Сипаттама
Дәрілік затты медициналық қолдану
жөніндегі нұсқаулық
Исла-Минт®
Саудалық атауы
Исла-Минт®
Халықаралық патенттелмеген атауы
Жоқ
Дәрілік түрі
Соруға арналған пастилкалар
Құрамы
Бір пастилканың құрамында
| белсенді зат – исландия мүгінің сулы экстрактісі ((2 – 4) : 1) 100.00 мг,
қосымша заттар: гуммиарабик 85%, сорбитол ерітіндісі 70% (кристалданусыз), экстрактіден алынған сорбитол ерітіндісі 70%, аспартам, бұрыш жалбызы майы, хлорофиллин мыс кешені Е 141, сұйық парафин, тазартылған су. |
Сипаттамасы
Жайпақ, біркелкі емес дөңгелектелген, линза тәрізді, резеңке тәрізді, бұрыш жалбызының дәмі бар жасыл пастилкалар, биіктігі 4.6 мм – 0.6 мм / +1.4 мм, диаметрі 16.0 мм ± 0.5 мм. Құрамында ауа көпіршіктері болуы мүмкін.
Фармакотерапиялық тобы
Респираторлық жүйе. Тамақ ауруын емдеуге арналған препараттар.
АТХкоды R02A
Фармакологиялық қасиеттері
Фармакокинетикасы
Фармакокинетика жөніндегі деректер сипатталмаған.
Фармакодинамикасы
Исла-Минт® пастилкалары препаратының құрамындатыныс алу жолдарының қабыну ауруларында жағымды емдік әсері болған исландия мүгі дәрілік өсімдігінен алынған экстрактісі бар.
Исла-Минт® пастилкалары препаратының емдік әсері тыныс алу жолдарының катаральді ауруларында бірінші кезекте ондағы өсімдік экстрактісінің микробқа қарсы белсенділігіне және иммунитетті стимуляциялайтын әсерге негізделеді. Препарат құрамындағы полисахаридтер ауа өткізгіш жолдардың шырышты қабығын бүркемелейді және оларды сыртқы зиянды факторлар мен түрлі тітіркендіргіштерден тиімді қорғайды. Препараттың бүркемелегіш әсері де болғандықтан, оны профилактика мақсатында да, мысалы, тыныс алу жолдарының ерекше сезімталдығында немесе оларға жүктеме жоғары болғанда (оның ішінде спортпен айналысқанда) қолдануға болады.
Суық тию қаупі болғанда шырышты қабықты қорғауға қабілетті Исла-Минт® пастилкалары препаратын профилактикалық тұрғыда қолдану тыныс алу жолдарының түрлі инфекцияларға шалдыққыштығын төмендете алады.
Қолданылуы
Симптоматикалық ем ретінде:
- әншілердегі, мұғалімдердегі, лекторлардағы дауыс байламдарына жоғары жүктемеде
- тамақтың жыбырлауында, қарлығуда, құрғақ жөтел кезінде
- жылыту кезеңіндегі ауаның құрғауында
- мұрынмен тыныс алудың шектелуінде
Қолдану тәсілі және дозалары
Ересектер мен 12 жастан асқан балалар: ауызда баяу еруге мүмкіндік бере отырып, сағат сайын 1 пастилкадан қабылдау керек.
Ең жоғары тәуліктік доза: 12 пастилка.
4-тен 12 жасқа дейінгі балалар: ауызда баяу еруге мүмкіндік бере отырып, әр 2 сағат сайын 1 пастилкадан қабылдау керек.
Ең жоғары тәуліктік доза: 6 пастилка.
Емдеу курсы – 10 күн. Егер 10 күн ішінде жағдай жақсармаса, дәрігерге қаралу керек.
Ауру симптомдарын жойғаннан кейін де тұрақты емдік әсерге қол жеткізу мақсатында Исла-Минт® препаратын тағы 2-3 күн қабылдау керек.
Тыныс алу жолдарын қорғау үшін профилактика мақсатында оларға жоғары күш түскенде (тамақтың жыбырлау сезімі немесе жоғары жүктеме, мысалы, сөйлеу, спорт) Исла-Минт® препаратын ауызда баяу еруіне мүмкіндік бере отырып, бұл ретте ең жоғары тәуліктік дозадан асырмай, тәулігіне бірнеше рет 1 пастилкадан қабылдау керек.
Жағымсыз әсерлері
- препараттың қандай да бір ингредиентіне аса жоғары сезімталдық
Өте сирек
- іш жүргізетін әсері, препарат құрамында сорбит болғандықтан
Қолдануға болмайтын жағдайлар
- препараттың қандай да бір ингредиентіне жоғары сезімталдық
- фенилкетонурия болғанда, препараттың құрамында тәтілендіргіш аспартам бар екендігін ескеру қажет
- фруктоза жақпаушылығы
- 4 жасқа дейінгі балаларға
Дәрілермен өзара әрекеттесуі
Белгісіз
Айрықша нұсқаулар
Исла-Минт® препаратының құрамында қант жоқ, сондықтан оны қант диабетінен зардап шегетін науқастарға тағайындауға болады.
1 пастилка 0,03 нан бірлігіне = 0, 385 г көмірсуға сәйкес келеді.
Исла-Минт® пастилкалары препаратының құрамындағы исландия мүгінен жасалған өсімдік экстрактісі кейде препараттың түсі мен дәмін өзгертуі мүмкін, бұл емдік әсеріне ықпал етпейді.
Жүктілік және лактация кезеңі
Жүктілік және лактация кезеңінде препараттың жағымдылығы туралы деректер жоқ. Қажет жағдайда, дәрігерден кеңес алғаннан кейін қолдануға болады.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Анықталмаған.
Шығарылу түрі және қаптамасы
10 пастилкадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.
3 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Құрғақ жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші/Қаптаушы кәсіпорын
Энгельхард Арцнаймиттель ГмбХ & Ко. КГ.
Херцбергштрассе 3, 61138 Нидердорфельден, Германия.
Тіркеу куәлігінің ұстаушысы
Энгельхард Арцнаймиттель ГмбХ & Ко. КГ.
Херцбергштрассе 3, 61138 Нидердорфельден, Германия
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округы,
Көкөзек а., 1044 құрылыс
Тел./факс+ 7 727 232-34-73,
+ 7 727 232-34-74
E-mail: info.kazakhstan@alpenpharma.com
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округы,
Көкөзек а., 1044 құрылыс
Моб. +7 701 035 70 69
E-mail: pv.kz@alpenpharma.com
