату керек.

Ұнтақтың көзге түсуіне жол бермеу керек. Ұнтақтың құрамында тальк болғандықтан, тыныс алу жолдарының тітіркенуіне жолбермеу үшін ұнтақпен тыныстаудан аулақ болу қажет. Емшек еметін жастағы және кішкене сәбилерді емдегенде олардың ұнтақпен тыныстауына жол бермеу үшінсақтықпен қолдану қажет.

Жүктілік және лактация кезеңі

Жануарларда миконазол нитраты тератогенді әсер көрсетпейді, бірақ жоғары дозаларда пероральді қабылдағанда фетоуытты болады.Миконазол нитратын жергілікті қолданғанда аздаған мөлшері ғана сіңіріледі, алайда басқа имидазолдар сияқты, миконазол нитратын жүктілік кезінде сақтықпен қолдану керек.

Миконазолдың ана сүтіне өтетіні белгісіз, сондықтан миконазолды лактация кезеңінде жергілікті қолданғанда сақ болған жөн.

Дәрілік препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Әсер етпейді.

Артық дозалануы

Симптомдары
Шамадан тыс пайдалану тері тітіркенуіне әкеп соғуы мүмкін, ол әдетте қолдануды тоқтатқаннан кейін жойылады.

Емдеу

Миконаз ұнтағы тек сыртқа қолдануға арналған. Препаратты үлкен мөлшерде пероральді қолданған жағдайда, тиісті симптоматикалық ем жүргізу қажет. Көлемді кездейсоқ аспирация тыныс алу жолдарының бөгелуін туғызуы мүмкін. Тыныс алу қиындаған жағдайда қарқынды демеуші емдеу көрсетілген. Егер тыныс алуды қалпына келтіре алмаған жағдайда өкпені жасанды желдетумен эндотрахеальді интубацияны қарастыру қажет.

Шығарылу түрі және қаптамасы

20 г препараттан бұралып жабылатын қақпағы бар ақ түсті полиэтилен пластик контейнерге салынған.

1 контейнер медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

30º °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Дәріханадан босатылу шарттары

Рецептісіз

Өндіруші

«Медикал Юнион Фармасьютикалс», Мысыр

Тіркеу куәлігінің иесі

«Медикал Юнион Фармасьютикалс», Мысыр

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«МедикалЮнион Фармасьютикалс»компаниясының ҚР өкілдігі.

Адрес: Алматы қ., 050000, Марков көш. 61/1, 3-блок, 2-этаж.

тел./факс: 8(727) 224 27 14, 8 (727) 224 27 19;

эл. почта: mupkz.al@gmail.com