Фосфалюгель 16 г № 20 пакетики
Тауарлардың көрінісі фотосуретте көрсетілгеннен өзгеше болуы мүмкін

Фосфалюгель 16 г № 20 пакетики

Қолжетімділігі
Тауар қолда жоқ
Үлгі
4607098450234
Елі
Франция
Өндіруші
Яманучи
  • Сипаттама

Сипаттама

Дәрілік затты медициналық қолдану

жөніндегі нұсқаулық

Фосфалюгель

Саудалық атауы

Фосфалюгель

Халықаралық патенттелмеген атауы

Жоқ

Дәрілік түрі

16 г гель

Құрамы

16 г бір пакеттің (саше немесе стик) ішінде

белсенді зат – 20 % алюминий фосфаты гелі - 10.40 г (2.08 г алюминий фосфатына сәйкес),

қосымша заттар: кальций сульфаты дигидраты, пектин, агар-агар 800, апельсин хош иістендіргіші, калий сорбаты, 70% сорбитол ерітіндісі,тазартылған су

Сипаттамасы

Араластырғаннан кейін ақ немесе ақ дерлік түсті, апельсин иісі бар гомогенді гель

Фармакотерапиялық тобы

Қышқылдығы бұзылуымен байланысты ауруларды емдеуге арналған препараттар. Антацидтер. Алюминий препараттары. Алюминий фосфаты

АТХ кодыА02АВ03

Фармакологиялық қасиеттері

Фармакокинетикасы

Препарат асқазан-ішек жолынан іс жүзінде сіңбейді. Алюминий фосфатының сіңірілуі 0,087%-ға жуықты құрайды. Сіңген алюминий организмнен толығымен бүйрекпен шығарылады. Фосфалюгель рентген кезінде байқалмайды. Алюминий фосфаты суда ерімейді. Ол тағамдық фосфаттарды сіңірмейді, осылайша, фосфаттар мөлшерінің төмендеу қаупі жоқ.

Фармакодинамикасы

Қышқылды бейтараптандыратын, бүркемелейтін, сіңіретін әсері бар. Пепсиннің протеолизистік белсенділігін төмендетеді. Асқазан ішіндегісінің қышқылдығын физиологиялық деңгейде сақтай отырып, асқазан сөлінің сілтіленуін туындатпайды. Тұз қышқылының екінші өте жоғары сөлінісіне әкеп соқтырмайды. Асқазан-ішек жолдарының шырышты қабығында қорғаныш қабатын түзеді. Ас қорыту жолдарының өне бойындауыттардың, газдар мен микроорганизмдердің шығарылуына ықпал етеді, ішек ішіндегісінің пассажын қалпына келтіреді.

Қолданылуы

Асқазанның немесе өңештің жоғары қышқылдығымен қатар жүретін ас қорыту жолы ауруларын симптоматикалық емдеуде

Қолдану тәсілі және дозалары

Тамақтану алдында немесе ауыру туындағанда ішке 1-2 пакеттен тәулігіне 2-3 рет.

Жағымсыз әсерлері

Сирек

- іш қатуы (негізінен егде жастағы науқастарда, төсек тартып жатқан науқастарда)

- аллергиялық реакциялар (Квинке ісінуі, есекжем)

Қолдануға болмайтын жағдайлар

- алюминий фосфатына немесе қосымша заттардың біреуіне аса жоғары сезімталдық

- бүйрек функциясының айқын бұзылулары

- 12 жасқа дейінгі балалар

Дәрілермен өзара әрекеттесуі

Басқа дәрілік заттармен өзара әрекеттесетін барлық антацидтік дәрілерді пероральді қабылдайды.

Бір мезгілде қабылданатын дәрілік заттардың, мысалы: фуросемид, буметанид, флюороквинолонның асқазанда сіңуінің төмендеуі байқалады.

Сақтандыру шаралары сақтау мақсатында антацидтерді басқа дәрілік заттардан бөлек (мысалы, 2 сағаттан соң) қабылдау қажет.

Айрықша нұсқаулар

Осы дәрілік заттың құрамында сорбитол бар. Фруктоза жақпаушылығы бар пациенттерге оны қолдану ұсынылмайды.

Құрамында сорбитол болуы салдарынан бұл дәрілік заттың жеңіл іш жүргізетін әсері болуы мүмкін.

Жүктілік және лактация

Деректер жоқтығына байланысты ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: асқазан-ішек жолдары моторикасының бәсеңдеуі (іш қатулар, ішектің бітелуі).

Емі: іш жүргізетін препараттарды тағайындау, симптоматикалық ем.

Шығарылу түрі және қаптамасы

16 г гельден ламинацияланған қағаздан, алюминий фольгадан және жоғары қысымды полиэтиленнен (ішкі қабаты) жасалған термодәнекерленгенкөп қабатты пакеттерге (сашелер немесе стиктер) салынған.

20 пакеттен (саше) немесе 6 пакеттен (стиктер) медициналық қолдану жөніндегі нұсқаулықпен бірге картон қорапшаға салынған.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші ұйымның атауы мен елі

Фарматис, Франция, Зона Актив. Ист. № 1, 60190 Эстрес- Сан-Дени

Қаптаушы ұйымның атауы мен елі

Фарматис, Франция

Тіркеу куәлігі иесінің атауы мен елі

Астеллас Фарма Юроп Б.В., Силвиусвег 62, 2333 ВЕ, Лейден, Нидерланды

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«Астеллас Фарма Юроп Б.В.» ҚР өкілдігі

050059, Қазақстан Республикасы, Алматы қ., Әл-Фараби даңғ. 15, «Нұрлы Тау» БО, 4В корпусы, кеңсе № 19-4В-10

Телефон/факс +7 727 311 13 90Pharmacovigilance.KZ@astellas.com