Сипаттама
Дәрілік затты медициналық қолдану
жөніндегі нұсқаулық
Ацесоль
Саудалық атауы
Ацесоль
Халықаралық патенттелмеген атауы
Жоқ
Дәрілік түрі
Инфузияға арналған ерітінді 200 мл немесе 400 мл
Құрамы
1 литр ерітіндінің құрамында
белсенді заттар: натрий ацетаты тригидраты2.0 г,
натрий хлориді5.0 г,
калий хлориді1.0 г,
қосымша зат: инъекцияға арналған су,
иондық құрамы (1 л препарат): натрий ионы - 110 ммоль, калий ионы -13.4 ммоль, хлор ионы - 99 ммоль, ацецат ионы - 24.4 ммоль
Теориялық осмолярлығы ~247 мосм/л
Сипаттамасы
Түссіз мөлдір сұйықтық
Фармакотерапиялық тобы
Қан және қан түзу ағзалары.
Қан алмастырғыштар және перфузиялық ерітінділер.
Вена ішіне енгізу арналған ерітінділер.
Су-электролит теңгеріміне әсер ететін ерітінділер.
Электролиттер.
АТХ коды В05ВВ01
Фармакологиялық қасиеттері
Фармакокинетикасы
Препарат қан арнасында ұзақ болмайды, интерстициалды кеңістікке жылдам өтеді. Диурезді күшейте отырып, бүйрек арқылы шығарылады.
Фармакодинамикасы
Ацесоль ерітіндісі осмостық тұрғыдан теңестірілген біріктірілген препарат болып табылады. Ерітінді уытсыздандырғыш, плазма алмастыратын, регидратациялаушы, шокқа қарсы және гемодинамикалық әсер етеді: гиповолемияны азайтады, қанның реологиялық қасиеттерін жақсартады, қанның қоюлануына және метаболизмдік ацидоздың дамуына кедергі жасайды, диурезді күшейтеді, микроайналымды жақсартады.
Қолданылуы
- дегидратация
- жедел дизентерия
- тағамдық токсикоинфекция
- Эль-Тор тырысқағы
Қолдану тәсілі және дозалары
Зертханалықкөрсеткіштерді бақылаумен вена ішіне (сорғалатып және тамшылатып). 1 сағат бойына ерітіндіні сорғалатып енгізеді, одан кейін сорғалатып енгізуді (24-48 сағат бойына минутына 40-120 тамшыдан) тамшылатумен алмастырады. Ерітіндіні енгізер алдында 36-38°С-ге дейін жылытады.
Ерітіндіні нәжіспен, құсықпен, несеппен, термен кеткен сұйықтық көлемін қалпына келтіру үшін қажетті мөлшерде енгізеді. Енгізілген және жоғалған сұйықтық теңгерімін әрбір 6 сағат сайын анықтайды. Енгізілетін ерітіндінің көлемі жекелей, су-электролиттік теңгерімді қалпына келтіруге қажетті мөлшерде таңдалады.
Жағымсыз әсерлері
ДДҰ сәйкес жанама әсерлердің даму жиілігі жіктелген:
| Жанама әсерлердің даму жиілігі |
| Өте жиі | >1/10 |
| Жиі | > 1/100-ден < 1/10 дейін |
| Жиі емес | > 1/1000-ден < 1/100 дейін |
| Сирек | >1/10 000-ден < 1/1000 дейін |
| Өте сирек | < 1/10 000, жеке хабарламаларды қоса алғанда |
Өте сирек
- гиперкалиемия
- аллергиялық реакциялар (қышыну)
- ісінулер,
- тахикардия
Сирек
- қалтыраудың пайда болуы.
Қолдануға болмайтын жағдайлар
- препаратқа аса жоғары сезімталдық
- гиперкалиемия, гипернатриемия
- алколоз
- созылмалы бүйрек және бауыр жеткіліксіздігі
- организмге көп мөлшерде сұйықтық енгізуге қарсы көрсетілімдердің болуы (мидың, өкпенің ісінуі, гипергидратация және т.б.)
Дәрілермен өзара әрекеттесуі
Деректер жоқ
Айрықша нұсқаулар
Қолданар алдында ерітіндіні дене температурасына дейін қыздыру қажет. Емдеуді гематокритті және қандағы электролиттер концентрациясын бақылай отырып жүргізеді.
Жүктілік пен лактация
Препаратты жүктілік кезінде, егер анасы үшін күтілетін пайдасы ұрық үшін мүмкін болатын қауіптен асып түсетін жағдайда ғана қолдануға болады. Препаратты қолдану кезеңінде тиісті клиникалық деректердің болмауына байланысты бала емізуден бас тарта тұрған жөн.
Дәрілік заттың көлік құралдарынжәне қауіптілігі зор механизмдерді басқару қабілетіне әсер ету ерекшеліктері.
Препараттың психофизиологиялық реакцияларға және көлік құралдарын немесе қауіптілігі зор механизмдерді басқару қабілетіне әсері туралы хабарланбаған.
Артық дозалануы
Симптомдары: бүйректің созылмалы аурулары бар пациенттерде немесе калийдің организмнен шығарылуының бұзылуымен қатар жүретін кез келген аурулар кезінде немесе препаратты вена ішіне тым жылдам енгізгенде гиперкалиемия дамып, ол әлеуетті өлімге әкеп соғуы мүмкін. Гиперкалиемияның ерте клиникалық көріністері (Р тісінің сүйірленуі, U тісінің жоғалуы, ST сегментінің төмендеуі және QT аралығының ұзаруы) әдетте 7-ден 8 мэкв/л-ге дейін сарысудағы калий концентрациясы кезінде білінеді. Ауырлау симптомдар (оның ішінде бұлшықеттердің салдануы және жүректің тоқтауы) калийдің 9-10 мэкв/л концентрациясында дамиды.
Өлімге әкелетін гиперкалиемия тез дамуы және симптомсыз өтуі мүмкін екенін ескеру керек.
Емі: препаратты тоқтату, гиперкалиемия құбылыстары кезінде - препаратты электролиттік теңгерім қалпына келтіргенге дейін "Дисоль" ерітіндісімен ауыстырады. Қажет болған жағдайда гемодиализ және перитонеальді диализ жүргізеді.
Шығарылу түрі мен қаптамасы
200 және 400 мл препаратты резеңке тығындармен тығындалып, алюминий қалпақшалармен қаусырылған, сыйымдылығы 250 мл немесе 450 мл шыны бөтелкелерге құяды.
Сыйымдылығы 250 мл 28 бөтелке және сыйымдылығы 450 мл 15 бөтелке медициналық қолдану жөніндегі орыс және қазақ тілдеріндегі нұсқаулықтары бөтелке санына сәйкес мөлшерде салынған гофрланған картоннан жасалған жәшіктерде (стационар үшін).
Сақтау шарттары
250 C-ден аспайтын температурада сақтау керек.
Балалардың қолы жетпейтін жерде сақтау керек!
Мұздатып қатыруға болмайды.
Бөтелкелердің ішкі бетінің ылғалданбайтыны препараттың қолданылуына қарсы көрсетілім болып табылмайды.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Биохимик» АҚ, Ресей Федерациясы, 430030, Саранск қ-сы,
Васенко көшесі, 15А
Телефон 8(8342) 38-03-68
Тіркеу куәлігінің ұстаушысы
«ПРОМОМЕД РУС» ЖШҚ, Ресей Федерациясы, Мәскеу қ-сы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Декалог» ЖШС
050050, Қазақстан Республикасы Алматы қ-сы, Глазунов к-сі 41А-4
тел. 2944221, тел. 8 7017315218
E-mail: deсalog@nur.kz
(050050, Republic of Kazakhstan, Almaty, Glazunova str., 41A-4)
Tel. 2944221, Tel. 8 7017315218
E-mail: deсalog@nur.kz
